ချင်းတောင် ထင်းရှူး ဆီ ဂျပန်ကုပ္မဏီ လေ့လာ

0

pine tree survey

ချင်းတောင်ထွက် ထင်းရှူးဆီ ၀ယ်ယူရေးလေ့လာရန် ဂျပန်ကုပ္မဏီ နှစ်ခု Mitsubishi နှင့် Marima Co. Ltd တို့ အောက်တိုဘာ ၁၇ ရက်နေ့က ဟားခါးသို့ရောက်ရှိလာကြသည်ဟု သိရသည်။

ကုပ္မဏီ အမှုဆောင် ဒါရိုက်တာ နှင့် တာဝန်ရှိတို့သည် ချင်းပြည်နယ်ဝန်ကြီးများနှင့် တွေ့ဆုံခဲ့ရာ ထင်းရှူးဆီ ရောင်းဝယ် ရေး၊ ထင်းရှူးပင်စိုက်ပျိုးရေး၊ ထိန်းသိမ်းစောင့်ရှောက်ရေးနှင့် ထင်းရှူးဆီထုတ်လုပ်ရေး နှင့် ပါတ်သက်ပြီး ဆွေးနွေးခဲ့ကြ ကြောင်း သိရသည်။

 

အဆိုပါ ကုပ္မဏီ တို့သည် ကမ္ဘာ့ ၁၁ နိုင်ငံတွင် ထင်းရှူးဆီ ထုတ်လုပ်ရေးစက်ရုံ ၁၁ ရုံကို ဖွင့်လှစ်ပိုင်ဆိုင်ထားကြပြီး အဆို ပါ စက်ရုံမှ စက္ကူ၊ စာရေးမင်၊ ကော်၊ တာယာ၊ မိန်းကလေး အလှ သုံးကုန်များ စသည့် ၁၂ မျိုးကို ထုတ်လုပ် လျက်ရှိ သည်ဟု ပါဝင်သူတဦးက ပြောသည်။

 

လက်ရှိအစိုးရနှင့် တရုတ်အစိုးရတို့သည် ချင်းတောင်တွင် ထင်းရူးဆီ ပူးပေါင်း ထုတ်လုပ်ရန် သဘောတူထားကြောင်း ၊ မိမိတို့ ချင်းဒေသခံကိုယ်တိုင်က ကုပ္မဏီ တခုထူထောင်ပြီး ထင်းရှူဆီထုတ်လုပ်ပါက ယခု ဂျပန်ကုပ္မဏီကနေ ၀ယ်ယူ မှာဖြစ်ကြောင်း ပြောကြသည်။

 

” ကိုယ့်ဒေသထွက် အဖိုးတန်သစ်တောထွက်ပစ္စည်းက အစ ကိုယ်တိုင်လုပ်နိုင်တာ အကောင်းပါ၊ ဒီက အမြတ်အစွန်းဟာ ဒေသခံတွေက ခံစားသင့်တာပေါ့ “ဟု တာဝန်ရှိ တဦးက ပြောသည်။

 

တရုတ်ကုပ္မဏီ တခု သည် ၁၉၉၅ ခုနှစ်တွင် ၀ါး စက္ကူ ကို တနှစ် တန်ချိန် သန်းပေါင်း ၁၀ ထုတ်လုပ်ခဲ့သော်လည်း ၂၀၁၂ ခုနှစ်မှစပြီး ထင်းရှူး စက္ကူကို တနှစ် တန်ချိန် သန်းပေါင်း ၁၀၀ ထုတ်လုပ် လျက်ရှိကြောင်း သိရသည်။

 

ချင်းပြည်နယ် ၉ မြို့နယ်အတွင်း ၈ မြို့နယ်တွင် ထင်းရှူးတော အများစု ပေါက်ရောက်သည်။

Share.

About Author

Comments are closed.