ချင်းယဉ်ကျေးမှုအဖွဲ့  အိန္ဒိယနိုင်ငံ Zofest ပွဲတော်သို့  တက်ရောက်

0

???????????????????????????????

 

အိန္ဒိယနိုင်ငံ အရှေ့မြောက်ဘက်ဒေသ အာသံပြည်နယ် Haflong မြို့၌ ယနေ့ စတင်ကျင်းပပြုလုပ်သော Zofest (ဇို (ချင်း) ယဉ်ကျေးမှုပွဲတော်)သို့ ချင်း ယဉ်ကျေးမှုအဖွဲ့ Fidi Art & Culture Forum (FACF) လည်း ပါဝင် တက်ရောက် ကြသည်ဟုသိရ သည်။

မီဇိုရမ်ပြည်နယ်ရှိ မီဇိုးကျောင်းသားများသမဂ္ဂ(MZP) မှ နှစ်စဉ်ကျင်းပလေ့ရှိသော Zofest ပွဲတော်ကို ဒီဇင်ဘာလ ၄ ရက် မှ ၅ ရက်နေ့အထိ ကျင်းပပြုလုပ်ကြမည်ဖြစ်ပြီး အိန္ဒိယ-ဘင်္ဂလားဒေရှ့်-မြန်မာနိုင်ငံတို့မှ ဇို(ချင်း)မျိူးနွယ်စုကိုယ်စားလှယ် အသီးသီးတက်ရောက်ကြသည်။

Zofest ပွဲတော်ကို ယခင်က မီဇိုရမ်၊ မဏိပူရ်၊ အာသံ နှင့် ဘင်္ဂလားဒေရှ့်နိုင်ငံများမှ (Zohnahthlak) ဇို(ချင်း)မျိူးနွယ်စု ကိုယ်စားလှယ်များဖြင့် ကျင်းပလေ့ရှိပြီး လမ်းပန်းဆက်သွယ်ရေးခက်ခဲမှုများကြောင့် ချင်းပြည်နယ်မှ ကိုယ်စားလှယ်များ ဖိတ်ကြားရန် အခက်ကြုံခဲ့ကြရသည်။

သို့သော်လည်း ယခုနှစ်မှစတင်၍ MZP အဖွဲ့မှ ချင်းပြည်နယ်ကိုယ်စားပြုအနေဖြင့် ပါဝင်တက်ရောက်ရန် တရားဝင်ဖိတ် ကြားလာပြီးနောက် Fidi Art & Culture Forum ယဉ်ကျေးမှုအဖွဲ့သည် Zofest ပွဲတော်သို့ ပထမဆုံးအကြိမ်ပါဝင်တက် ရောက်ခဲ့ကြခြင်းဖြစ်သည်။

ယင်းကိစ္စ နှင့်ပတ်သက်ပြီး FACF အဖွဲ့မှ Coordinator Salai Holy က “ ကျနော်တို့ ဇို(ချင်း) မျိုးနွယ် စုတွေဟာ ဗြိတိသျှလက်အောက် ကျရောက်တဲ့နောက်မှာ သုံးနိုင်ငံမှာ ကွဲသွားတယ် ၊အခု အနယ်နယ်အရပ်ရပ်မှာရှိတဲ့ ကျ နော်တို့ ညီအကိုတွေ ပြန်လည်ပေါင်းစည်းဖို့ ဒီလိုအစီအစဉ် ပြုလုပ်တာ အရမ်းကောင်းပါတယ်၊ အထူးသဖြင့် ကျနော်တို့ မျိူးနွယ်စုတွေရဲ့ ရိုးရာယဉ်ကျေးမှုအကတွေ ဖလှယ်ခွင့်ရတာကိုက အရမ်းကိုကျေနပ်စရာကောင်းပါတယ်” ဟု ပြောသည်။

ကိုယ်စားလှယ်(၁၉) ဦးပါဝင်သော FACF အဖွဲ့သည် Zofest ပွဲတော်သို့ ချင်းလူမျိူးများ၏ ရိုးရာယဉ်ကျေးမှု၊ အဆို၊ အက၊ အတီး စသည်တို့ကို တင်ဆက်ဖျော်ဖြေကြမည်ဟုသိရသည်။

ယခုနှစ် Zofest ယဉ်ကျေးမှုပွဲတော်၏ ဆောင်ပုဒ်မှာ “ စုစည်းမှု ပြန်လည်တည်ဆောက်ရေး’’ ဖြစ်ပြီး အိန္ဒိယ-ဘင်္ဂလားဒေရှ့်- မြန်မာ စသည့် သုံးနိုင်ငံတွင် သီးခြားအုပ်ချူပ်မှုအောက်သို့ရောက်ရှိနေကြသော ဇို(ချင်း) မျိူးနွယ်စုများ ပြန်လည်စည်းလုံးညီ ညွတ်ရေးအတွက် ဦးတည်ကျင်းပကြခြင်းဖြစ်သည်။

ယင်းပွဲတော်သို့ ဘင်္ဂလားဒေ့ရ်ှနိုင်ငံရှိ Moria, Khaileng, Khiang, Bawm ,Pang  မျိုးနွယ်စုများ၊ အိန္ဒိယနိုင်ငံ တြိပူရ ပြည်နယ်မှ Ranglong, Darlong, Halam, Chorai, Molsom, Sakechep ,Kaihpeng၊ အာသံပြည်နယ်မှ Hmar, Biate, Hrangkhawl, Kuki ,Vaiphei မျိူးနွယ်များ၊ မဏိပူရ်ပြည်နယ်မှ  Gangte, Chiru, Komrem, Aimol, Simte, Zou, Kuki, Paite, Hmar ,Maring၊ အရွန်နချယ်ပရာဒစ်ပြည်နယ်မှ Singpho  မျိူးနွယ်၊ မီဇီုရမ်ပြည်နယ်မှ Mizo, Paite, Lai, Mara, Páng, Ranglong, Bawm, Hmar မျိုးနွယ်စုများ နှင့် မြန်မာနိုင်ငံ ချင်းပြည်နယ်မှ ချင်းမျိူးနွယ်စုများအသီးသီး စုစုပေါင်း ကိုယ်စားလှယ် တစ်ထောင် ကျော်တက်ရောက်ကြသည်ဟုသိရသည်။

Share.

About Author

Leave A Reply

*

code