မတူပီမြို့နယ်မှ ပညာရေးဝန်ထမ်း တဦး၏ ပေးစာ

0

ကျတော်ဟာ ချင်းပြည်နယ် မတူပီမြို့နယ်အတွင်း နယ်စွန်နယ်ဖျားမှာ တာဝန်ကျ နေတဲ့ ကျောင်းဆရာ တဦးပါ၊ အခု ဒီစာ ကို ရေးရတာဟာ အထက်သက်ဆိုင်ရာအနေဖြင့် မတူပီမြို့နယ် ပညာရေးမှူးရုံးက တာဝန်ရှိ ဘဏ္ဍာ ထိန်း ၀န်ထမ်းတွေရဲ့ လုပ်ရပ်ကို အရေးယူဆောင်ရွက်စေလိုတဲ့ ဆန္ဒကြောင့်ပါ၊

အထက်မြန်မာပြည်ပညာရေး ဦးစီးဌာန ၊ မန္တလေး ကနေ ချင်းပြည်နယ်အတွင်း အစိုးရမူလတန်း၊ အလယ်တန်း၊ အ ထက်တန်းကျောင်းများအတွက် ကျောင်းထောက်ပံ့ကြေးနှင့် အသေးသုံးစရိတ်ကို ၂၀၁၄ – ၂၀၁၅ ခုနှစ် အတွက် ချပေး ခဲ့ပါတယ်၊ သို့သော် အဆိုပါ ကျောင်း ထောက်ပံ့ကြေးကို မတူပီမြို့၊ ပညာရေးမှူးရုံးသို့ သွား ထုတ်ရာမှာ ငွေကိုင်က အကြောင်းအမျိုးမျိုးပြပြီး ငွေမထုတ် ပေးချင်ပါ၊ ဆိုးတာက ကျောင်းတကျောင်းအတွက် အထက်က ထောက်ပံ့ကြေး ၊ အသေးသုံး ငွေ ပမာဏ ဘယ်လောက် ချပေးတယ် ဆိုတာလည်း သိခွင့်မရှိပါ၊

ဗဟိုမှ ပညာရေးဖွံ့ဖြိုးမှုကို ရှေ့ရှုပြီး ကျောင်းထောက်ပံ့ကြေး၊ အသေးသုံးကို ထုတ်ပေးခဲ့သည်မှန်သော်လည်း ကြား ထဲက အဆင့်လိုက် ငွေစီးဆင်းမှုဖြတ်သန်းတဲ့နေရာမှာ ကလိမ်ကကျစ်ကျတဲ့ လုပ်ရပ်တွေရှိနေသေး တာက ၀မ်းနည်း စရာဖြစ်နေပါတယ်၊ ကျတော်တို့လို နယ်စွန်နယ်ဖျားက ကျောင်းဆရာတွေ၊ စာရေး စာချီတွေ အတွက် မြို့ ပေါ်ကို သွားရတဲ့ စရိတ်စခ က နည်းတာမဟုတ်ဘူး၊ ဒါကို ညှာတာထောက်ထားမှုမရှိပဲလျက် သက်ဆိုင်ရာ တာဝန်ရှိတွေက ပညာပြနေတာတွေဟာ ယခင်အစိုးရကို ပြန်လည်အသက်သွင်းပြီး ခေတ်ကို နောက်ပြန်ဆွဲနေတဲ့ လုပ်ရပ်လို့ မြင်ပါ တယ်၊

ပွင့်လင်းမြင်သာမှု ရှိလာတဲ့ ဒီမိုကရေစီ အစိုးရသို့ အသွင်ကူးပြောင်းဆဲကာလမှာ ယခုလိုမျိုး ၀န်ထမ်းတွေကို ဆုံးမ ပေးသင့်ကြောင်း ဖော်ပြလိုပေသည်။

Share.

About Author

Leave A Reply

*

code