တစ်နုိုင်ငံလုံးဆုိုင်ရာ အပစ်ရပ်စာချုပ် အမြန်ဆုံး လက်မှတ်ရေးထိုးရန် ပါတီ ၆၀ ကျော်မှ တောင်းဆို

0

မြန်မာနိုင်ငံတွင် ရေရှည်တည်တံ့သော ငြိမ်းချမ်းရေး တည်ဆောက်နုိုင်ရန် ပြည်ထောင်စု ငြိမ်းချမ်းရေး လုပ်ငန်း ဖော်ဆောင်ရေးကော်မ တီ (UPWC) နှင့် တစ်နိုင်ငံလုံးပစ်ခတ် တိုက်ခိုက်မှု ရပ်စဲရေး ညှိနှိုင်းရေး အဖွဲ့(NCCT) တို့အ နေဖြင့် တစ်နုိုင်ငံလုံး ဆုိုင်ရာ အပစ် အခတ်ရပ်စဲရေးစာချုပ် (Nationwide Ceasefire Agreement) ကို အမြန်ဆုံး လက်မှတ်ရေးထုိုးကြရန် နိုင်ငံရေးပါတီ ၆၆ ခု က တောင်းဆိုတိုက်တွန်းလိုက်သည်။

မြန်မာ့ငြိမ်းချမ်းရေးစင်တာ MPC တွင် ယမန်နေ့ သြဂုတ် ၁၁ ရက်က ကျင်းပပြုလုပ်သော UPWC နှင့် နိုင်ငံရေး ပါတီ ၆၆ ခုမှ ကိုယ်စားလှယ်များ မြန်မာ့ငြိမ်းချမ်းရေးဖြစ်စဉ်နှင့် ပတ်သက် ပြီး တွေ့ဆုံဆွေးနွေးအပြီး တွင် နိုင်ငံရေး ပါတီများက သဘောထားကြေညာချက် တရပ်ထုတ်ပြန်ကာ ယခုကဲ့သို့ တိုက်တွန်းတောင်းဆို လိုက်ခြင်းဖြစ် သည်။

သဘောထားကြေညာချက် ထုတ်ပြန်ရခြင်းနှင့် ပတ်သက်၍ MPC တွင် ကျင်းပသော တွေ့ဆုံပွဲသို့ တက်ရောက် ခဲ့သည့် ချင်းအမျိူးသားဒီမိုကရက်တစ်ပါတီ(CNDP) ဥက္ကဌ ဦးဇိုးဇမ်က “ကျနော်တို့လို ချင်တာက ဖက်ဒရယ် ပြည်ထောင်စုပါ၊ ကျနော်တို့မျှော်မှန်းထားတဲ့ ဖက်ဒရယ်ပြည်ထောင်စု အမြန် ဆုံး ထူထောင်နိုင်ဖို့က ငြိမ်းချမ်းရေး ရမှ၊ ဒီငြိမ်းချမ်း ရေးကလည်း အမြန်ဆုံး Ceasefire (အပစ်ရပ် စဲ) လုပ်နိုင်မှဖြစ်မယ်’’ ဟုပြောသည်။

ယနေ့အချိန်ကာလသည် ပြည်ထောင်စုမြန်မာနုိုင်ငံတွင် မှီတင်းနေထုိုင်ကြသည့် တုိုင်းရင်းသားများ အားလုံး နှစ်ပေါင်း များစွာ ရင်ဆုိုင်ကြုံတွေ့လာခဲ့ရသော လက်နက်ကုိုင် ပဋိပက္ခချုပ်ငြိမ်းနုိုင်ရေး အတွက် ငြိမ်းချမ်းရေးကုို လုိုလားသူတုိုင်း စည်းလုံး ညီညွတ်စွာဖြင့် ပူးပေါင်းလုပ်ဆောင် ရမည့် အချိန်အခါ ဖြစ်သည်ဟုလည်း ကြေညာ ချက် တွင်ဖော်ပြ ထားသည်။

ထို့အပြင် နုိုင်ငံရေးဆွေးနွေးမှု မူဘောင်များ (Framework for Political Dialogue) နှင့် နုိုင်ငံရေး တွေ့ဆုံဆွေးနွေးမှု (Political Dialogue) စသည်တုို့ကုို အပစ်အခတ် ရပ်စဲရေးစာချုပ်ပါ သဘောတူညီချက် အတုိုင်း မပျက်မကွက် ပြုလုပ်ကြရန် သက်ဆိုင်သူအားလုံး ကို လေးနက်စွာ တုိုက်တွန်းသည်ဟု ကြေညာချက် တွင်ဆက်လက်ဖော်ပြ ထားသည်။

ယင်းကဲ့သို့ နိုင်ငံရေးတွေ့ဆုံဆွေးနွေးမှုများ အမြန်ဆုံးပေါ်ပေါက်နိုင်ရန်အတွက် ပြည်ထောင်စု ငြိမ်းချမ်းရေး ဖော်ဆောင် ရေးလုပ်ငန်းကော်မတီ Union Peace-Making Work Committee (UPWC)၊ တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ Nationwide Ceasefire Coordination Team (NCCT) နှင့် တုိုင်းရင်း သား လက်နက်ကုိုင် အဖွဲ့အစည်း များ နှင့် နုိုင်ငံရေး ပါတီများတွေ့ဆုံနုိုင်ရေးကုို အမြန်ဆုံး ဆောင်ရွက်ပေးရန် လိုအပ်ကြောင်း နိုင်ငံရေးပါတီများ က တောင်းဆုို ထားသည်။

UPWC နှင့် NCCT တို့သည် အပစ်အခတ်ရပ်စဲရေးစာချုပ် မူကြမ်းကိုဆွေးနွေးရန် လာမည့် သြဂုတ်လ ၁၅ – ၁၆ ရက်တွင် MPC ၌တွေ့ဆုံမည်ဖြစ်ပြီး အပစ်အခတ်ရပ်စဲရေးမူကြမ်း ၁၂၁ ချက်အနက် သဘောတူရန် ကျန်ရှိနေသော ၃၁ ချက်ကို အဓိကထား ဆွေးနွေးကြမည်ဖြစ်သည်။

တစ်နိုင်ငံလုံးအပစ်အခတ်ရပ်စဲရေး စာချုပ်ချုပ်ဆိုနိုင်ပါက စာချုပ်ချုပ်ဆိုအပြီး ရက်ပေါင်း (၆၀) အတွင်း နိုင်ငံရေးမူဘောင်များရေး ဆွဲရန်နှင့် ပါဝင် သင့် ပါဝင်ထိုက်သူများ ပါဝင်သော နိုင်ငံရေးတွေ့ ဆုံဆွေးနွေးပွဲကို ရက်ပေါင်း (၉၀) အတွင်း ကျင်းပသွားမည်ဖြစ်သည်။

Share.

About Author

Leave A Reply