မြို့တော်ဟားခါး အနီး ကားတိမ်းမှောက်၊ ဒရိုင်ဗာ သေဆုံး၊ ၁၄ ဦးဒါဏ်ရာ ရ

0

ချင်းပြည်နယ်မြို့တော်ဟားခါးမြို့မှ ၁၄ မိုင်အကွာတွင် ကားတစီးတိမ်းမှောက်ခဲ့ရာ ဟားခါးမြို့နေ၊ ဆတ္တားဇာတိ ဖြစ်သူ ကားပိုင် ဒရိုင်ဗာ Heinawnkio ( 38) သေဆုံးပြီး ခရီးသည် ၁၄ ဦး ဒါဏ်ရာရရှိသည်ဟု ကြားသိရသည်။

ဖြစ်စဉ်မှာ ဧပြီလ ၁၀ ရက်နေ့ ည ၈း၀၀ နာရီခန့်က ဟားခါးမြို့မှ ဆတ္တားရွာသို့ သွားသည့် ၀ ဥ တင်ဆောင်သော ဒေသအခေါ် Haimual Jeep ကားတစီးသည် ကားလမ်းပေါ်တွင် ယုန်ကို တွေ့ပြီး ရှောင်ရာမှ ကားလမ်းအောက် သို့ ထိုး ကျခဲ့ခြင်းဖြစ်ပြီးသည်။

The Hakha Post သတင်းအရ ဒရိုင်ဗာသည် ဟားခါးဆေးရုံသို့ သယ်ဆောင်လာစဉ် လမ်းခုလပ်တွင် သေဆုံးသွားသည်။

လူနာများမှာ ဟားခါးမြို့နယ်  ဖိုင်ဇောင်းရွာမှ Pu Siang Tum၊  Pu Lian Kham၊ Pi Ni Men Zing နှင့် ၄င်း၏ ကလေးငယ်၊  ခွါပီးရွာမှ Pu Tin Cung၊  Pu Zung Ki၊ Pu Tha Peng၊ အမျိုးသမီးငယ် Far Hlei Sung၊ Pi Tial Sam၊ Pu Cung Lian၊ Pi Ni Ci ၊ Pi Thla Sui, ဆူးရ်ခွါး ရွာမှ Dawt Cin Sung အနှင့် ၄င်း၏ သားငယ် တဦးနှင့် သမီးငယ်တဦး တို့ဖြစ်ကြသည်။

လူနာတွေကို ဘာသာရေးပွဲတခုမှ ပြန်လာသည့် ခရီးသည်များက ဟားခါးဆေးရုံသို့ သယ်ဆောင်လာကြသည်ဟု သိရ သည်။

ချင်းပြည်နယ်သည် လမ်းပန်းဆက်သွယ်ရေးခက်ခဲကြမ်းတမ်းသည့် ဒေသဖြစ်ပြီး နှစ်စဉ် ကားမှောက်မှု များပြား နေ ကြောင်း၊ အထူးသဖြင့် မိုးရာသီတွင် ပိုမိုဖြစ်ပွားကြောင်း ပြောကြသည်။

ယခုလ ဧပြီ ၇ ရက်နေ့က မင်းတပ်မြို့မှ ၀မ္မသူးရွာသို့ ခရီးသည် ၁၁ ဦးတင်ဆောင်လာသည့်ကားတစီး မင်းတပ်မြို့မှ ၁၆ မိုင်အကွာတွင် တိမ်းမှောက်ခဲ့ရာမှ  ခရီးသည် ၄ ဦး ပွဲချင်းသေဆုံးပြီး ၇ ဦး ဒါဏ်ရာရရှိသည်။

Share.

About Author

Comments are closed.