ဟားခါးမြို့မိမြို့ဖ တဦးမှ ပေးစာ

0

အယ်ဒီတာခင်ဗျား

ကျေးဇူးပြုပြီး ယခု ပေးစာကို ဂျာနယ်မှ တဆင့် သက်ဆိုင်သူတွေကို အသိပေးစေလိုပါတယ်၊

 

ချုံ့ပြောရယင် ယနေ့ကာလဟာ ပြည်ထောင်စုမြန်မာနိုင်ငံ ပြောင်းလဲဆဲကာလလို့ ပြောရမှာပါ၊ ဒီမိုကရေစီ နိုင်ငံ ဖြစ်နေပြီလို့ အစိုးရက ပါးစပ်ကနေ ပြောနေပေမဲ့ သူတို့ရဲ့လက်တွေ့ လုပ်ရပ်တွေဟာ ယခင် စစ်အစိုးရ လုပ်နည်း လုပ်ဟန်အတိုင်းပဲရှိနေပါသေးတယ်၊ ဘာမှ ပြောင်းလဲမှုမရှိဘူးလို့ပဲ ပြောချင်ပါတယ်၊

 

ချင်းပြည်နယ် ဖွံ့ဖြိုးရေးအတွက် လမ်းပန်းဆက်သွယ်ရေး၊ အစိုးရအိမ်ယာ အဆောက်အဦး ထူထောင်စရာတွေ၊ ဆောက်လုပ်စရာတွေ တပုံကြီးရှိနေပါတယ်၊ လုပ်ငန်းစီမံကိန်းရရှိဖို့ အတွက် ကုပ္မဏီ အသီးသီးက လျှောက်လွှာ တင်ကြတယ်၊ အဓိက ချင်း နှင့် ဗမာတိုင်းရင်းသား ကုပ္မဏီပိုင်ရှင်တွေက လျှောက်ထားကြတာပါ၊ ချင်း ၀န်ကြီးအ များစုက ဒေသခံ ချင်းကုပ္မဏီတွေကို ပိုပြီး ဦးစားပေး ရရှိစေချင်သော်လည်း ပြည်နယ်ဝန်ကြီးချုပ်က ၄င်းနှင့် ပိုမိုရင်း နှီးသူ ဗမာကုပ္မဏီတွေကို ဦးစားပေးနေရတယ်၊ ပြောချင်တာက ယခင် စစ်အစိုးရ လုပ်နည်းလုပ်ဟန်ကို ကျင့်သုံး နေပြီး အဲဒီ အပေါ် ချင်းဒေသခံလူကြီးတွေ အင်မတန် စိတ်ပျက်နေကြကြောင်း ထပ်ပြောချင်ပါတယ်၊

 

ပြည်နယ်ဝန်ကြီးချုပ် ပူးဟုန်းငိုင်ရဲ့ စိတ်နေစိတ်ထားနဲ့ လုပ်ရပ်တွေဟာ လူထုအပေါ် အထူးသဖြင့် ဌာနေ ချင်းလူမျိုး တွေအပေါ် စေတနာကင်းမဲ့နေသည်ဟု ယူဆရပါသည်၊ မကြာခင်မှာ ဆောက်လုပ်တော့မည့် ၀န်ကြီးအိမ်ယာ ၁၄ ခု အတွက် ၄င်းနှင့် ရင်းနှီးသူ အသိမိတ်ဆွေများဖြစ်ကြတဲ့ ဗမာ ကုပ္မဏီတွေကို ဆောက်လုပ်ခွင့်ပေးမှာဖြစ်ကြောင်း ကြား သိရပါတယ်၊ အဲဒီအပေါ် ဒေသခံတွေ ၀မ်းနည်းရပါတယ်၊

 

ထိုမျှ မကပါ၊ ချင်းပြည်နယ်ဖွံ့ဖြိုးရေး စီမံကိန်းလုပ်ငန်းတွေမှာ တာဝန်ရှိတွေဟာ အများအားဖြင့် ဗမာ တိုင်းရင်း သားတွေ ဖြစ်နေပါတယ်၊ သူတို့ဟာ ၄င်းတို့ ချင်းကုပ္မဏီတွေအပေါ် ကွက်ပြီး ပညာ၊ အာဏာပြနေတာတွေ ကြားသိ ရပါတယ်၊

 

ဒီဖြစ်ရပ်တွေကို သတင်းဂျာနယ်ကနေ ထုတ်ဝေ ဖြန့်ချိစေလိုပါတယ်၊

 

 

ဟားခါးမြို့မိမြို့ဖ တဦး

Share.

About Author

Leave A Reply

*

code