ချင်းပြည်နယ် ပညာရေးကဏ္ဍမြှင့်တင်ရေး အလေးပေးဆောင်ရွက်ရန် ချင်းကျောင်းသားသမဂ္ဂ တောင်းဆို

0

မြန်မာနိုင်ငံတွင် တက္ကသိုလ်ဝင်တန်းအောင်ချက် အနိမ့်ဆုံးအဖြစ် ရပ်တည်လျက်သော ချင်းပြည်နယ်၏ ပညာရေးအခြေ အနေ တိုးတက်ကောင်းမွန်လာစေရေးအတွက် လိုအပ်သော အခြေခံအဆောက်အဦးများကို ပြည်နယ်အစိုးရ နှင့် ပြည် ထောင်စုအစိုးရတို့မှ အလေးပေးဆောင်ရွက်ပေးရန် ဗဟိုချင်း(လိုင်) ကျောင်းသားများ သမဂ္ဂ -မြန်မာက နိုဝင်ဘာလ ၃၀ ရက်နေ့တွင် တောင်းဆို လိုက်သည်။

ဗဟိုချင်း(လိုင်) ကျောင်းသားများသမဂ္ဂ-မြန်မာ၏ ပထမအကြိမ်ကျောင်းသားညီလာခံကို ချင်းပြည်နယ် ထန်တလန် မြို့တွင် နိုဝင်ဘာလ ၂၈ ရက်မှ ၃၀ ရက်နေ့ အထိ ကျောင်းသားကျောင်းသူပေါင်း ၁၅၀ ကျော်ဖြင့် ကျင်းပပြုလုပ်ခဲ့ကြပြီးနောက် နိမ့်ကျနေသော ချင်းပြည်နယ်၏ ပညာရေးအခြေအနေနှင့် ပတ်သက်၍ ကြေညာ ချက်တစ်စောင်ထုတ်ပြန်ကာ ယခုကဲ့သို့ တောင်း ဆိုလိုက်ကြခြင်းဖြစ်သည်။

“ ချင်းပြည်နယ်သည် မြန်မာတနိုင်ငံလုံးတွင် တက္ကသိုလ်ဝင်တန်းအောင်ချက်အနိမ့်ဆုံးအဖြစ် ရပ်တည်နေပြီး၊ အောင်ချက် မြှင့် တင်ရေးအတွက် လိုအပ်သည့် အခြေခံ အဆောက်အဦးပြည့်စုံရေး၊ ဆရာအရေအတွက် လုံလောက်စွာရရှိရန် နှင့် ဆရာ များ၏အရည်အသွေးပြည့်မှီရန် ပြည်နယ်အစိုးရ နှင့် ပြည်ထောင်စုအစိုးရမှ အလေးပေးဆောင်ရွက်ရန် လိုအပ်သည်’’ ဟု ချင်းကျောင်းသားများ၏ ကြေညာချက်တွင်ဖော်ပြထားသည်။

ပြီးခဲ့သည့် ၂၀၁၃ -၂၀၁၄ ပညာသင်နှစ်အတွင်း ချင်းပြည်နယ်တွင် ၁၀ တန်းစာမေးပွဲဖြေဆိုသူ ၈၇၂၁ ဦးရှိခဲ့ပြီး ယင်း အနက်  ၇၀၄ ဦးသာအောင်မြင်ကြသည်။ ယင်းအောင် ချက်ပမာဏသည် ယခင် ၂၀၁၂-၁၃ ပညာသင်နှစ် တက္ကသိုလ် ၀င်ခွင့် စာမေးပွဲ အောင် ချက်ရာခိုင်နှုန်းထက် အဆမတန် ကျဆင်းခဲ့သည်။

ထို့အပြင် တိုင်းရင်းသားစာပေများအား သက်ဆိုင်ရာဒေသအလိုက် ကျောင်းသင်ရိုးတွင် ထည့်သွင်းပြီး လွတ်လပ်စွာ တရား ၀င် သင်ကြားခွင့်ကို အစိုးရမှ အလျင် အမြန် ဖော်ဆောင်ပေးရေး၊ ဒီမိုကရေစီပညာရေး စနစ်အပြည့်အ၀ကျင့်သုံးရေး ၊ ကျောင်းသားသမဂ္ဂများ လွပ်လပ်စွာဖွဲ့စည်းခွင့်ရရှိရေး၊ လူမျိူးရေး နှင့်
ဘာသာရေး အရခွဲခြားဆက်ဆံခံရမှု ပပျောက်ရေး နှင့် ငြိမ်းချမ်းရေးဖော်ဆောင်ရာတွင် သည်းခံမှု၊ နားလည်မှု နှင့် ပွင့်လင်းမြင်သာမှုတို့ကို အခြေခံ ပြီး ပြည်သူ တရပ်လုံး၏တောင်း ဆိုမှုကို ထောက်ရှူကာ အချိန်မဆိုင်းဘဲ ဆက်လက်ဆောင်ရွက်ကြိုးပမ်းကြရန် ချင်းကျောင်းသားများမှ အလေးအနက် တိုက်တွန်းတောင်း ဆိုကြောင်း ၎င်းတို့ကြေညာချက်တွင်ဖော်ပြထားသည်

၃ ရက်တာကျင်းပပြုလုပ်သော အဆိုပါကျောင်းသားညီလာခံတွင် ပညာရေး၊ ချင်းစာပေ၊ လူ့အခွင့်အရေး၊ ကျောင်းသား အခွင့်အရေးနှင့် ယခုလက်ရှိ ပြည်တွင်း ငြိမ်းချမ်းရေးဖြစ်စဉ်များကို အဓိကဆွေးနွေးဖလှယ်ခဲ့ကြပြီး ညီလာခံနောက်ဆုံးနေ့ နိုဝင်ဘာလ ၃၀ ရက် မွန်းလွှဲ ၁နာရီခွဲတွင် ထန်တလန်မြို့လမ်းဆုံ၌ ငြိမ်းချမ်းရေး အတွက် ဆုတောင်းပွဲပြုလုပ်ခဲ့ကြသည်ဟု သိရသည်။

Share.

About Author

Leave A Reply

*

code