CPP မှ ပူးပေါင်းလိုသူများ နှင့် CNP ပူးပေါင်းရန် သဘောတူ

2

CPP and CNP

ချင်းတိုးတက်ရေးပါတီ( CPP)မှ ပူးပေါင်းရေး လိုလားသူများ နှင့် ချင်းအမျိူးသားပါတီ (CNP ) ခေါင်းဆောင်းများ ချင်းအမျိူး သားညီလာခံအပြီး နိုဝင်ဘာ ၁၅ ရက်နေ့ညနေပိုင်းက ဟားခါးမြို့ ကာဆင် ခန်းမတွင် တွေ့ဆုံဆွေးနွေးခဲ့ ကြပြီး တစ်ပါတီအဖြစ် ပူးပေါင်းရန် သဘော
တူဆုံးဖြတ်ခဲ့ကြသည်။

ယင်းတွေ့ဆုံဆွေးနွေးပွဲတွင် CNP နှင့် CPP ဘက်မှ ပါတီကိုယ်စားလှယ်စုစုပေါင်း ၄၅ ဦး တက်ရောက်ခဲ့ကြပြီး CPP ပါတီထဲမှ ပူးပေါင်းရေးလိုလားသူများသည် CNP ပါတီ နှင့် ပူးပေါင်းကာ Chin National Progressive Party (CNPP) ချင်းအမျိူးသားတိုးတက်ရေးပါတီတရပ်အနေဖြင့်

ရပ်တည်သွားကြရန် သဘောတူ  ဆုံးဖြတ်ခဲ့ကြသည်ဟု ချင်းတိုး တက်ရေးပါတီမှ လက်ရှိအတွင်းရေးမှူး(၁) တာဝန်ယူထားသော ဦး ဒိုင်ထုန်းက ပြောသည်။

“ အဓိကတော့ ပူးပေါင်းဖို့သဘောတူတယ်၊ ပူးပေါင်းရင် စီပီပီက ကျန်ခဲ့မယ်၊ ကျနော်တို့က စီပီပီကနေထွက်မယ်၊ စီအဲန်ပီလည်း ကျနော်တို့နဲ့ ပူးပေါင်းရင် စီအဲန်ပီ နာမည်မဟုတ်တော့ဘဲနဲ့ စီအဲန်ပီပီ နာမည်ခံယူပြီးတော့မှ သူတို့ရဲ့ မှတ်ပုံတင်နံဘတ် ၂၁ ကိုနာမည်ပြောင်းမယ် အဲဒီကျတော့ စီအဲန်ပီရယ်၊ ကျနော်တို့ စီပီပီ ပူပေါင်းလူတဲ့လူတွေ တစ်ပါတီထဲဖြစ်သွားမယ် နာမည်ကတော့ စီအဲန်ပီပီပေါ့နော် Chin National Progressive Party အနေနဲ့ရပ်တည်မယ် အဓိကတော့ ဒါဘဲ’’ ဟု ပြောသည်။

၂၀၁၀ ရွေးကောက်ပွဲက ချင်းကိုယ်စားပြုပါတီအနေဖြင့် ၀င်ရောက်ယှဉ်ပြိုင်ခဲ့ကြသော ဦးနိုးထန်ကပ်ဦးဆောင်သည့် CPP ပါတီ နှင့် ဦးဇိုဇမ် ဦးဆောင်သော CNP ပါတီတို့သည် လာမည့် ၂၀၁၅ ရွေးကောက်ပွဲမတိုင်ခင် နှစ်ပါတီမှ တစ် ပါတီ အဖြစ် ပူးပေါင်းရပ်တည်ကြရန် အကြိမ်ကြိမ်တိုင်ပင်ဆွေးနွေးညှိနှိုင်းခဲ့ကြသော်လည်း မူဝါဒရေးရာသဘောထား ကွဲလွဲမှုများရှိသောကြောင့် ပူးပေါင်းရေးလုပ်ငန်းစဉ်များ ရပ်တန့်ခဲ့ရသည်။

သို့သော်လည်း ချင်းတိုးတက်ရေးပါတီထဲမှ ဒုဥက္ကဌ ဦးလျန်ကျယ်၊ အတွင်းရေးမှူး (၁) ဦးဒိုင်ထုန်း၊ လွှတ်တော် ကိုယ်စားလှယ် ဦးပေါလ်လျံလွယ်တို့ ဦးဆောင်သော ပူးပေါင်းရေး လိုလားသူများက ချင်းအမျိူးသားပါတီ နှင့် ပူးပေါင်းပြီး CNPP ပါတီသစ်တခုအနေဖြင့်ရပ်တည်သွားရန်
သဘောတူဆုံးဖြတ်ခဲ့ကြခြင်းဖြစ်သည်။

ယခုလို ပူးပေါင်းရန် သဘောတူခဲ့သည့် ကိစ္စနှင့်ပတ်သက်ပြီး ဦးဒိုင်ထုန်းက “ဖြစ်နိုင်ရင်တော့ ချင်းတွေအားလုံး တစ်ပါတီထဲဖြစ်ချင်တယ်၊ အင်အားကြီးဖို့ပေါ့ အင်အားကြီးလို့ရှိရင် နောက်ပိုင်းရွေး ကောက်ပွဲတွေမှာ အဓိကယှဉ် ရမှာက USDP ပေါ့နော်၊ နောက် NLD ပေါ့ အရင်ကလည်း
ယှဉ်တော့ယှဉ်ခဲ့တာဘဲ ၂ ပါတီနဲ့ ယှဉ်တဲ့အခါကျတော့ မနိုင်ခဲ့ဘူး၊ အဓိကတော့ ရွေးကောက်ပွဲအနိုင်ရရေးပေါ့ ရွေးကောက်ပွဲအနိုင်ရရင် အစိုးရဖွဲ့ နိုင်ဖို့ပေါ့” ဟု ပြောသည်။

ပါတီအမည်ပြောင်းရေးအတွက် ကော်မတီကို တစ်ပါတီလျင် ၃ ဦးစီဖြင့် ဖွဲ့စည်းရန် နှင့် တစ်ပတ်အတွင်း ကော်မတီဝင် အမည်စာရင်းတင်သွင်းကြမည်ဟုသိရသည်။ ထို့နောက် လာမည့် ဒီဇင်ဘာလ ပထမပတ်တွင် ပါတီအမည်ပြောင်းတင် ရန် နှင့် အမည်ပြောင်းခွင့်ပြုချက်ရရှိပြီ တစ်ပတ်အတွင်း အစည်းအဝေးခေါ်ယူကျင်းပရန်သဘောတူညီခဲ့ကြသည်ဟု သိရသည်။

ချင်းအမျိူးသားပါတီသည် ၂၀၁၀ ရွေးကောက်ပွဲတွင် လွှတ်တော်အမတ်နေရာ ၉ နေရာရရှိခဲ့ပြီး ချင်းတိုးတက်ရေး ပါတီသည် လွှတ်တော်အမတ်နေရာ ၁၂ နေရာရရှိထားကြသည်။

Share.

About Author

2 Comments

  1. Pingback: Chin National Progressive Party A Suak Ngaingai Ding Maw? | VCTH

  2. သို့
    အယ်ဒီထာထံပေးစာ

    ချင်းတိုးရေးပါတီသည် အမည်ခံချင်းအမျိုးသားညီလာခံ တက်ရောက်ရန် မည်သည့်ပုဂိုလ် ကိုယ်စားလှယ်ကို မျှ စေလွှတ် ချင်းမရှိပေ။ သက်ဆိုင်ရာ ၀န်ကြီးဌာန ၀န်ကြီး။ အမည်ခံချင်းအမျိုးသားကျင်းပရေး ကော်မတီ များထံသို့ တရားဝင်စာပေး ပို့ထားပြီးဖြစ်သည်။ နှစ်ပါတီ ပူပေါင်းရေးဆွေးနွေးရန် မည်သည့်ပုဂိုလ်ကိုမျှ ညွှန်ကြားချက် သို့တည်းမဟုတ် အမိန့်အခွင့် အာဏာ မျိုးကို ပါတီမှ ပးအပ် ထားခြင်းမျိုးမရှိပေ။ ပါတီမှ ပြောရေးဆိုခွင့်ရှိသူကို ဗဟိုအလုပ်အမှုဆောင် အစည်းအစေး၏ ဆုံးဖြတ်ချက်ဖြင့် ဦးရှိန်းထွန်း အားတရား ၀င်ရွေးချယ်ထားပြီးဖြစ်သည်။ ဦးဒိုင်ထုန်းသည် ပြောရေးဆိုခွင့်ရှိသူ မဟုတ်ပါ။ ယင်းပူပေါင်းရေး ဆွေးနွေးပွဲ သည် CNP ပါတီ၏မြေအောက်ခရီး သဘောဆေင်သည့် တရားမ၀င် ဆွေးနွေးပွဲတစ်ခုသာ ဖြစ်သည်။ သတင်းမီဒီယာများမှလည်း ဘက်လိုက်မှုမျိုးကင်းသည့် သတင်းများကိုသာ ထည့်သွင်းဖေါ်ပြသင့်သည်။

    ၂၀၀၈ ခုနှစ်ကတည်းက Democratic Alliance for Nationalities (DAN) အဖွဲ့အစည်းအမည်ဖြင့် ရပ်တည်လာခဲ့ကြသည်
    ထိုစဉ်တွင် ယခု CPP နှင့် CNP ဟုခေါ်တွင်သည့် အဖွဲသည်တဖွဲ့တည်း အဖြစ်ရပ်တည်ခဲ့ကြသည်။ ၂၀၀၉ ခုနှစ် တွင် ရွးကောက် ပွဲ ကော်မရှင်မှ နိုင်ငံရေး ပါတီတည်ထောင်ခွင့် စတင်ကြေညာခဲ့သည့် အချိန်မှ စတင်ကာ DAN အဖွဲ့၏သဘောထားကို လျစ်လျူ ရှူကာ CNP ပါတီအဖြစ်တည်ထောင်ခဲ့ခြင်းဖြစ်သည်။ မိခင်အဖွဲ့ DAN သည်နောင်တွင် CPP အဖြစ်မှတ်ပုံတင် ခဲ့ရခြင်းဖြစ်သည်။

    မိခင်ပါတီ CPP ထံမှ CNP ပါတီခွဲထွက်ခဲ့ပြီး ဒုတိယအကြိမ် ပြန်လည်ပေါင်းစည်းရန် မိခင်ပါတီ CPP မှ ပြန်လည် ကမ်းလှမ်း ထားခြင်းဖြစ်သည်။ ဒုတိယအကြိမ် ပြန်လည်ပေါင်းစည်းရေး ပထပအစည်းကို CNP ရုံးခန်းတွင် ပြုလုပ်ခဲ့ပြီး အစည်းအဝေး ဆုံးဖြတ်ချက်တွင် (၁) CNP ပါတီဖျက်သမ်းရန် ခြွင်းချက်မရှိ သဘောတူခဲ့ကြသည်။ (၂) CPP မှတ်ပုံတင် အမှတ်(၂၆) ကိုအသုံး
    ပြုရန် သဘောတူဆုံးဖြတ်ခဲ့ကြသည်။ (၃) CPP ပါတီကို CNPP အဖြစ်သို့အမည်း ပြောင်းရန်သဘော တူဆုံးဖြတ်ခဲ့ကြသည်။

    ယင်းသဘောတူညီချက်ကိုပင် တော်ဝင်နှင်းဆီတွင် ပြုလုပ်ကျင်းပသည့် အစည်းဝေးတွင် ထပ်လောင်းအတည်ပြု သဘော
    တူခဲ့ကြသည်။

    အစည်းဝေးမှတ်တမ်းများမှ

    ရှိန်ထွန်း

    ချင်းတိုးတက်ရေးပါတီ
    အထွေထွေအတွင်းရေမှူး(၂)
    ပြောရေးဆိုခွင့်ရှိသူ

Leave A Reply

*

code