တဖက်နိုင်ငံသို့ တိရိစ္ဆာန် တင်သွင်း သူများ အရေးယူပြီ

0

Chin state1

တဖက် အိန္ဒိယ နိုင်ငံသို့ ကျွဲ၊ နွားများ တင်သွင်းရောင်း ချနေသူများအား ချင်းပြည်နယ် အစိုးရက ပြီးခဲ့တဲ့ ဇူလိုင်လ မှစပြီး တ ရားဝင်အရေးယူနေပြီ ဟု သိရသည်။ “ပြီးခဲ့တဲ့ ဇူလိုင်လကုန်က ချင်းပြည်နယ်ဟားခါးမြို့ ခွါပီးရွာက နွားကုန်သည်နှင့် ၄င်း၏ နွား ၁၄ ကောင်ကို ထန်တလန်မြို့ နယ်ပြည်သူ့ရဲက အာမခံမရ ဖမ်းဆီးထား တယ်၊ စစ်ကိုင်းတိုင်းအာဏာပိုင်နဲ့ ချင်းပြည်နယ်အာဏာပိုင်တွေ ချိတ်ဆက် လုပ်ထား တာဖြစ်တယ်” ဟု ဟားခါးမြို့မှ နွားကုန်သည်က ယနေ့ပြောသည်။

စစ်ကိုင်းတိုင်းရှိ တောင်သူလယ်သမားများက ဒေသအတွင်း တိရိစ္ဆာန်များအား ၀ယ်ယူပြီး တဖက် အိန္ဒိယ နိုင်ငံသို့ တဆင့် ရောင်းချနေမှု ပိတ်ပင်တားဆီးပေးရေး သက်ဆိုင်ရာ အစိုးရထံ တင်ပြတောင်းဆိုမှုကြောင့် ယခုကဲ့သို့ အရေးယူမှု ပြု လုပ်ခြင်းဖြစ်သည်ဟု နွားကုန်သည် တဦးက ပြောသည်။

“တိရိစ္ဆာန်ကုန်သည်တွေက ဒေသထွက် နွားတွေကို ၀ယ်ယူနေတော့ လယ်သမားတွေ ယာလုပ်ငန်းမှာ ထိခိုက်လာတဲ့ အပေါ် ဒေသ တောင်သူလယ်သမားတွေက သက်ဆိုင်ရာအစိုးရထံ တင်ပြတယ်၊ ရေရှည်အကျိုး မျှော်ကိုးရည်ရွယ်ပြီး တင်ပြတာ ပါ” ဟု ဒေသခံ လယ်သမားတဦးက ပြောသည်။

ကလေး – တမူး၊ ဂန့်ဂေါ် ဒေသခံများ၏ အဓိက အသက်မွေးဝမ်းကျောင်းလုပ်ငန်းမှာ လယ်လုပ်ငန်းဖြစ်ပြီး နွားကို အဓိက အားထားကြသည်။

စစ်ကိုင်းတိုင်း၊ မကွေးတိုင်းတွင် နွားကုလား၊ စပ်နွား၊ ဗမာနွားဟူ၍ သုံးမျိုးကို နွားကုန်သည်တွေက ၀ယ်ယူပြီး တဖက် အိန္ဒိယ နိုင်ငံ မီဇိုရမ်ပြည်နယ် အိုင်ဇောလ်၊ ကျန်ဖိုင်၊ လောင်တလိုင်၊ ဆိုင်ဟားမြို့များသို့ တင်သွင်းရောင်းချကြသည်။

“တလပျမ်းမျှ အကောင် ၂၀၀ လောက် မီဇိုရမ်ပြည်နယ်ကို ၀င်တယ်၊ အဓိက က စစ်ကိုင်းတိုင်း ကလေးနယ် နဲ့ မကွေး တိုင်း ဂန့်ဂေါ နယ်က ၀ယ်ယူတာဖြစ်တယ်” ဟု ဆက်ပြောသည်။

မီဇိုရမ်ဒေသခံများသည် အဓိက အားဖြင့် မြန်မာနိုင်ငံမှာ နွားများကို ၀ယ်ယူစားသုံးကြကြောင်း ယခုကဲ့သို့ မြန်မာပြည်မှ နွားများ တင်သွင်းမှုမရှိပါက စားသုံးသူများ ထိခိုက်လာနိုင်ကြောင်း လောင်တလိုင် သားသတ်ခုံမှ အလုပ်သမားတဦးက ပြောသည်။

“အခု ဆိုင်ဟားနဲ့ လောင်တလိုင်မှာ နွားတွေ ပြတ်လပ်စ ပြုနေပြီ၊ အိုင်ဇောလ်ကတော့ ကုလားပြည်က တင်သွင်းလို့ နည်းနည်း ခံသာသေးတယ်” ဟု ပြောသည်။

Share.

About Author

Comments are closed.