ချင်းဝိသေသတိုင်းသမိုင်းအကျဉ်း (၁၉၆၂ – ၁၉၇၄)

0

ဆလိုင်းအွခ်လားဘိခ်(မတူပီ)

၁၉၆၂ မတ်လ(၂)တွင် တော်လှန်ရေး အစိုးရ တက်လာသည်။ ၁၉၆၂ မတ်လ(၃)ရက်နေ့တွင် ချင်းရေး ရာ ကောင်စီကို ဖျက်သိမ်းခဲ့ပြီး မတ်လ(၉)ရက်နေ့ တွင်ချင်းရေးရာ ဦးစီးအဖွဲ့ဖွဲ့စည်းခဲ့သည်။ ဥက္ကဌမှာ ဗိုလ်မှူး ဆွန်ခို လျန် ဖြစ်ပြီး အဖွဲ့ဝင် များမှာဦးပွပေါ၊ ဦးတင်ဇမ်၊ ဦးဝမ္မသူးဟာရှိန် နှင့် ဒုတိယ ဗိုလ်မှူးကြီး စောမောင်ထွန်းတို့ဖြစ်ကြသည်။ (၂၀-၁၀- ၁၉၉၆၊ မြန်မာ့ အလင်း စာမျက်နှာ-၃)

ထိုစဉ်က ချင်းဦးစီးရုံးကို ဖလမ်းမြို့တော်တွင်ဖွင့်လှစ်ရန်ရှိသော်လည်း အဆောက်အဦးမရှိ၊ နေရာကျဉ်း မြောင်းသည်ဟု အကြောင်းပြ ချက်ဖြင့် စစ်ကိုင်းတိုင်းကလေးမြို့တွင် ၁၉၆၂ သြဂုတ်လ၌ စတင်ဖွင့်လှစ်ခဲ့သည်။ တိုင်း လုံခြုံရေးနှင့် အုပ်ချုပ်မှုကော်မတီရုံးကို ၁၉၆၂ ဇူလိုင်လတွင်ရန်ကုန်မြို့မှ ကလေးမြို့သို့ ပြောင်းရွေ့ခဲ့သည်။ တော် လှန်ရေး ကောင်စီသည် ၁၉၆၂ ဇူလိုင်လ(၄)ရက်နေ့ တွင် မြန်မာ့ ဆိုရှယ်လစ်လမ်းစဉ်ပါတီ တည်ထောင်ခဲ့သည်။ ပါတီဗ ဟိုကော်မတီကိုဖွဲ့စည်းလျက်၊ ယင်းအောက်တွင်တိုင်းခွဲ (၁၅) ခုဖွဲ့စည်းထား သည်။ ယင်း အောက်တွင်မြို့နယ် ပါတီ စည်းရုံးရေးကော်မတီများကို ဖွဲ့စည်းခဲ့သည်။ ထိုစဉ်က လမ်းပန်းဆက်သွယ်ရေး အရ မြောက် ပိုင်း ခရိုင်ကိုတိုင်း ခွဲ(၃)၊ တောင်ပိုင်းခရိုင်ကိုတိုင်းခွဲ(၂)၊ ပလက်ဝ ခရိုင်ခွဲကိုတိုင်း ခွဲ(၈) တွင် အသီးသီးထည့်သွင်းဖွဲ့စည်းခဲ့သည်။ တိုင်းခွဲ (၃) ရုံုးကို ဖလမ်းမြို့မှဟားခါးမြို့ သို့ ပြောင်းရွေ့ခဲ့သည်။

မတူပီမြို့နယ်တွင် ပါတီစည်းရုံးရေးကို ရဲဘော်ယုံနွန်း(လေရိန်း)နှင့် ဦးမောင်လိန်းတို့ကစတင်ဦးဆောင် သည်။ ၁၉၆၅ အောက်တို ဘာ လတွင် မတူပီမြို့နယ်ပါတီယူနစ် ကို စတင်တည်ထောင်ခဲ့ပြီး ဦးဖေလိန်းမောင် အားပါတီ စည်းရုံးရေးမှူး အဖြစ်ခန့်အပ်ခဲ့သည်။ ၁၉၆၆ တွင် ဦးကေတီဖိုင်နှင့် ဗိုလ်ကြီးထန်သောင်းတို့ကဆက်လက်စည်းရုံး ဆောင် ရွက်ခဲ့သည်။

၁၉၆၄နှစ်တွင် ပါလီမန်ဒီမိုကရေစီအုပ်ချုပ်ရေးနေရာတွင် ဆိုရှယ်လစ်ဒီမိုကရေစီအုပ်ချုပ်ရေးအသစ် အစား ထိုးခဲ့သည်။ တိုင်း၊ ခရိုင်၊ မြို့ နယ် လုံခြုံရေးနှင့် အုပ်ချုပ်မှုကော်မတီများဖြင့် ပြန်လည်ဖွဲ့စည်းသည်။ ၁၉၆၅တွင် အုပ်စု လုံခြုံရေး ကော်မတီကိုပြင်ဆင်ဖွဲ့ စည်း  ခဲ့ပြီး မြို့ မ နှင့်ကျေးရွာအုပ်စုလုံခြုံရေးနှင့် အုပ်ချုပ်မှုကော်မတီကိုဖွဲ့စည်းခဲ့သည်။

၁၉၇၂ မတ်လတွင် မြန်မာနိုင်ငံအုပ်ချုပ်ရေးစနစ်သစ်ကိုစတင်ဖေါ်ဆောင်ခဲ့သည်။ ၁၉၆၄တွင်မြို့နယ်ခွဲများ အဖြစ်ဖွဲ့စည်းခဲ့သည်ကို ၁၉၇၂ တွင် ပြန်လည်ဖျက်သိမ်းခဲ့သည်။ ယခင်ကရပ်ကွက်နှင့်ကျေးရွာအဆင့်၌ စလက နှင့် ရလက ဟူ၍ အဆင့် ၂ဆင့်အစား ရပ် ကွက်ကျေး ရွာ၊ လုံခြုံရေးနှင့်အုပ်ချုပ်မှုကော်မတီတစ်ခုတည်းဖြင့် ပြုပြင် ဖွဲ့စည်းခဲ့ သည်။( မတူပီမြို့၊ နပကရုံးမှပြုစုသောမတူပီမြို့နယ် နိုင်ငံရေးသမိုင်းထဲက) မြန်မာ့ ဆိုရှယ်လစ် လမ်းစဉ်ပါတီသည် ၁၉၆၇ ဇူလိုင်လတွင်မြို့နယ်ပြည်သူ့တောင်သူ လယ်သမားကောင်စီ ကို ဖွဲ့စည်းခဲ့သည်။ ၁၉၇၁ ဒီဇင်ဘာလတွင်မြို့ နယ်ပြည်သူ့အလုပ်သမားအစည်းအရုံးဖွဲ့စည်းခဲ့သည်။ တစ်ဖန် ၁၉၇၃ မတ်လတွင် မြို့နယ် လမ်းစဉ်လူ ငယ်စည်းရုံး ရေးကော်မ တီကို (၅) ဦးဖြငိ့ဖွဲ့စည်းခဲ့သည်။

၁၉၇၁ဇွန်လတွင် ပထမအကြိမ်ပါတီညီလာခံကို အောင်မြင်စွာကျင်းပခဲ့သည်။ ထိုစဉ်ကဒေသ ပါတီရုံး ကိုစစ် ကိုင်းမြို့၌ ဖွင့်လှစ်ခဲ့သည်။့ ၁၉၇၂ ဧပြီလတွင်ဟားခါးမြို့ သို့ပြောင်းရွေ့ခဲ့သည်။ ဥက္ကဌအဖြစ်ဗိုလ်မှူးကြီး အောင်ဘွင် က ဆောင် ရွက်ခဲ့သည်။ ၁၉၇၃ အောက် တိုဘာလတွင်ဥက္ကဌအဖြစ်ဒုတိယဗိုလ်မှူးကြီးသိန်းထူးက ဆောင်ရွက်ခဲ့သည်။ ၁၉၇၄ မှ ဒေသပါတီဥက္ကဌအဖြစ် ဗိုလ်ကြီးသိန်းအောင်က ထမ်းဆောင်ခဲ့သည်။

အုပ်ချုပ်ရေးစနစ်သစ်အရ ၁၉၇၂ သြဂုတ်လတွင်ချင်းဦးစီးအဖွဲ့ကိုဖျက်သိမ်းခဲ့ပြီးချင်းဝိသေသတိုင်းလုံခြုံရေး နှင့် အုပ်ချုပ်မှုကော်မ တီအသစ်ဖွဲ့စည်းခဲ့သည်။ ဥက္ကဌအဖြစ် ဗိုလ်မှူးကြီးခင်ဇာမုန်အားခန့်အပ်ခဲ့သည်။ ၁၉၆၂ ခုနှစ်တွင် ချင်းဦးစီးအဖွဲ့ဥက္ကဌ ဦးဆွန်ခို လျန်နှင့် အဖွဲ့သည်အိန္ဒိယနိုင်ငံနာဂလဲန်းသို့လှေခါးထစ်စိုက်ပျိုးရေး သွား ရောက် လေ့လာခဲ့ကြသည်။ ထိုအချိန်မှမိရိုးဖ လာရွေ့ပြောင်းတောင်ယာ စနစ်မှလယ်ယာလှေကားထစ်များ ဥယျဉ်ခြံ များ ပေါ် ပေါက်ခဲ့ သည်။ လုံပီး၊ ရမ်ထလို၊ ကျောဘုတ်၊ လည် မျို၊ ဘောခွီး၊ ကန်ကြီး၊ ဘာလ်ဇန်၊ခေါမွှန်းစသည့် စိုက်ပျိုး ရေးခြံများအကောင်အထည်ဖေါ်ခဲ့ပြီး နှစ်ရှည်ပင်များစိုက်ပျိုးနိုင်ရန် အစိုးရ ကချေးငွေများရင်းနှီးမြှပ်နှံခဲ့ သည်။ လမ်းတံ တား၊ ဆည်မြောင်းနှင့် မြေရိုင်းဖေါ်ထုတ်နိုင်ရန် ရံပုံငွေများကိုလည်းနှစ်စဉ် တိုး၍ ချပေး သည်။  စိုက်ပျိုးရေး ကဏ္ဍတွင် အောင်မြင်မှု များရရှိခဲ့သည်။ ဤသို့ဖြင့်နှစ်စဉ်နှင့်အမျှ လယ်ယာလှေကားထစ်များတိုးတက်လာ သည်။ တော်လှန်ရေး ကောင်စီကသီး စားခ လုံးဝဖျက်သိမ်းပြီး လယ်လုပ်သူလယ်လုပ်ပိုင်ခွင့်ကို တောင်သူလယ်သမားအ များစုခံစား ခွင့်ပြု လာသည်။

မတူပီမြို့နယ် ရဲန်းဆိကွင်းတူးဖေါ် ခြင်းကြောင့် ဝေတူးနှင့် ဖနိုင်ရွာသားများ ပြဿနာတက်ခဲ့သည်။ ဘွေလီ ကွင်းကြောင့် ဗိုလ်ကြီးတိုက် ချွန်းနှင့် တွီဆောကုန်းရွာသားများပြဿနာတက်ခဲ့သည်။ ထန်တလန်မြို့နယ် ထန်ဟောရ် ကွင်းကို တူးဖေါ်လုပ်ကိုင်ခဲ့ရာ၌ လည်း လေ သပ်နှင့်မှောင်တလန်ရွာသားများ ပြဿနာတက်ခဲ့သည်။ထို့ကြောင့် သက်ဆိုင်ရာ မှ ကွင်းဆင်းလေ့လာဖြေရှင်းခဲ့သည်။ ထိုစဉ်က အကောင် အထည် ဖေါ်သည့်လယ်ယာ မြေများအနက် မတူပီမြို့ နယ် လေရိန်း(ခ) ၊ ခွါဘာလ်ရွာနားရှိကဒီချောင်း ပါး ဘွေ ရားဟမ်ပါး ကွင်းသည် နာမည်အကြီးဆုံးဖြစ်သည်။ ဦးယုံနွန်း၊ ဦးထန်ပိန်း၊ ဦးခွါလိုင်း၊ ဦးအိုင်ဘတ်၊ ဦးတလုံလိုင်၊ ဦးဆန်ယောင်းနှင့် ဦးဒုန်လိုင်းတို့ က စတင်ထွန်ယက်လုပ် ကိုင် ခဲ့သည်။( ရဲဘော် ယုံနွန်းပြော ပြချက်၊ ၁၁-၄-၁၉၈၈ မတူပီ)

၁၉၆၄ခုနှစ်တွင် ဒုတိယတိုင်းမှူး ဗိုလ်မှူးကြီးဗန်ကူလ် သည် တိုင်းပါတီစည်းရုံးရေးမှူး ဒုတိယဗိုလ်မှူးကြီး စောမြသိန်းနှင့်အတူ ဟားခါးမြို့သို့နယ်လှည့်ရောက်ရှိခဲ့ကြသည်။ ဟားခါးမြို့ကို တိုင်းမြိုတော်အဖြစ် သင့်မသင့် ကွင်းဆင်းလေ့လာခြင်းဖြစ်သည်။ ထိုနောက်တွင် တိုင်းမှူး ဗိုလ်မှူ်းကြီးလွန်းတင် နှင့် ဗိုလ်မှူ်း ကြီးဗန်ကူလ် တို့သည် ကလေးမြို့ သို့ရောက်ရှိခဲ့ကြပြီး ချင်းဦးစီးအဖွဲ့ အစည်းအဝေးခေါ်ယူကာ တိုင်းမြို့တော်သတ်မှတ်ရေး ကိစ္စအဓိက ဆွေးနွေး ညှိ့နှိုင်းခဲ့ကြသည်။

ချင်းဝိသေသတိုင်း၏ အလယ်ဗဟိုကျပြီး အသင့်တော်ဆုံးနေရာလည်းဖြစ်သဖြင့် ဟားခါးမြို့ကိုရွေးချယ် ဆွေး နွေးဆုံးဖြတ်ခဲ့ကြ၏။ ဤ ဆုံးဖြတ်ချက်ကို တိုင်းမှူးဗိုလ်မှူးကြီးလွန်းတင်က တော်လှန်ရေးကောင်စီ အစည်းအဝေး ၌တင်ပြခဲ့၏။ တော်လှန်ရေးကောင်စီဥက္ကဌ ဗိုလ်ချုပ်ကြီးနေဝင်းက ကလေးမြို့မှဟားခါးမြို့သို့ပြောင်းရွေ့ရုံး စိုက်ရန် သဘောတူ လက်မှတ်ရေးထိုးပြီး နမခ မှ အမိန့်ထုတ်ပြန်ခဲ့ သည်။ ခလရ (၄၂) တပ်ရင်းမှူးဒုတိယ ဗိုလ်မှူးကြီး တင် အုန်းမှ ရုံးသုံး ပစ္စည်းများသယ်ယူပို့ဆောင်ရေးကိုတာဝန်ယူခဲ့သည်။

ဤသို့ဖြင့်၁၉၆၅ ဇူလိုင်လ(၆) ရက်နေ့တွင် ချင်းဦးစီးအဖွဲ့ ရုံးကို စစ်ကိုင်းတိုင်းကလေးမြို့မှ ဟားခါး မြို့သို့ ပြောင်းရွေ့ခဲ့သည်။ အတွင်းဝန်ဦးနီအုပ်က ချင်းဦးစီးရုံးအဖြစ် ဒေါက်တာတျလ်ကျုံလိန်း နေအိမ်ကို ငှါးရမ်း အ သုံးပြုခဲ့သည်။ ချင်းဦးစီးရုံးမြေနေရာကို ဟားခါးနှင့် ထန်တလန်နယ်သားတို့လုပ်အားဖြင့်တူးဖေါ်ခဲ့ကြ သည်။ ( ဗိုလ်မှူး ကြီး ဗန်ကူလ်ပြောပြချက် ၃၀-၃-၁၉၈၉၊ မတူပီ)

၁၉၆၅ ခုနှစ်တွင် ထန်တလန်နှင့် တွန်းဇန်မြို့တို့သည် မြို့နယ်ရုံးစိုက်ဖြစ်လာသည်။ ၁၉၆၆ မတ်လ(၂) ရက်နေ့တွင် ထန်တလန်မြို့နယ် သစ်ဖွင့်လှစ်ပွဲ ကျင်းပခဲ့ရာချင်းဦးစီးအဖွဲ့ ဦးဆွန်ခိုလျန်မှ အဖွင့်မိန့်ခွန်းပြောကြားခဲ့ သည်။ စာရေးဆရာသိန်းဖေမြင့် လည်း တက် ရောက်ခဲ့သည်။

၁၉၆၁-၆၂ တွင်လူမျိုးစုလွှတ်တော်အမတ် ဦးမင်ထိုး၏ စည်းရုံး မှုဖြင့်မင်းတပ်မြို့နယ်ထဲက ချန်းပြန်း တိုက်နယ် သည် မတူပီမြို့နယ်ထဲ သို့ပါဝင်ခဲ့သည်။ သို့သော် ၁၉၆၈ တွင် ကာအိမ်၊ ကိတ်နာ၊ ရွှင်တွီး၊ ဘော်ရှိကျေး ရွာတို့သည် မင်းတပ်မြို့နယ်ထဲ၌ ပြန်လည်သိမ်း သွင်း ခဲ့သည်။ ( မန်းမင်ထိုပြောပြချက် ၁၁-၂- ၁၉၈၉၊ မတူပီမြို့)

မြန်မာ့ဆို ရှယ်လစ် လမ်းစဉ်ပါတီသည် ဖွဲ့စည်းပုံအခြေခံဥပဒေ ရေးဆွဲရေးကို ၁၉၇၂ ခုနှစ်မှစတင် ၍စည်းရုံး လှုပ်ရှားခဲ့သည်။ ပြည်သူ လူထု ကိုယ်တိုင်ရေးဆွဲသောအခြေခံဥပဒေ ဖြစ်နိုင်ရေးအတွက် ပထမမူကြမ်း၊ ဒုတိယ မူကြမ်း၊ တတိယ မူကြမ်းဟူ၍ အကြိမ်ကြိမ် ရေး ဆွဲခဲ့၏။ နိုင်ငံတော် ဖွဲ့စည်းပုံအခြေခံဥပဒေရေးဆွဲရေး ကော်မရှင်ခွဲ အနေဖြင့် ချင်းဝိသေသတိုင်းသို့ နှစ်ကြိမ် အထိလာရောက် ရှင်းလင်း လမ်းညွှန်မှုများပေးခဲ့သည်။

မြို့နယ်ပါတီယူနစ်ဦးဆောင်မှုဖြင့် ပထမမူကြမ်းရေးဆွဲနိုင်ရေးအတွက် မြို့နယ်ကော်မရှင်ခွဲဖွဲ့စည်းပြီးပြည်သူ လူထုများ ထံ အကြံဥာဏ် များရယူခဲ့သည်။ ဤသို့ဖြင့်  မြို့နယ်ကော်မရှင်အဖွဲ့ ခွဲကို ၁၅ ဦးဖြင့် ဖွဲ့စည်းခဲ့သည်။ ၁၉၇၃ ဒီဇင် ဘာလ ပြည်လုံးကျွတ် ဆန္ဒခံယူပွဲတွင် ချင်းဝိသေသတိုင်းမှ ၉၅.၄၀{241d12fcbf432557e829f91c0d6fd86903ac3e7007e1df33a0cc395ea774cb24}က ထောက်ခံဆန္ဒဖြင့် အတည်ပြုချက်ရယူ သည်။ ၁၉၇၄ ဇန်နဝါရီလ(၃) ရက်နေ့မှ စတင်ကာ ဖွဲ့စည်းပုံ အခြေခံဥပဒေအခန်း(၃) ပုဒ်မ(၃၀)၊ ပုဒ်မခွဲ(ခ) အရချင်း ဝိသေသတိုင်းမှချင်းပြည်နယ်ဖြစ်လာသည်။

Share.

About Author

Leave A Reply