CNF အထွေထွေအတွင်းရေးမှူးချုပ် Pu ZingCung ၏ ၆၆ နှစ်မြောက် ချင်းအမျိုးသားနေ့ မိန့်ခွန်း

0

လေးစားအပ်ပါ သော သဘာပတိကြီးနှင့်တကွ သဘာပတိအဖွဲ့ဝင်များ၊ပြည်ထောင်စုဝန်ကြီး ဦးဝင်းထွန်း၊ ဒုတိယ ၀န်ကြီး ဒေါက်တာ သက်သက်ဇင်၊ ချင်းပြည်နယ်ဝန်းကြီးဦးဟုန်းငိုင်းနှင့်ဝန်ကြီးများ၊ လွှတ်တော်အမတ်များ၊ နိုင်ငံရေးပါတီမှ ကိုယ် စား လှယ်များ၊ ချင်းအမျိုးသားနေ့  ကျင်း ပရေး ကော်မတီ များ နှင့်ကြွရောက်လာကြတဲ့တိုင်းရင်းသား ပြည်သူအပေါင်းတို့ ခင်ဗျား၊

လွန်ခဲ့သော(၆၆)နှစ်၊၁၉၄၈နှစ် ဖေဖော်ဝါရီလ(၂၀)ရက်တုန်းက ချင်းပြည်နယ် ဖလန်းမြို့မှာ ချင်းပြည်အနယ်နယ်အရပ်ရပ်မှ ချင်းအမျိုးသားခေါင်းဆောင်များ စုရုံးကြပြီးတော့ တိုက်သူကြီးအုပ်ချုပ်ရေးစနစ်ကနေ ဒီမိုကရေစီစနစ်သို့ပြောင်းလဲကျင့်သုံး ဖို့ တခဲနက်ဆုံးဖြတ်ခဲ့ကြပါတယ်၊ လွတ်လပ်မှု(freedom)ကိုရွေးချယ်ခဲ့ကြတယ်၊ စည်းလုံးညီညွတ်မှု အင်အားနဲ့စနစ် ဟောင်း တခုကနေ စနစ်သစ်ဆီကို ကူးပြောင်းနိုင်ခဲ့တဲ့ ဒီနေ့ရက်ကို သမိုင်းဝင် “ချင်းအမျိုးသားနေ့ “အဖြစ်ချင်းအမျိုးသား ခေါင်းဆောင်ကြီးများနှင့်ချင်းရေးရာကောင်စီက သတ်မှတ်ခဲ့ကြတယ်။

ချင်းပြည်နယ်အတွင်းတရားဝင်ရုံးပိတ်ရက်အဖြစ် နိုင်ငံတော်အစိုးရ ကသတ်မှတ်ပြီး မိမိတို့ရဲ့ အမျိုးသားအောင်ပွဲနေ့ကို နိုင်ငံရေးအနစ်သာရရှိရှိကျင်းပပြုလုပ်နိုင်ခဲ့ကြပါတယ်။ ဒါပေမယ့် တပ်မတော်က နိုင်ငံတော်အာဏာကိုရယူပြီးတဲ့နောက် ချင်းအမျိုးသားနေ့ တရားဝင် ကျင်းပခြင်း ကိုပိတ်ပင်ခဲ့ပြီး ၂၀၁၃ ခုနစ် တွင်နိုင်ငံတော်အစိုးရနှင့်ချင်းအမျိုးသားတပ်ဦးတို့ သဘောတူညီချက်အရ တရားဝင် ကျင်းပခွင့်ပြန် လည်ရရှိ လာတာဖြစ်ပါတယ်။ ဒါပေမယ့် ချင်းပြည်နယ်အတွင်းမှာတရားဝင် ရုံးပိတ်ရက်အဖြစ်မသတ်မှတ်နိုင်သေးတဲ့အတွက်ချင်း အမျိုးသားထုတရပ်လုံး စိတ်ရော ကိုယ်ပါ တခဲနက်ပါဝင်ယှဉ်နွဲ့နိုင်ခြင်းမရှိသေးပါဘူး။ ပြည်ထောင်စုသမ္မတမြန်မာ နိုင်ငံ အစိုးရအနေနဲ့ ချင်းအမျိုးသားနေ့ ကို ချင်းပြည်နယ်အတွင်းတရားဝင်ရုံးပိတ်အဖြစ်သတ်မှတ်ပေးဖို့ကိုလည်း ဒီကနေ့ (၆၆) နှစ်မြောက် ချင်းအမျိုးသားနေ့မှာ တောင်းဆိုလိုက်ပါတယ်။

ချင်းအမျိုးသား အပေါင်းတို့ ခင်ဗျား

ချင်းအမျိုးသားတိုင်းက ချင်းအမျိုးသားနေ့ကို ” တန်ဖိုး” ထားပါတယ်၊ ဘာလို့လဲဆိုတော့ ဒီအမျိုးသားနေ့က ချင်းလူမျိုးများ ဟာ တခြားလူမျိုးများနဲ့ မတူဘဲ သီးခြား လူမျိုးတမျိုးဖြစ်ကြောင်းပြသလိုက်တာဖြစ်ပါတယ်။ မိမိတို့ချင်းလူမျိုးတွေဟာ သီး ခြား ယဉ်ကျေးမှု၊ ဘာသာစကား ရိုးရာဓလေ့ထုံးတမ်းစဉ်လာ သီး ခြားဂုဏ်အင်လက္ခဏာများပိုင်ဆိုင်ခဲ့ကြတာဖြစ်ပါ တယ်။ အခြားလူမျိုးများနဲ့လည်းအပြန်မလှန်ဆက်ဆံမှုရှိခဲ့ကြောင်း သမိုင်းအထောက်အထားရှိခဲ့ပါတယ်။ ဒီမိုကရေစီစနစ်ရဲ့ အခြေခံအကျဆုံး တရားများဖြစ်တဲ့ လွတ်လပ်စွာပြောဆိုခွင့် ၊ ရေးသားခွင့်၊ စုဝေးခွင့်၊ အသင်းအပင်းဖွဲ့ပိုင်ခွင့်၊ လွတ်လပ်စွာ အရွေးချယ်ခံပိုင်ခွင့်အပြင် ကိုယ်ပိုင်ပြဌါန်းခွင့်ရှိရေး တို့ဟာ ချင်းအမျိုးသားနေ့နဲ့အတူ မွေးဖွားလာတာဖြစ်ပါတယ်။ ဒီနေ့ရက် ကမိမိတို့ရဲ့ အမျိုးသားတရပ်ဖြစ်မှုကို အမြဲတမ်း လန်းဆန်းစေနိုင်တာလည်းဖြစ်ပါတယ်။

ချင်းအမျိုးသားတိုင်း ချင်းအမျိုးသားနေ့ကို ” တန်ဖိုး ” ထားပါတယ်။ ဘာလို့လဲဆိုတော့ ချင်းအမျိုးသားပိုင်နက်နယ်မြေ အခိုင်အမာရှိခဲ့တယ်ဆိုတာ ပြသလို့ပါဘဲ။ ၁၈၉၅ခုနစ်ချင်းလဲန်းကို အင်္ဂလိပ်များလာရောက်ကျုးကျော်မှု မပြုလုပ်မီ အချိန်က သီးခြားလွတ်လပ်တဲ့နယ်မြေဖြစ်ခဲ့ပါတယ်။ “၁၈၉၆ ချင်းတောင်တန်းအက်ဥပဒေ” နဲ့ လွတ်လပ်ရေးမရခဲ့မီအထိ အုပ်ချုပ်ခြင်းသည် သီးခြားနယ်မြေပိုင်ဆိုင်သော လူမျိုးအား တခြားလူမျိုးများနှင့်ရောနှော အုပ်ချုပ်ခြင်းမပြုဘဲသီးခြားအုပ် ချုပ်ခဲ့ခြင်းဖြစ်တာကိုထင်ရှားစေတာဖြစ်တယ်။ အခွင့်အရေးတူ၊ အခွင့်လမ်းတူ၊ ရပိုင်ခွင့်တူ၊ဒီမိုကရေစီကျကျခံစားခွင့်ရှိရေး ကိုအခြေခံပြီး မိမိတို့လွတ်လပ်တဲ့ဆန္ဒနှင့်အညီ ကချင်၊ ရှမ်း၊ဗမာများနဲ့အတူ ၁၉၄၇ခုနစ်မှာပင်လုံစာချုပ်ချုပ်ပြီး ပြည်ထောင် စု မြန်မာနိုင်ငံကို ၁၉၄၈ ခုနစ်မှာအတူတကွစတင်တည်ထောင်ခဲ့ကြပါတယ်။ ဒါပေမယ့်လွတ်လပ်ရေး ရပြီးပြည်ထောင်စု ကို အုပ်ချုပ်ခဲ့တဲ့အစိုးရက ပင်လုံသဘောတူညီချက်ကိုလစ်လျု ရှုခဲ့ကြတဲ့အတွက်နှစ် ပေါင်း(၆၀)ကြာပြည် တွင်းစစ်ဖြစ်ပွားခဲ့ တာ ဖြစ်ပါတယ်။ ဒါဟာပြည်ထောင်စုရဲ့အရင်းခံ ”  ပြသနာ” ပါပဲ၊ ပင်လုံသဘောတူညီချက်ကို အကောင်အထည်မဖော် သေးသရွေ့၊ တန်းတူရေး၊ ဒီမိုကရေစီရေးနှင့် ကိုယ်ပိုင်ပြဌါန်းခွင့်ရှိတဲ့ ဖက်ဒရယ်ပြည်ထောင်စုမတည် ဆောက်နိုင်သေး သရွေ့ ပြည်တွင်းငြိမ်းချမ်းရေးကို တည်ဆောက်နိုင်မှာ မဟုတ်ပါဘူး။ ပင်လုံကိုအခြေခံတဲ့ ဖက်ဒရယ်ပြည်ထောင်စု တည် ဆောက်ရေး ဟာတိုင်းပြည်အေးချမ်းတည်ငြိမ်ရေးအတွက်အဓိက သော့ချက်ဖြစ်ပါတယ်။

ချင်းအမျိုးသားအပေါင်းတို့ ခင်ဗျား

မိမိတို့ဟာ လူမျိုးတမျိုးဖြစ်သည်နှင့်အညီ “မျိုးချစ်စိတ်ဓာတ်”အခိုင်အမာရှိဖို့လိုအပ်ပါတယ်။ အဲဒီမျိုးချစ်စိတ်ဓာတ်က ဘာလဲဆိုတော့” မိမိလူမျိုးရဲ့ အခြေခံရပိုင်ခွင့်” ကို ကာကွယ်ထိန်းသိမ်းလိုစိတ်၊လူမျိုးခြားတိုင်းတပါးများရဲ့ကျူးကျော်မှုကို  ခုခံတွန်းလှန်လိုစိတ်၊ မိမိတို့ရဲ့သီးခြား ဂုဏ်အင် လက္ခဏာဖြစ်တဲ့ ယဉ်ကျေးမှု၊ ဘာသာစကား၊ ရိုးရာဓလေ့ထုံးတမ်းစဉ်လာ တွေကို ထိန်းသိမ်းမြှင့်တင်လိုစိတ်၊ အမျိုးကိုချစ်မြတ်နိုးစိတ်၊ မိမိတို့ရဲ့အကျိုးစီးပွားကိုဦးထိပ် ထားပြီးအကျိုးတူခံစား လိုစိတ်တို့ကို ဆိုလိုပါတယ်။ မျိုးချစ်စိတ်ဓာတ်ဟာ အတိတ်ကဖြစ်ပျက် လုပ်ဆောင်မှုတွေကို မျှဝေခံစားတတ်စေပြီး ပစ္စုပ္ပန်မှာညီညီညွတ်ညွတ်နဲ့ လုပ်ဆောင်တတ်စေကာ နောင်အနာဂတ် အမျိုးသားရေအတွက်တွေးတော့ကြံ ဆတတ် စေမှာဖြစ်တယ်။ ဒီလိုမျိုး စိတ်ဓာတ်တွေမပိုင်ဆိုင်ထားကြဘူးဆိုရင်တော့ အချိန်တိုအတွင်းမှာအမျိုးသားလုံး ပျောက် ကွယ် သွားနိုင်တဲ့အနေထားကို ရောက်သွားနိုင်တဲ့အတွက်ချင်းအမျိုးသားတိုင်း မျိုးချစ်စိတ်ဓာတ်ကိုအမြှင့်မားဆုံးမြှင့်တင်ကြဖို့ တိုက်တွန်း လိုပါတယ်။ အမျိုးသားခေါင်းဆောင်ကြီးနဲ့ ချင်းအမျိုးသား ဖခင်ကြီးပူးဝမ်သူးမောင်း ဟာချင်းအမျိုးသားများ အင်္ဂလိပ်ကျွန် အဖြစ် မှလွတ် မြောက်ရေး အတွက်ရဲရဲတောက်တော်လှန်ခဲ့တယ်။ ခေတ်ဟောင်းစနစ်ဟောင်းတွေအစား ခေတ်သစ်ဒီမိုကရေစီ စနစ် နဲ့ အစားထိုးရေးစတင်လုပ်ဆောင်ခဲ့တယ်။ မိမိတို့လူမျိုးဟာ ကမ္ဘာနဲ့ရင်ဘောင်တန်းရပ်တည်နိုင် တဲ့လူမျိုးဖြစ်ကြောင်းပြသခဲ့တဲ့ အပြင်အမျိုးသားတို့ရဲ့ ပထမဆုံး နိုင်ငံရေးပါတီထူထောင်ပြီး နယ်ချဲ့တွေထံချင်းတောင်ကို လွတ်လပ်ရေးပေးဖို့ တောင်းဆိုခဲ့တဲ့ ပုဂ္ဂိလ်ဖြစ်ပါတယ်၊ သူ့ရဲ့အမျိုးကိုချစ်တဲ့စိတ်ဟာ ချင်းအမျိုးသားလုံးရဲ့ နှလုံးမှာ ရှင်သန်နေရမယ့် “မျိုးချစ်စိတ်ဓာတ် “  ဘဲဖြစ်ပါတယ်။

ချင်းအမျိုးသားအပေါင်းတို့ ခင်ဗျား

ချင်းမျိုးနွယ်စုတွေအကြားမှာ စည်းလုံးညီညွတ်မှုခိုင်မာသည်ထက်ခိုင်မာအောင်တည်ဆောက်ဖို့ အထူးလိုအပ်နေပါသည်။ ဒီမိုကရေစီစနစ်သစ်ဆီသို့ချီတက်ရေး၊ ဖယ်ဒရယ်ပြည်ထောင်စုတည်ဆောက်ရေးနဲ့ ကိုယ့်ကြမ္မာကိုယ်ဖန်တီးခွင့်ရရှိ ရေးပန်းတိုင်ကိုချီတက်တဲ့နေရာမှာ အမျိုးသားစည်းလုံးညီညွတ်ရေး ဟာအဓိက ဖြစ်ပါတယ်။ ချင်းလူမျိုးတွေရဲ့ အထက် မြက်ဆုံးလက်နက်ဟာ စည်းလုံးညီညွတ်ရေးဖြစ်တယ်ဆိုတာသမိုင်းက သင်ခန်းစာပေးပြီးလည်းဖြစ်ပါတယ်။ ၂၀၁၃ခုနစ် နိုဝင်ဘာလ (၁၂-၁၅)နေ့မှာ ကျင်းပတဲ့ချင်းအမျိုးသားညီလာခံကြီးက ချင်းမျိုးနွယ်စုအားလုံးရဲ့ အမျိုးသားအမည်နာမ အဖြစ် “ချင်း” အသုံးပြုရေးကိုတခဲနက်သဘောထားချမှတ်ထားပြီးဖြစ်ပါတယ်။ ကမ္ဘာပေါ်မှာရှိတဲ့လူမျိုးငယ်လေးတွေဟာ တမျိုးပြီး တမျိုးလျင်မြန်စွာပျောက်ကွယ်နေကြပါတယ်။ ဒါဟာလူမျိုးကြီးတွေရဲ့ ၀ါးမျိုခြင်းတွေကိုခံခဲ့ကြတာဖြစ်တဲ့အတွက် မိမိတို့ချင်း အမျိုးသားများအနေနဲ့ ၀ါးမျိုခံရဆဲအခြေအနေနဲ့ပျောက်ကွယ်ဆဲအခြေအနေကနေ ရုန်းထွက်နိုင်ရေး ကြိုးပမ်းကြဖို့အထူးလို အပ်နေပါတယ်။ သာဓကတခုဖြင့်ပြောကြားချင်တာကတော့၂၀၁၄ ခုနစ်သန်းခေါင်စာရင်းမှာမျိုးနွယ်စုအမည်များကို အမျိုးသားအမည်ဖြစ်တဲ့ ချင်း နဲ့တန်းတူသတ်မှတ်တာနဲ့ ချင်းလူမျိုးပေါင်း(၅၃)မျိုးရှိကြောင်းဖော်ထုတ်ရန်ပြင်ဆင်နေခြင်းဘဲ ဖြစ်ပါတယ်။ ဒါဟာချင်းအမျိုးသားများရှင်သန်ရပ်တည်ရေးအတွက် ကြီးမားသောစိတ်ခေါ်မှုကြီးတရပ်ဘဲဖြစ်ပါတယ်။ စည်းလုံးမှုဖြင့် တုန့်ပြန်ခြင်းမှ တပါးအခြားနည်းလမ်းမရှိပါဘူး။ စည်းလုံးညီညွတ်မှုမရှိကြဘူးဆိုလို့ရှိရင် အခြားလူမျိုးများရဲ့ အုပ်ချုပ်မှုကိုအလွယ်တကူခံရမှာဖြစ်ပြီးတဖြည်းဖြည်းပျောက်ကွယ်သွားကြမှာဖြစ်ပါတယ်။အမျိုးကိုချစ်တဲ့ချင်းအမျိုးသားများအနေနဲ့ စည်းလုံးညီညွတ်ရေးပြသကြဖို့ တိုက်တွန်းလိုပါတယ်။

ချင်းအမျိုးသားအပေါင်းတို့ ခင်ဗျား

ချင်းအမျိုးသားတပ်ဦးအနေနဲ့ ၂၀၁၃ခုနှစ် ၊ ဧပြီလ ကနေ အောက်တိုဘာလ ကုန်အထိချင်းပြည်နယ်နဲ့ ချင်းအမျိုးသားများ နေထိုင်တဲ့တိုင်းဒေသကြီးများမှာ နေထိုင်တဲ့ချင်းပြည်သူလူထုနဲ့ ချင်းအမျိုးသားများရဲ့သဘောထားစစ်တမ်းကောက်ခံမှုတွေ ပြုလုပ်ခဲ့ပါတယ်။အဲဒီ စစ်တမ်း အရချင်းပြည်နယ်အတွင်းမှာရှိတဲ့ချင်းပြည်သူများရဲ့ ၈၆.၅၀ ရာခိုင်နှုန်းဟာ ပြည်ထောင်စု မြန်မာနိုင်ငံကို ဖယ်ဒရယ်ပြည်ထောင်စုစနစ်နဲ့ တည်ဆောက်ဖို့သဘောထားပေးခဲ့ကြပါတယ်။ ၉၂.၃၈ ရာခိုင်နှုန်းက ပြည်ထောင်စုမြန်မာနိုင်ငံ ပါလီမန် ဒီမိုကရေစီစနစ်နဲ့ အုပ်ချုပ်သင့် တယ်လို့ဆိုပါတယ်။ ၉၃.၀၇ ရာခိုင်နှုန်းကပြည်နယ်များမှာ ပြည်နယ်ဖွဲ့စည်းပုံအခြေခံဥပဒေ သီးသန့်ထားရှိသင့်ပြီး ဗဟိုအစိုးရနဲ့အာဏာကိုကန့်သတ်ကာ ကြွင်းကျန်အာဏာကို ပြည်နယ်အစိုးရက ကျင့်သုံးသင့်လို့ ၉၀.၂၀ ရာခိုင်နှုန်းကသဘောထားပေးခဲ့ကြပါတယ်။ အချုပ်အချာအာဏာကိုနိုင်ငံသား များထံမှဆင်းသက်ရမယ်လို့ ၉၅.၈၃ရာခိုင်နှုန်းက သဘောထားပေးခဲ့ကြပြီးပြည်ထောင်စု တပ်မတော်သည်လည်း အရပ်သားအုပ်ချုပ်ရေးအောက်တွင်ထားရမယ်လို့ ၉၅.၈၃ ရာခိုင်နှုန်းကဆိုပါတယ်။ ဒါကြောင်းချင်းပြည်သူများအနေနဲ့ တပြည်ထောင် စနစ်အုပ်ချုပ်ခြင်းကို မနှစ်သက်သလိုလူများစုအာဏာရှင် စနစ်ကိုကိုလည်းမနှစ်သက်တာတွေ့ရပါတယ်။ ဒီသဘောထားများသည်လွတ်လပ်ရေးနဲ့ အတူရှင်သန်ရပ်တည်လာခဲ့တဲ့ချင်းတို့ရဲ့သဘောထားအစစ်မှန်များသာဖြစ်ပါတယ်။

ချင်းအမျိုးသားအပေါင်းတို့ ခင်ဗျား

ချင်းအမျိုးသားတပ်ဦးဟာ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများနဲ့အတူလက်တွဲပြီး တည်တံ့ခိုင်မြဲတဲ့ ငြိမ်းချမ်းရေးတည်ဆောက်ဖို့ရာအတွက် လိုင်ဇာဘုံသဘောထားရပ်တည်ချက်များနှင့်လောခီးလာ တနိုင်ငံလုံး အပစ်အခတ် ရပ်စဲရေး သဘောတူညီချက်များကို တညီတညွတ်တည်းချမှတ်ခဲ့ကြပါသည်။ ချင်းအမျိုးသားတို့အပါဝင် တိုင်းရင်းသား လူမျိုးစု တရပ်လုံးက ရေရှည်တည်တံ့ခိုင်မြဲတဲ့ငြိမ်းချမ်းရေး တည်ဆောက်ဖို့သံဓိဌါန်ချထားကြပြီးဖြစ်တယ်။ တနိုင်ငံလုံးအ ပစ်ခတ်ရပ်စဲရေးကနေနိုင်ငံရေးဆွေးနွေးပွဲကို တက်လှမ်းကြဖို့နဲ့ နိုင်ငံရေးဆွေးနွေး ပွဲကနေ အမျိုးသားညီလာခံကြီးတ ရပ်ကျင်းပရေးကို ဦးတည်သွားကြဖို့ကိုလည်းမိမိတို့ရဲ့ လမ်းပြမြေပုံအဖြစ်ချမှတ်ခဲ့ကြပြီးဖြစ်တယ်။ ဒါဟာပြည်တွင်းငြိမ်းချမ်း ရေးအတွက်အဓိက အကျဆုံးဘဲဖြစ်တယ်ဆိုတာပြောကြားလိုပါတယ်။

နိဂုံး ချုပ်အနေဖြင့်ပြောကြားလိုတာကတော့ ချင်းအမည်နာမဟာသမိုင်းထဲမှာသာ ကျန်ရစ်ဖို့ရာချင်းအမျိုးသားတိုင်းလက်ခံ နိုင်မှာမဟုတ်ပါဘူး။ ဒါကြောင့်ချင်းလူမျိုးမပပျောက်ရေးအတွက်မိမိတို့ ကိုမိမိတို့ကာကွယ်သွားကြဖို့အထူးလိုအပ်ပါတယ်။ ချင်းလူမျိုးများဟာ ချင်းပြည် အတွင်းမှာ အပြည့်အ၀ အာဏာရှိမှသာလျှင်ချင်းအမျိုးသားဂုဏ်အင်လက္ခဏာများရှင်သန်ပြီး ချင်းအမျိုးသားနေ့ကိုလည်း အဓိပ္ပါယ်ပြည့်ဝစွာ ကျင့်ပသွားနိုင်မှာဖြစ်ကြောင်း ပြောကြားရင်နိဂုံးချုပ်အပ်ပါတယ်။

Share.

About Author

Leave A Reply