ပြည်နယ်ကိုယ်စားလှယ် Pu Lal Maung Cung ဒေသတွင်း အစာရေစာ ငတ်မွတ်မှု ကွင်းဆင်း

0

ချင်းအမျိုးသားပါတီ ထန်တလန်မြို့နယ်မှ ပြည်နယ်ကိုယ်စားလှယ် Pu LalMaung Cung သည် ဇန္န၀ါရီ ၇ ရက်နေ့မှ စပြီး ဖေဖေါ်ဝါရီ ၁၀ ရက်နေ့အထိ ဒေသအတွင်း အစာရေစာငတ်မွတ်မှုပြသနာဖြေရှင်းရေးအတွက် ကွင်းဆင်း လေ့လာမှုပြုခဲ့ သည်။

 

၂၀၁၂ ဒီဇင်ဘာ ၁၇ – ၂၂ အကြား ပြည်နယ်လွှတ်တော်အစည်းအဝေးတွင် သူကိုယ်တိုင်တင်ပြထားသည့် ဒေသတွင်း အစာရေစာ ခေါင်းပါးမှု ဖြေရှင်းရေး အဆိုပြုချက်ကို လွှတ်တော်က ကွင်းဆင်းမှုပြုလုပ်ရန် အတည်ပြုခဲ့သည်။Pu LalMaungCung သည် ထန်တလန်မြို့နယ်အတွင်း Vailam, Zanak, Vanzang တောင်ကြောတလျှောက် ကျေးရွာ ပေါင်း ၂၂ ကို ကွင်းဆင်းလေ့လာမှုပြုခဲ့ကြောင်း သိရသည်။

“ ဒီတောင်ကြော သုံးခု အတွင်းလေ့လာချက်များအရ Zanak တောင်ကြောရှိ ဒေသခံတွေဟာ အစာရေစာ အခေါင်းပါး ဆုံးဖြစ်တယ်၊ အဲဒါတွေဖြေရှင်းဖို့က အစိုးရ၊ လွှတ်တော်ကိုယ်စားလှယ်တွေမှာ တာဝန်ရှိတယ်” ဟု ပြောသည်။

Zanak တောင်ကြောအတွင်း Ralpel, lungler,Dawn, Bungkhua, Ruabuk, Saikah,Ruakhua ကျေးရွာ ဒေသခံ များသည် ယခု စားစရာပြတ်လပ်နေပြီဖြစ်ကြောင်း ထို့အပြင် Thangzang, Fungkah, Sihhmuh ကျေးရွာဒေသခံများ သည် နောက် သုံးလအတွင်း စားစရာပြတ်လပ်တော့မှာဖြစ်ကြောင်း ဆိုသည်။

Vailam တောင်ကြောအတွင်း Bungtlang ကျေးရွာလူထုသည် အစာ ပြတ်လပ်နေသောကြောင့် တဖက် မီဇိုရမ် ဖက်မှ ကားဖြင့် လေးခေါက်တိတိ ဆန်များလာရောက် ထောက်ပံ့ထားကြောင်း၊ တောင်ကြောရှိ တခြားဒေသခံများသည်လည်း မကြာခင် အစာခေါင်းပါးမှုနှင့် ရင်ဆိုင်ရတော့မှာဖြစ်ကြောင်း သိရသည်။

“ Bungtlang ကျေးရွာသားတွေဟာ အခု ထန်တလန် မှ တဖက် မီဇိုရမ်ဆက်သွယ်တဲ့ Saisichuak ကားလမ်းဘေးသို့ ရွှေ့ပြောင်း ဖို့ပြင်ဆင်ထားကြပေမဲ့ အစာ ပြသနာကြောင့် ပြောင်းရွှေ့ဖို့ ခက်ခဲနေကြတယ်” ဟု ပြည်နယ်လွှတ်တော် ကိုယ်စားလှယ်က ပြောသည်။

Vanzang တောင်ကြောအတွင်း Lungding ကျေးရွာသည် အစာခေါင်းပါးမှု အမြင့်ဆုံးဖြစ်ကြောင်း ပြည်ပရောက် ဒေသခံတွေ၏ ကျပ်ငွေ ၁၂ သိန်းထောက်ပံ့မှုဖြင့် ဆန် ၀ယ်ယူစားသုံးနေရကြောင်း၊ ကျန်ကျေးရွာများသည်လည်း နောက် သုံးလအတွက်  စာပြတ်လပ်တော့မှာဖြစ်ကြောင်း ဘာသာရေးအသင်းအဖွဲ့တွေက ယင်းပြသာနာဖြေရှင်းရေးအတွက် လုံးပမ်းနေရကြောင်း သိရသည်။

“ အစာရေစာပြတ်လပ်တာတော့ ဟုတ်ပါပီ၊ တချို့ ကျေးရွာတွေမှာ ရေပြသနာ၊ မူလတန်းကျောင်းအဆောက်အဦး ပြသာ နာတွေနဲ့ ထပ်မံရင်ဆိုင်နေရတယ်၊ ဒေသခံတွေအနေနဲ့ အစိုးရကို ထပ်ခါတလဲလဲ တင်ပြပေမဲ့ ဖြေရှင်းမပေးတာတွေ့ ရတယ် ” ဟု ပြောသည်။

၂၀၀၆ ခုနှစ်မှစတင်ဖြစ်ပွားသည့် အစာရေစာပြတ်လပ်မှုပြသာနာကြောင့် ချင်းပြည်သူများသည် မိမိတို့ ကိုယ်ထူ ကိုယ်ထဖြင် ကား လမ်းများတူးဖော်ကြပြီး စားနပ်ရိက္ခများကို ၀ယ်ယူနေကြသည်။

Share.

About Author

Comments are closed.