ခူမီး(ခမီး) အမျိုးသားပါတီ တည်ထောင်ခွင့်ရရှိ

0

လာမည့် ၂၀၁၅ ခုနှစ်ရွေးကောက်ပွဲတွင် ပါဝင်ယှဉ်ပြိုင်မည့် KHUMI (KHAMI) NATIONAL PARTY ( KNP ) ခေါ် ချင်းနိုင်ငံရေးပါတီဖြစ်သည့် ခူမီးအမျိုးသားပါတီအား တရားဝင်နိုင်ငံရေးပါတီအဖြစ် ရပ်တည်ခွင့် ပြုလိုက်ကြောင်း သိရ သည်။ ၂၅/၁၁/၂၀၁၃ ရက် စွဲဖြင့် ပြည်ထောင် စုရွေးကောက်ပွဲကော်မရှင်(နေပြည်တော်) သို့ လျှောက်ထားချက်ကို စာ အမှတ်၊၂/နငရ-မပဘ(၁)/ကမရ အရ ၂၀၁၄ ခုနှစ် မေလ(၂၃)ရက်နေ့ တွင် ပြည်ထောင်စုရွေးကောက် ပွဲကော်မ ရှင် က တရားဝင် ခွင့်ပြုလိုက်ခြင်းဖြစ်သည်။

K N P ပါတီကို ၁၉၉၀ ရွေးကောက်ပွဲကာလက အမျိုးသားဒီမိုကရေစီအဖွဲ့ချုပ်မှ ပလက်ဝမြို့နယ် မဲဆန္ဒနယ်အတွက် လွှတ်တော်အမတ်အဖြစ် အရွေးခံ အနိုင်ရခဲ့သည့် ဦးကျော်ထွန်းက ဦးဆောင်ခဲ့သည် ဟု သိရသည်။

 

” ပါတီတည်ထောင်ခွင့်လျှောက်ထားချက်ကို ပြည်ထောင်စုရွေးကောက်ပွဲကော်မရှင်မှ တရားဝင်ခွင့်ပြုထားတဲ့အပေါ် ၀မ်းသာပါတယ်၊ နှစ်ပေါင်း(၂၀) ကျော် မြန်မာ့နိုင်ငံရေးမတည်ငြိမ်ခဲ့လို့ ပါတီတည်ထောင်ခွင့်တွေမရှိခဲ့ပေမဲ့ ၂၀၁၀ ရွေးကောက်ပွဲ နောက်ပိုင်း ဒီမိုကရေစီအခွင့်အရေး ပွင့်လန်းလာတဲ့အတွက်လည်း အဲဒီအခွင့်အရေးကို ဆုပ်ကိုင်ထား တာပါ “ဟု ပါတီခေါင်းဆောင် ဦးကျော်ထွန်းမှ ပြောသည်။

 

ခူမီး(ခမီး)အမျိုးသားပါတီသည် ဒီမိုကရေစီအခွင့်အရေး၊ အမျိုးသားတန်းတူအခွင့်အရေး၊ လူ့အခွင့်အရေးနှင့် အတူ တိုင်းရင်းသားများ လိုလားသော ဖယ်ဒရယ်ဒီမိုကရေစီရေး၊ ပလက်ဝမြို့နယ်ကိုယ်ပိုင်အုပ်ချုပ်ခွင့်ရရှိရေး၊ ပလက်ဝမြို့  နယ်ခရိုင်ရရှိရေး၊ ခူမီးအမျိုးသားစာပေ၊ယဉ်ကျေးမှုနှင့်ဒေသဖွံဖြိုးရေးလုပ်ငန်းများကို အလေးပေးဆောင်ရွက်သွားရေး ကို ရည်မှန်းပြီး တည်ထောင်ဖွဲ့စည်းခြင်းဖြစ်ကြောင်း သိရသည်။

 

ပါတီ၏ ရှေ့ ဆက်လုပ်ငန်းစဉ်နှင့်စပ်လျဉ်း၍ ပထမအနေဖြင့် ဥပဒေ အရ ရက်ပေါင်း ၃၀ အတွင်း လုပ်ဆောင်ရ မည့်အချက်တွေကို ပါတီအင်္ဂါရပ်နှင့်အညီ ဆက်လက်လုပ်ဆောင်ရမည်ဖြစ်ကြောင်းလည်း သိရသည်။

 

ချင်းမျိုးနွယ်စုကြီးဖြစ်သည့် ခူမီးမျိုးနွယ်စု များသည် ချင်းပြည်နယ်တောင်ပိုင်း ပလက်ဝမြို့နယ်တွင် အဓိက နေထိုင်ကြ သည်။

 

လေ့လာသိရှိချက်များအရ ချင်းလူမျိုးများအတွင်း ချင်းအမျိုးသား ဒီမိုကရက်တစ်ပါတီ ( ယခင် ချင်းအမျိုးသားပါတီ)၊ ချင်းတိုးတက်ရေးပါတီ၊ တိုင်းရင်းသားလူမျိုးများ ဖွံ့ဖြိုးတိုးတက်ရေးပါတီ၊ ဇိုမီးဒီမိုကရက် တစ်ပါတီ၊ အရှိုချင်း အမျိုး သားပါတီ၊ ခူမီးအမျိုးသားပါတီ စသည့် ချင်းနိုင်ငံရေးပါတီများ ဖွဲ့စည်းထားကြပြီးဖြစ်သည်။

Share.

About Author

Leave A Reply

*

code