မစ္စတာကင်တားနား ချင်းပြည်အတွင်း ဘာသာရေး ဆိုင်ရာ လေ့လာ

0

humanright & Chin

ကမ္ဘာ့ကုလသမဂ္ဂအဖွဲ့၏ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် မစ္စတာ သောမစ်တ် အိုဟေး ကင်တား နားသည် သြဂုတ်လ ၁၆ ရက်နေ့က ချင်းပြည်နယ်ကို ရောက်ရှိလာသည်။

မစ္စတာ ကင်တားနား၏ ယခုခရီးစဉ်သည် သူ၏ ပထမဆုံးအကြိမ် ချင်းပြည်နယ်ခရီးစဉ်ဖြစ်ပြီး ချင်းပြည်နယ် တောင် ပိုင်း မင်းတပ် နှင့် ကန်ပက်လက်မြို့ ၂ မြို့သို့ သွားရောက်ပြီး ဒေသအတွင်း ဘာသာရေးဆိုင်ရာများကို အဓိက လေ့လာ ခဲ့သည်။

 

ယခုခရီးစဉ်၏ အဓိကရည်ရွယ်ချက်ကို တိတိကျကျမသိရသေးသော်လည်း ချင်းပြည်နယ်တောင်ပိုင်းတွင် ခရစ်ယာန် ဘာသာဝင်များ အထွဋ္ဋ်အမြတ်ထားရှိသည့် လက်ဝါးကားတိုင်း ဖျက်ဆီးခြင်းကိစ္စများအား လေ့လာစုံစမ်းခြင်းဖြစ်နိုင် သည်ဟု ချင်း ပြည်နယ် စိုက်ပျိုးရေးဝန်ကြီး ဦးဗန်ထောင်းက ပြောသည်။

 

“ ကျနော်တို့ ကြားတာကတော့ မင်းတပ် နဲ့ ကန်ပက်လက်မြို့ ၂ မြို့ကိုသာ သွားမယ်လို့ သိရတယ်၊ အဓိက တော့ ကန်ပက်လက်ဘက်မှာ လက်ဝါးကားတိုင်း ဖျက်တာတွေရှိတယ် အဲဒီကိစ္စများ ဖြစ်မလားမသိဘူး၊ ကျနော်တို့လည်း အဲလောက်ဘဲ သိရတယ်’’ ဟု ၀န်ကြီးဦးဗန်ထောင်းက ခိုနူမ်းသုန်သတင်းဌာနကို ပြောသည်။

 

ချင်းပြည်နယ် အစိုးရအနေဖြင့် မစ္စတာ ကင်တားနားကို တွေ့ဆုံရန် ချင်းပြည်နယ်၏ လူမှုရေးဝန်ကြီး ဒေါက်တာ ဘမောင် နှင့် စည်ပင်ဝန်ကြီး ဦးနိန်းနိုင်း တို့ကို မင်းတပ်မြို့သို့ စေလွတ်ထားပြီး အစိုးရကိုယ်စား တွေ့ဆုံဆွေးနွေးကြမည်ဟု  စိုက်ပျိုးရေး ၀န်ကြီး ဦးဗန်ထောင်းကပြောသည်။

 

မစ္စတာ ကင်တားနားနှင့်အဖွဲ့သည် ချင်းပြည်နယ်အစိုးရကိုယ်စားလူမှုရေး ၀န်ကြီး ဒေါက်တာဘမောင်၊ ၀န်ကြီး ဦးနိန်နိုင်းတို့ ၂ ဦး၊ မင်းတပ်မြို့အုပ်ချုပ်ရေးမှူး၊ ဒေသခံ သိက္ခာတော်ရ ဆရာတော် ဦးထန်ငိုင်းအွမ်၊ ဦးဂေလိန်း၊ ဦးချွဲဘူး၊ ဆရာဟာဟုန်း၊ မြို့မိမြို့ဖ ဦးထန်ဟုန်း၊ ဦးလိန်ဟုန်း၊ ဦးမနာယောတို့နှင့် အစည်းအဝေးပြုလုပ်တွေ ဆုံကြပြီး အထူးသြဖြင့် ဘာသာရေးဆိုင်ရာများကို ဆွေးနွေးခဲ့ကြသည်ဟု သိရ သည်။

 

တွေ့ဆုံပွဲတွင် ဆရာတော်ထန်းငိုင်းအွမ်က အာဏာပိုင်များသည်  ဒေသအတွင်း ခရစ်ယာန်နှင့်ဗုဒ္ဒဘာသာအကြား အခွင့် အရေးဆိုင်ရာ ခွဲခြားဆက်ဆံမှုရှိနေကြောင်း ခရစ်ယာန်ဘာသာဝင်များမှသာသနာပြုလုပ်ငန်းများ ဆောင်ရွက်ရာတွင် အစိုး ရ သာသနာရေးဦးစီး ဌါနမှ စစ်ဆေးမေးမြန်ခြင်း၊ ဘုရားကျောင်းတည်ဆောက်ပါက ကျေးရွာအုပ်ချုပ်ရေးမှူး ၊ ရပ်ကွက် အုပ်ချုပ် ရေးမှူး၊ ကျန်းမားရေးဦးစီးဌါန၊ ဆောက်လုပ်ရေးဦးစီးဌါန၊ မြေစာရင်းဦးစီးဌါန၊မီးသတ်ဦး စီး ဌါန၊ စည် ပင်ဦးစီးဌါန၊ သာသနာဦးစီးဌါန၏ ထောက်ခံချက် လိုအပ်ပြီး ထောက်ခံစာ တစ်ခုရရှိဖို့ အနည်ဆုံးကျပ်ငွေ(၁၀၀၀၀) လောက် ပေးသွင်း ရကြောင်း ထောက်ခံစာကို နှစ်ပတ် သုံးပတ်စောင့်ဆိုင်းဖို့လိုအပ်ကြောင်း သို့သော် ဗုဒ္ဒဘာသာအတွက်မူ သက်ဆိုင်ရာက လိုအပ်ချက်များကို လွယ်လွယ်နဲ့ ခွင့်ပြုကြောင်း တင်ပြခဲ့သည်ဟု သိရသည်။

 

ဆက်လက်ပြီး ဆရာတော်ဟာဟုန်းက လက်ရှိအခြေအနေတွင် စာတတ်မြောက်သူများအနေဖြင့် ခရစ်ယာန်ဘာသာမှ ဗုဒ္ဒဘာသာသို့ဘက်ပြောင်လာပါက နေရာကောင်းရရှိမှာဖြစ်ပြီး အစိုးရမှ ဖွင့်လှစ်ပေးသော နယ်စပ်ဒေသ တိုင်းရင်းသား များလူမျိုးများဖွံ့ဖြိုးရေး (နတလ) ကျောင်းဆင်းသူများကိုသာ အစိုးရ၀န်ထမ်း အရာရှိတိုးမြှင့်နိုင်မှာဖြစ်ကြောင်း တင်ပြခဲ့ သည်။

 

ပြီးခဲ့တဲ့ ၂၀၁၃ ခုနှစ် ဖေဖော်ဝါရီလ အတွင်း ချင်းပြည်နယ် မင်းတပ်မြို့နယ်အတွင်း တွီဒိန်အုပ်စု (၅၆) မိုင်ရွာတွင် ခရစ်ယာန် ဓမ္မဆရာ အိမ်ဆောက်လုပ်နေမှုအား ခရစ်ယာန်ဘာသာဝင်မဟုတ်သူဒေသခံတွေက နည်းအမျိုးမျိုးဖြင့် ခြိမ်း ခြောက်မှုပြု လုပ်ခဲ့ကြသည်။

 

ကန်ပက်လက်မြို့နယ်ကျင်ဒွေးရွာအနီးတွင် စိုက်ထူထားသည့် ခရစ်ယာန်လက်ဝါးကားတိုင်းအား ၂၈၊ ၇၊၂၀၁၁ ရက်နေ့က ဒေသခံတချို့ မီးရှိူ့ ခုတ်လှဲသည့် အပြင် လက်ဝါးကားတိုင်ပေါ်တွင် မိန်းမ အင်္ဂါ ရုပ် ကို သရော်ထွင်းခဲ့ကြသည့်အပေါ် ချင်းပြည်နယ် လူမှုရေးဝန်ကြီး ဒေါက်တာ ဘမောင်နှင့်  ကျင်ဒွေးရွာသူ/သားတို့က ကန်ပက်လက် မြို့နယ် ကျင်ဒွေးရွာ၊ မုန်းချောင်းအနီးရှိလက်ဝါးကားတိုင် ဖျက်ဆီးမှုအတွက် ၂၀၁၂ ခုနှစ် မေလ ၁၅ ရက်နေ့က  သက်ဆိုင်ရာ ခရစ်ယာန်ဘာ သာဝင်များ အား တောင်းပန်ခဲ့သည်။

Share.

About Author

Comments are closed.