တတိယအကြိမ် Zo မျိုးနွယ်စုများပြန်လည်သွေး စည်းညီညွတ်ရေး ညီလာခံ ကျင်းပ

0

DSC03220

အိန္ဒိယနိုင်ငံအရှေ့မြောက်ဘက် မီဇိုရမ်ပြည်နယ် အိုင်ဇောလ်မြို့တွင် တတိယအကြိမ်မြောက် ဇို မျိုးနွယ်စုများ ပြန်လည် သွေးစည်းညီညွတ်ရေး ညီလာခံ (Third World Zo Re-unification Convention) တရပ်ကို ယခုလ အောက်တိုဘာလ ၄ ရက် နေ့က ကျင်းပခဲ့ကြသည်။

ညီလာခံကို အိုင်ဇောလ်မြို့အခြေစိုက် ဇိုမျိုးနွယ်စုများပြန်လည်သွေးစည်းညီညွတ်ရေးအဖွဲ့ (ZoRO) က ဦးဆောင်ကျင်းပခဲ့ခြင်းဖြစ်ပြီး အိန္ဒိယ၊ ဘင်္ဂလားဒေရှ့် နှင့် မြန်မာနိုင်ငံတွေမှာတကွဲတပြားရှိနေကြသော ဇို မျိုးနွယ်စုများ အုပ်ချုပ် ရေးတခု အောက်၌ အတူတကွပြန်လည်ပေါင်းစည်းနေထိုင်နိုင်ရန် ရည်ရွယ်ချက်ဖြင့် ယခုလိုကျင်းပရခြင်းဖြစ် သည်ဟု ZoRO အဖွဲ့ဥက္ကဌ Pu R. Thang Mawia ကပြောသည်။

“ UN ကနေ ၂၀၀၇ ခုနှစ်က ပြဌာန်းလိုက်တဲ့ ဌာနေတိုင်းရင်းသားလူမျိုးများဆိုင်ရာ အခွင့်အရေး ကြေညာခဲ့တဲ့ ၇ ကြိမ်မြောက် နှစ်ပတ်လည်နေ့ကို လာမည့်နှစ် စက်တင်ဘာလ မှာ ကမ္ဘာလုံးဆိုင်ရာ ညီလာခံတရပ် ကမ္ဘာ့ကုလသမဂ္ဂမှာ ကျင်းပမယ်၊ အဲဒီ အစည်းအဝေးကြီးမှာ ကျနော်
တို့ ဘာတွေတင်ပြတောင်းဆိုကြမှာလဲ၊ ခုချိန်မှာ ဘယ်လိုပြင်ဆင်ကြ မလဲဆိုတဲ့ကိစ္စနဲ့ပတ်သက်ပြီး တတိယအကြိမ် ဇို မျိုးနွယ်စုများ ပြန်လည်ပေါင်းစည်းရေး ညီလာခံကို ကျင်းပရတာ ဖြစ်ပါ တယ်’’ ဟု ခိုနူမ်းသုန်ကိုပြောပြသည်။

ညီလာခံတွင် အိန္ဒိယ၊ ဘင်္ဂလားဒေရှ့် နှင့် မြန်မာနိုင်ငံမှာ တကွဲတပြားစီ သီးခြား အုပ်ချုပ် မှုအောက်တွင်  ရှိနေကြသည့် ဇို မျိုးနွယ်စုများ အုပ်ချုပ်မှုတခုအောက်မှာ ပြန်လည်နေထိုင်နိုင်ရန် ကမ္ဘာ့ကုလသမဂ္ဂအဖွဲ့မှ ၂၀၀၇ ခုနှစ်က ပြဌာန်းခဲ့သော ဌာနေတိုင်းရင်းသားလူမျိုး များဆိုင်ရာ အခွင့်အရေး ကြေညာချက်ကို အခြေခံပြီး လာမည့်နှစ် ကမ္ဘာ့လုံး ဆိုင်ရာ ညီလာခံမှာ တင် ပြသွားရန် ဆုံးဖြတ်ခဲ့ကြသည်ဟု ဆက် ပြောသည်။

“ ၁၈၉၀ ခုနှစ်မှာ ဗြိတိသျှတွေက ချင်း၊ လူရှိုင်း၊ ကူကီး တိုင်းပြည်ကို သိမ်းပိုက်ပြီး တကွဲတပြားစီဖြစ် အောင်လုပ်တယ်၊ ၁၈၉၂ ခုနှစ် Chin –Lushai ညီလာခံမှာ ဗြိတိသျှတွေက သူတို့ကြောင့် တကွဲတပြား ဖြစ်ခဲ့တဲ့ ချင်း၊ လူရှိုင်း၊ ကူကီး တွေကို အုပ်ချူပ်မှု တခုအောက်မှာ ပြန်လည်ထားရှိဖို့ ပြန်လည်ဆုံးဖြတ်ခဲ့တယ်၊ ဒါပေမယ့် အဲဒီဆုံးဖြတ်ချက်မှာ ဒီကနေ့ အထိ အကောင်အထည်မဖော်ခဲ့ဘူး၊  ကျနော်တို့ ချင်း၊ လူရှိုင်း၊ ကူကီး လူမျိူးတွေဟာ အခုဆိုရင် အိန္ဒိယ-ဘင်္ဂလား ဒေရှ့်-မြန်မာ စတဲ့ သုံးနိုင်ငံမှာ သီးခြားအုပ်ချုပ်မှုအောက်မှာ နေနေရတယ်၊ ဒါကြောင့် ကျနော်တို့လူမျိုးတွေဟာ အုပ်ချုပ် မှုတခု အောက်မှာ ပြန်လည်နေထိုင်ချင်ပြီ၊ ပြန်လည်နေထိုင်ဖို့လည်း ကျနော် တို့မှာ အခွင့်အရေးရှိတယ်’’ ဟု ZoRO ဥက္ကဌက ပြောသည်။

အောက်တိုဘာ ၄ ရက်နေ့ကကျင်းပခဲ့သော ယင်းညီလာခံကြီးတွင် မီဇိုရမ်ပြည်နယ်မှ လက်ရှိ အတိုက်အခံပါတီ များဖြစ်ကြသော Mizo National Front(MNF)၊ Mizoram People Conference (MPC) ၊ Zoram Nationalist Party (ZNP)၊ BJP
ပါတီအသီးသီးမှ ပါတီဥက္ကဌများ တက်ရောက်ခဲ့ကြပြီး ဇိုမျိုးနွယ်စုများပြန်လည်သွေးစည်းညီညွတ်ပြီး အုပ်ချုပ် မှု တခုအောက်တွင် အတူတကွပြန်လည်နေထိုင်နိုင်ရန် ZoRO အဖွဲ့၏ ကြိုးပမ်းလုပ်ဆောင်ချက်များကို အပြည့်အ၀ ထောက်ခံကြိုဆိုကြကြောင်း၊ မိမိတို့တတ်စွမ်းသမျှ
ပူးပေါင်းပါဝင်ကြမည်ဖြစ်ကြောင်း ပြောဆိုသွားကြသည်။

ရှည်လျားလှသော သမိုင်းကြောင်းအရ ချင်း၊ လူရှိုင်း၊ ကူကီး လူမျိုးများသည် အင်္ဂလိပ်ကိုလိုနီလက်အောက်မကျ ရောက် ခင်တွင် မိမိဘာသာ ဇို လို့ခေါ်ဆိုပြီး ဘင်္ဂလားဒေရှ့်နိုင်ငံ စစ်တကောင်းတောင်တန်းဒေသ၊ မြန်မာနိုင်ငံ ချင်း တောင်တန်း ဒေသ နဲ့ အိန္ဒိယနိုင်ငံ လူရှိုင်းတောင်တန်းဒေသတွေမှာ သီးခြားလွတ်လပ်စွာနေထိုင်ခဲ့ကြသည်ဟု သိရသည်။

၁၈၉၀ ခုနှစ် အင်္ဂလိကိုလိုနီ လက်အောက်ကျရောက်ချိန်မှစပြီး ယနေ့ချိန်ထိ အိန္ဒိယ-မြန်မာ-ဘင်္ဂလားဒေရှ့် သုံး နိုင်ငံ  သီးခြားအုပ်ချုပ်မှုအောက်တွင် ကျရောက်ခဲ့ခြင်းဖြစ်ကြောင်း Pu R. Thawngmawia ကပြောသည်။

World Zo Re-unification Convention ကို ၁၉၈၈ ခုနှစ်က မီဇိုရမ်ပြည်နယ် ကျန်ဖိုင်းမြို့တွင် ပထမဦးဆုံးအကြိမ် ကျင်းပခဲ့ကြပြီး  ၁၉၉၁ တွင် တကြိမ်၊ ယခု ၂၀၁၃ ခုနှစ်တွင် တကြိမ် စုစုပေါင်း တတိယအကြိမ် ကျင်းပခဲ့ကြသည်။

Share.

About Author

Comments are closed.