ပြည်နယ်အစိုးရက ပြည်သူထံ ရှေ့လုပ်ငန်းစဉ်များ ချပြ

0

ဇန္န၀ါရီလ ၂၉ ရက်နေ့က ချင်းပြည်နယ်ဝန်ကြီးချုပ် ပူး ဟုန်းငိုင်းနှင့် ၀န်ကြီးများ သည် ဒေသ ခံ ပြည်သူ လူထုထံ ရှေ့လုပ် ငန်းစဉ်များကို ရှင်းလင်းချပြကြသည်ဟု သိရသည်။

ဟားခါးမြိ့တော်ခန်းမတွင် ပြုလုပ်သော အဆိုပါ တွေ့ဆုံရှင်းလင်းပွဲသို့ ဌာနဆိုင်ရာ တာဝန်ရှိ ပုဂ္ဂိုလ် များ ၊ မြို့မိမြို့ဖများ၊ မြို့နယ်၊ ကျေးရွာ၊ ရပ်ကွက် အဆင့် အုပ်ချုပ်ရေးမှူးများ စုံလင်စွာ တက်ရောက်ကြကြောင်း သိရသည်။

တနှစ်ခွဲတာ အုပ်ချုပ်ရေးကာလ သက်ဆိုင်ရာအလိုက် လုပ်ငန်းဆောင်ရွက်မှု၊ ရှေ့လုပ်ငန်း စဉ်တွေ ကို ၀န်ကြီးချုပ်နှင့် ၀န်ကြီးအသီးသီး က ရှင်းလင်းချပြကြောင်း ဒေသထုတ် သတင်းစာ တွင် ဖော်ပြ ထားသည်။

“ ၀န်ကြီးချုပ်က လာမည့် ဘတ်ဂျက်နှစ်မှာ ဟားခါးမြို့ပေါ် လျှပ်စစ်မီးအတွက် ကျပ်ငွေ သိန်း ပေါင်း ၁၉၇၊ ချင်းပြည်နယ် တခုလုံးအတွက် ကျပ်ငွေ သန်းပေါင်း ၃၈ ကို ဗဟိုသို့တောင်း ဆိုထား တယ် လို့ ပြောတယ်” ဟု တက်ရောက်သူတဦးက ပြောသည်။

ပြီးခဲ့တဲ့ ဇန္န၀ါရီ ဒုတိယပတ်က ဟားခါးမြို့ပေါ်ဒေသခံများ မြိ့ပေါ် လျှပ်စစ်မီးပုံမှန်ရရှိရေး ဆန္ဒဖော် ထုတ်ခဲ့ကြသည်။

အဆိုပါ ရှင်းလင်းပွဲတွင် ချင်းပြည်နယ်တခုလုံးကျေးရွာ၊ ရပ်ကွက်အဆင့် ရွေးကောက်ပွဲ ၊ အာဏာ နှင့်လုပ်ပိုင်ခွင့်တွေကို ၀န်ကြီးချုပ်က ရှင်းလင်းခဲ့ သည်ဟု သိရသည်။

ချင်းပြည်နယ် ကျေးရွာ၊ ရပ်ကွက် အဆင့် ရွေးကောက်ပွဲကို အပြီးသတ်ကျင်းပပြုလုပ်ပြီးဖြစ်သော် လည်း ၁၅ ရွာတွင်ရွေးကောက် ပွဲမဖြစ်မြောက်သေးကြောင်း သိရသည်။

Share.

About Author

Comments are closed.