ရှာလ်လုမ်းတိုက်ပွဲသည် မျိုးချစ်စိတ် ခွန်အား ပေးနေဦးမည့် သမိုင်းဝင်တိုက်ပွဲဟု CNF ဥက္ကဌပြော

0

CNF Chairman-Pu Kip

 

ဗြိတိသျှနယ်ချဲ့တို့၏ ကျုးကျော်စစ်ကို အံတု တွန်းလှန်တိုက်ခိုက်ခဲ့သော ရှာလ်လုမ်းခံတပ်တိုက်ပွဲသည် နောင်မျိုးဆက် ပေါင်းများစွာအထိ ချင်းမျိုးချစ်စိတ်ခွန်အားကို ပေးဆောင်နေဦးမည့် သမိုင်းဝင်တိုက်ပွဲဖြစ်သည်ဟု ချင်းအမျိုးသားတပ်ဦး CNF ဥက္ကဌ ဆလိုင်းကစ်(ပ်)ခိုလျန်ကပြောဆိုလိုက်သည်။ ဗြိတိသျှတို့၏ ချင်းပြည်ကို ဝင်ရောက်ကျုးကျော် သိမ်းပိုက်ရေးစီမံချက်ဖြစ်သော Chin-Lushai Expedition အရ ၁၈၈၈ ကစပြီး ချင်းတောင်သို့ ကျုးကျော်တိုက်ခိုက်လာသော ဗြိတိသျှစစ်တပ်ကို ခုခံတော်လှန်ခဲ့သည့် သမိုင်းဝင်ရှာလ်လုမ်းခံတပ် တိုက်ပွဲသည် မေလ ၄ ရက်နေ့က (၁၂၅) နှစ်ပြည့်မြောက်ပြီဖြစ်သည်။

နယ်ချဲ့ဗြိတိသျှတို့အား ရှာလ်လုမ်း ခံတပ်မှ အသက်ကိုပဓာနမထားပဲ ရွတ်ရွတ်ချွံချွံ ခုံခံစစ်ကို ဆင်နွဲ့ရင်း ၁၈၈၉ ခုနှစ် မေလ (၄) ရက်နေ့တွင် ချင်းပြည်နှင့် ချင်းလူမျိုးများ အဓွန့်ရှည် တည်တန့် ခိုင်မြဲစေခြင်းအလို့ဌာ အသက်ပေးလှူစတေး သွားခဲ့ကြသည့် ချင်းမျိုးချစ် သူရဲကောင်းများအား ရည်စူးလျက် ၁၂၅ နှစ်မြောက် ရှလ်လုမ်း ခံတပ် တိုက်ပွဲ အထိမ်းအမှတ် နေ့ အောက်မေ့ဘွယ် အခမ်းအနားကို တီးတိန်မြို့နယ် ဝေါ့လာ့ကျေးရွာတွင် ၂၀၁၄ ခုနှစ်၊ မေလ (၄) ရက်နေ့က စည်ကား သိုက်မြိုက်စွာ ကျင်းပခဲ့ကြသည်။

 

ယင်းအောက်မေ့ဘွယ်အခမ်းအနားသို့ CNF ဥက္ကဌမှ ကိုယ်တိုင်မတက်ရောက်နိုင်သော်လည်း သ၀ဏ်လွှာပေးပို့ကာ ယခု ကဲ့ သို့ ပြောဆိုလိုက်ခြင်းဖြစ်သည်။

 

ဗြိတိသျှ နယ်ချဲ့တို့က ၁၈၈၈ ခုနှစ်မှ စတင်ကာ ချင်းပြည်အားထိပါးကျုးကျော်ခဲ့သည်မှာ ချင်းလူမျိုးတို့၏ သမိုင်းတွင် ပထမအကြိမ် ပြည်ပအင်အားစု၏ ရန်စကျုးကျော်မှုဖြစ်ကြောင်း၊ သူ့ကျွန်ဘဝသို့ မကျရောက်စေရန်အတွက် ချင်းဘိုး ဘေးတို့သည် လွတ်လပ်သောချင်းပြည်ကို ကာကွယ်ကာ မိမိတို့ဒေသအလျောက် ပြောင်မြောက်သော ခုခံစစ်များ ကို ဆင်နွဲခဲ့ကြသည်ဟု ဆလိုင်းကစ်(ပ်)ခိုလျန်၏ သ၀ဏ်လွာတွင်ဖော်ပြထားသည်။

 

ထို့အပြင် ချင်းလူမျိုးတို့ သည် မိမိတို့အား ဗြိတိသျှတို့က ကျူးကျော်စစ်မဆင်နွဲမီ သမိုင်းတ လျောက် သူ့ကျွန်ဘဝသို့ မကျရောက်ခဲ့ဘူးကြောင်း၊ သီးခြား လွတ်လပ် စွာ နေထိုင်ခဲ့သော လူမျိုးတမျိုးဖြစ်ကြောင်း သမိုင်းအထောက် အထားတ ရပ်ကို မိမိတို့၏ အသက်၊ ချွေး၊ မျက်ရည်တို့ကို ရင်းနှီးကာ အခိုင်အမာ ကဗျည်းရေးထိုးနိုင်ခဲ့ခြင်း ဖြစ်သည်ဟု ဆက်လက် ဖော်ပြထားသည်။

 

ရှာလ်လုမ်းခံတပ်(SIALLUM FORT) သည် ကလေးမြို့မှ ၃၀ မိုင်ခန့်အကွာတွင်တည်ရှိပြီး ဖလမ်းသို့သွားသောလမ်းမ ဇွန်ကောင်ကျေးရွာမှလမ်းခွဲကာ ကားလမ်းဖြင့် ခရီးဆက်မည်ဆိုလျှင် ၃ နာရီကြာမျှမောင်းနှင်ရကြောင်းသိရပြီး ထိုခံတပ် တိုက်ပွဲ သမိုင်းအရ ချင်းပြည်နယ်မှ ရဲမေများ အပါအဝင် ၂၈ ဦးတိုင်းပြည်အတွက် အသက်ပေးလူုကာ ၁၁ ဦးဒဏ် ရာရှိသွားခဲ့ကြောင်းအထောက်အထားများအရသိရသည်။

 

တိုက်သူကြီး လျှန့်ကမ်း ဦးဆောင်သော တော်လှန်ရေးတပ်ဖွဲ့ဝင် ၃၇ ဦးတို့သည် ဝေါ့လါ့ကျေးရွာအနီးတွင် မြေတွင်းများကို တူးကာ ကျောက်ပြားချပ်ကြီးများ၊ ပျဉ်ချပ်များဖြင့်ဖုံးအုပ်ပြီး ခံတပ်ကို ကြီးကျယ်စွာတည်ဆောက်ခဲ့ကြကာ Siallum ဟုအမည်တွင်စေပြီး စီးယင်းချင်းဘာသာဖြင့် ခံတပ်မကြီး(ကူလ်ပီး)၊ ရဲမေကျင်း (နူးပီးကူလ်)၊ ကျင်းပတ်လမ်း (ကူလ်ဘန်)၊ အောက်ဖက်ကျင်း(ကူလ်ပီးယန်း)၊ ကင်းထောက်ကျင်း (ငလ်ဗီလ်ဒူမ်း)စသဖြင့် နည်းပရိယာယ် ကြွယ်ဝစွာ တည်ဆောက် ထားသော ထိုခံတပ်အား အင်္ဂလိပ်တပ်က အနောက်ဖက်မှ တိုက်ခိုက်နိုင်ခြင်းမည်သို့မျှမပြုလုပ်နိုင်ဘဲရှိခဲ့ လေသည်။

 

ရှလ်လုမ်းခံတပ်တိုက်ပွဲသည် ချင်းတို့၏ နယ်ချဲ့ခုခံရေးစစ်ပွဲများနှင့် ချင်းအမျိုးသားတို့၏ မျိုးချစ်စိတ်ကို အထွတ် အထိပ် ရောက်ရှိအောင် ဖေါ် ဆောင်နိုင်ခဲ့သော တိုက်ပွဲများအနက် ချင်းတို့၏ သမိုင်းကို ဂုဏ်ရောင်ပြောင်စေခဲ့ပြီး ချင်းပြည်နှင့် ချင်းလူမျိုး တို့အတွက် သူရဲကောင်းပီသစွာ အသက်ပေးလှူခဲ့ကြသော ချင်းမျိုးချစ်ရဲဘော် ရဲမေတို့အား အထူးဂုဏ်ပြုလျက် လေးစားစွာ အလေးပြု ကြောင်း CNF ဥက္ကဌ၏ သ၀ဏ်လွာတွင်ဖော်ပြထားသည်။

Share.

About Author

Leave A Reply

*

code