NCCD က ဖွံ့ဖြိုးရေးဆိုင်ရာ အချက်လေးချက်ကို အစိုးရထံတောင်းဆို

0

DSC03168

အိန္ဒိယ – မြန်မာနယ်စပ်အခြေစိုက် ချင်းလူငယ်တစုက ဖွဲ့စည်းထားသည့် Network for Chin Community Development ( NCCD) အဖွဲ့က ချင်းလူထုဖွံ့ဖြိုးရေးဆိုင်ရာနှင့် ပါတ်သက်ပြီး အချက်လေးချက်ကို ယနေ့ ဇူလိုင်လ ၁၅ ရက်နေ့က အစိုးရထံ တောင်းဆိုလိုက်သည်။

( NCCD) အဖွဲ့က ချင်းလူထု ဖွံ့ဖြိုးရေး ဆွေးနွေးပွဲကို ၂၀၁၃ခုနှစ်၊ ဇွန်လ ၂၁ ရက်နေ့မှ စပြီး ချင်းပြည်နယ်တီးတိန်မြို့နယ်၊  ထန်တလန်မြို့နယ် ၊ ပလက် ၀မြို့နယ် များတွင် ကျင်းပပြု လုပ်နိုင်ခဲ့ကြရာမှ အချက်လေးချက်ကို ဖော်ထုတ်ပြီး တောင်းဆို လိုက်ခြင်းဖြစ်သည်။

နိုင်ငံတော်အစိုးရအနေဖြင့် လူထုဖွံ့ဖြိုးရေးဆိုင်ရာလုပ်ဆောင်ရာတွင် ကုလသမဂ္ဂ ဌါနေတိုင်းရင်းသားလူမျိုးစုများဆိုင်ရာ အခွင့်အရေး ကြေညာစာတမ်းအရ (FPIC)  စီမံကိန်းများကို စနစ်တကျအကောင်အထည် ဖော်ဆောင်ရွက်ရန်၊ ချင်းအမျိုး သားတို့၏ ဘိုးဘွားစဉ်ဆက် ကျင့်သုံးလာခဲ့သော ထုံးတမ်းစဉ်လာ မြေယာပိုင်ဆိုင်မှုနှင့် စီမံခန့်ခွဲမှု စနစ်ကို ဖွဲ့စည်း အုပ်ချုပ်ပုံအခြေခံဥပဒေဖြင့် အသိအမှတ်ပြုရန်၊ ဖွံ့ဖြိုးရေး လုပ်ငန်းစဉ်တိုင်းတွင် လူထုပါဝင်မှု၊ ရေရှည်တည်တံ့မှု၊ လူထု ပိုင်ဆိုင်မှုတို့ကို တရားဥပဒေ ပြဌါန်းချက်များဖြင့် အာမခံထား ပေးရန်၊ လူထုအခြေပြု အဖွဲ့အစည်းများနှင့် အခြား လူမှုရေးအဖွဲ့အစည်းများကို လွတ်လပ်စွာ လှုပ်ရှား ဆောင်ရွက် ခွင့်ပေးရန်တောင်းဆိုလိုက်ခြင်းဖြစ်သည်။

“ ယခင် ဦးနေ၀င်းအစိုးရလက်ထက်ကတည်းက အစိုးရအဆက်ဆက်ဟာ ဒေသခံ ချင်းပြည်သူတွေရဲ့  ဘိုးဘွားစဉ်ဆက် ပိုင်ဆိုင်လာခဲ့တဲ့ မြေယာတွေကို  ဒေသခံလူထုဆန္ဒမပါပဲ အတင်းအဓမ္မ သိမ်းယူပြီး သူတို့ စားကွက်အတွက်လုပ်တာ တွေရှိတယ်၊ အဲဒီ ဒေသခံတွေရဲ့ ဆုံးရှူံးမှုတွေ ၊ နစ်နာမှုတွေကို လက်ရှိအစိုးရမှာ အရေးဆိုခွင့် ရှိလာတော့ ကျတော် တို့အနေနဲ့ တောင်းဆိုထားတာပါ”  ဟု အဲန်စီစီမှ တာဝန်ရှိ လိုင်း ရှိမွန်က ပြောသည်။

 

ချင်းပြည်နယ် အစိုးရသည် ပြည်တွင်း ပြည်ပ ကုပ္မဏီတွေနဲ့ ပူးပေါင်းပြီး ချင်းပြည်နယ်အတွင်း မြွေတောင် နီကယ် သတ္တုတွင်း စီမံကိန်း၊ လေမျို ရေကာတာ စီမံကိန်း၊ ကုလားတန် ဖက်စုံ စီမံကိန်း၊ နတ်မတောင်  အမျိုးသား ဥယျာဉ် စီမံ ကိန်းနှင့် မဏိပူရ ရေကာတာ စီမံကိန်းများကို အကောင်အထည် ဖော်ဆောင်နေသည်။

သမ္မတ ဦး သိန်းစိန် အစိုးရတက်လာသည့် နောက်ပိုင်း ချင်းပြည်နယ်အတွင်း ပြည်တွင်းပြည်ပ အဲန်ဂျီအိုများ ၀င်ရောက် လုပ်ကိုင်နေသည့်အပေါ် ကြိဆိုကြောင်း သို့သော် လူထုပါဝင်မှု၊ ရေရှည်တည်တံ့ခိုင်မြဲမှုနှင့် လူထုပိုင်ဆိုင်မှုကို အလေးမ ထားပဲ စေတနာရှင်များသဖွယ် ကူညီထောက်ပံ့မှူပြုပါက အနာဂါတ်တွင် ချင်းပြည်သူများ အနေဖြင့် ကိုယ့်ကိုယ်ကိုယ် အားမကိုးပဲ တပါးသူကို  မှီခိုသည့် အဖြစ်မျိုး ဖြစ်ပေါ်လာမည်ကို အထူး စိုးရိမ်ကြောင်း ကြေညာချက်တွင် ဖော်ပြထား သည်။

ချင်းလူထုဖွံ့ဖြိုးရေကွန်ယက် ( အဲန်စီစီဒီ)၏ ရည်ရွယ်ချက်မှာ ချင်းပြည်သူများ အခြေခံလိုအပ်ချက်ဖြစ်သည့် စားဝတ်နေ မှုဖူလုံရေးကို မိမိဖာသာ ဖြေရှင်းနိုင်စေရေး၊ အသိပညာထွန်းကားရေးနှင့် စစ်အာဏာရှင်စနစ်မှ လွတ်မြောက် ရေးတို့ဖြစ်ပြီး အခြေခံမူများအဖြစ် အခြေခံလူထုပိုင်ဆိုင်သည့် ဖွံ့ဖြိုးရေး၊ လူထုကိုယ်တိုင် ပါဝင်ဆောင်ရွက်သည့် ဖွံ့ဖြိုးရေး၊ ရေရှည် တည်တံ့သည့် ဖွံ့ဖြိုးရေးများဖော်ဆောင်ရေးဟု ထားရှိသည်။

Share.

About Author

Comments are closed.