ဂျပန်အစိုးရက မတူပီ အထက (၁) ကျောင်းဆောင်အတွက် ကျပ်ငွေ သိန်းပေါင်း ၈၅၀ ကူညီမည်

0

ဂျပန်အစိုးရက ရန်ကုန်အခြေစိုက် ဂျပန်သံရုံးမှ တဆင့် ချင်းပြည်နယ်မတူပီမြို့ အမှတ် (၁) အစိုးရ အထက်တန်းကျောင်း အဆောက်အဦး အတွက် ကျပ်ငွေ သိန်းပေါင်း ၈၅၀ ခန့် ကူညီမည်ဟုသိရသည်။

 

ဂျပန်သံရုံးမှ ၀န်ထမ်းဖြစ်သူ ဦး နန္ဒရွှေသည် ယခုနှစ် ဧပြီလ ၈ ရက်နေ့က မတူပီသို့ရောက်ရှိလာခဲ့စဉ် သက်ဆိုင်ရာ တာဝန်ရှိများနှင့် တွေ့ဆုံဆွေးနွေးပြီး သဘောတူညီခဲ့ခြင်းဖြစ်ကြောင်း ပညာရေး ၀န်ထမ်းတဦးက ပြောသည်။

 

” အဆောက်အဦးဆောက်လုပ်ရေးနှင့် ပါတ်သက်ပြီး ဂျပန်သံရုံးကနေ တင်ဒါကို တိုက်ရိုက်ခေါ်ယူမယ်၊ ကုန်ကျစရိတ် ကျပ်ငွေ သိန်းပေါင်း ၈၅၀ ခန့်မှန်းထားပါတယ်၊ သတ်မှတ်ချိန်အတွင်း လုပ်ငန်းပြီးမြောက်နိုင်မည့် ကန်ထ ရိုက်တာတွေကို ရွေးချယ်မှာဖြစ်တယ်” ဟု ပြောသည်။

 

ဦး နန္ဒာရွှေလမ်းညွန်ချက်အရ အဆောက်အဦးဆောက်လုပ်မည့် လုပ်ငန်းစဉ် ကို ပြီးခဲ့တဲ့ မေလ ၂၈ ရက်နေ့က ဂျပန်သံရုံးသို့ ပေးပို့ထားကြောင်း ဒေသခံ ကန်ထရိုက်တာတွေက ဆောက်လုပ်မှာဖြစ်ပြီး အသေးစိပ်ကို စစ်တပ်အင် ဂျင်နီယာတွေ က ရေးဆွဲမှာဖြစ်ကြောင်း ဆက်ဆိုသည်။

 

” ကျောင်းအဆောက်အဦးအားလုံးအတွက်မဟုတ်ပဲ ၁၂၀’x ၃၀’ ၊ လေးခန်းတွဲ အုတ်ညှပ် နှစ်ထပ်ဆောင်တိုက်ခန်း တလုံးအတွက် ကူညီကြတာပါ” ဟု ပြောသည်။

 

အဆောက်အဦးကို တနှစ်အတွင်း အပြီးဆောက်လုပ်မှာဖြစ်ကြောင်း လုပ်ငန်းကို ယခုနှစ် စက်တင်ဘာကနေ စတင် မှာဖြစ်ကြောင်းလည်း သိရသည်။

 

ကျောင်းဆောင်ဆောက်လုပ်ရာမှာ ကျောင်းအကျိုးတော်ဆောင်အဖွဲ့က ကြီးကြပ်သွားမှာဖြစ်ပြီး သက်ဆိုင်ရာ ပညာရေး ၀န်ထမ်းတွေက ပံ့ပိုးကူညီသွားမည်ဖြစ်သည်ဟု သိရသည်။

Share.

About Author

Comments are closed.