စစ်ဘေးရှောင် ချင်းပြည်သူများ လူသားချင်း စာနာထောက်ထားမှု အကူအညီများ အရေးတကြီး လိုအပ်နေ

“ လူသားချင်းစာမှု အထောက်အပံ့တွေက UN အဖွဲ့အစည်းတွေလိုကနေ လုံးဝရောက်မလာတဲ့ အနေအထားမှာရှိတယ်၊ ခူမီးလူငယ်အဖွဲ့ကနေ လှူထားတဲ့ ဆန်တွေလောက်ပဲ သူတို့ဆီမှာရှိတယ်၊ သစ်တောဝန်ကြီးကနေ သိန်း ၄၀ တော့လှူ  သွားတယ် ဒါကလဲ သူတို့အတွက် ဆန်လောက်ပဲ ရှိနေနိုင်တဲ့ အနေအထားပေါ့၊ ယူနီဆက် ကလည်း ခြင်ထောင်၊ ရေပုံးတွေ လောက်ပဲပေးတယ်၊ ခုချိန်မှာ သူတို့လက်ထဲမှာ ဆန်ပဲရှိနေတာဖြစ်တယ် လိုအပ်တဲ့ ဆီ၊ဆားတွေ ဆိုတာလည်းသေချာရှိနေ တာမဟုတ်ဘူး၊ ဒီလကုန်ထိ ဆိုတာလည်း ကျမတို့ ခန့်မှန်းပြီးပြောနေ တာပေါ့နော် လမကုန်ခင် ဒီတစ်ပတ် အတွင်းလည်း ကုန်သွားနိုင်တယ်’’ ဟု CHRO မှ စီမံချက်တာဝန်ခံ မိုင်သင်းယုမွန် ကပြောသည်။

ရခိုင့်တပ်မတော်(AA) နှင့် မြန်မာ့တပ်မတော်တို့သည် ပြီးခဲ့သည့် မတ်လနောက်ဆုံးပတ် နှင့် ဧပြီလ ပထမပတ်တို့က ပြင်စို ကျေးရွာနှင့်အနီး တ၀ိုက်တွင် တိုက်ပွဲဖြစ်ပွားခဲ့ကြပြီး မြန်မာ့တပ်မတော်မှ ဗိုလ်ကြီးကျော်ထက်အောင်ကျ ဆုံးခဲ့သည်။ အဆိုပါ တိုက်ပွဲ များကြောင့်  ပြင်စိုကျေးရွာ သားများ သည် ဘေးကင်းလုံခြုံရာသို့ ထွက်ပြေးတိမ်းရှောင်ခဲ့ကြရာ ယခုအခါ ကုလားတန် မြစ် ကမ်းကြွေသောင်ကျေးရွာအုပ်စု၊ လောင်းတင်ကျေးရွာ၏ အောက် ပိုင်းတွင်ယာယီခိုလုံကြရသည်။   စစ်ဘေးရှောင်ချင်းပြည် သူများသည် အစာရေစာအတွက် သာမက နေရေး ထိုင်ရေး နှင့် သောက်သုံးရေ အဆင် မပြေမှုများ ကြောင့် ၀မ်းလျှော၊ ၀မ်းပျက် ၊ ငှက်ဖျားရောဂါများပါ ရင် ဆိုင် ခံစားနေကြရ သည်ဟု မိုင်သင်းယုမွန်က ဆက်ပြောသည်။

 

“ပိုပြီးတော့ ဆိုးဝါးတာက မူလနေရာမှာ မဟုတ်တဲ့အတွက် သောက်ရေသုံးရေ ဆိုတာကလည်း တော်တော်လေးကို အဆင်မပြေတဲ့အနေ အထားမှာရှိနေတယ်၊ အဲဒီခါကျတော့ သူတို့မှာ ၀မ်းလျှောဝမ်းပျက်တွေ တအားခံစားနေရတယ်၊ ငှက်ဖျားတွေ လည်းဖြစ်နေကြတယ်၊ ကျန်မာရေး ကုသမှု နဲ့ ဆေးဝါးလည်း သူတို့မှာ အရမ်း လိုအပ်နေတယ်’’ ဟု မိုင်သင်းယုက ပြောသည်။

 

ကလေးငယ် ၁၄၁ ဦးပါဝင်သော စစ်ဘေးရှောင် ချင်းပြည်သူ ၃၅၀ ကျော်တို့၏ လက်ရှိအခြေအနေသည် အစာရေစာ၊ ကျန်းမာရေးစောင့်ရှောက်မှု၊ ဆေးဝါးများ၊ ယင်လုံအိမ်သာများနှင့် ဆောက် လုပ်ရေးပစ္စည်များ အရေးတကြီးလိုအပ်နေ သည့် အတွက်ကြောင့် သက်ဆိုင်ရာ အာဏာပိုင်များ အနေဖြင့် ကုလသမဂ္ဂ နှင့် နိုင်ငံ တကာ အကူအညီပေးရေး အဖွဲ့များနှင့် ပူးပေါင်းဆောင်ရွက် ကာ အမြန်ဆုံးကူ ညီထောက် ပံ့ပေးကြရန် လိုအပ်သည်ဟု CHRO ကပြောသည်။

 

မြန်မာ့တပ်မတော် နှင့် ရခိုင့်တပ်မတော် တို့ တိုက်ပွဲကြောင့် ပြင်စိုကျေးရွာမှ မူလတန်းကျောင်း၊ ဆရာများအဆောင် နှင့် အခြားအိမ်နှစ်လုံးတို့မှာ ပျက်စီးသွားခဲ့ ပြီး အိမ်ခေါင်မိုးများမှာ ဆိုးရွားစွာပျက်စီးသွားခဲ့သည့်သာမက အိမ်တွင်းပစ္စည်းများ မှာလည်းကျည်ပေါက်ရာများ ဖြင့် ပျက်စီးနေသည်ဟု CHRO ပြောသည်။ ထို့အပြင် မြန်မာ့တပ်မတော် နှင့် ရခိုင့်တပ်မတော်တို့သည် ပြင်စိုရွာ အနီးတစ်ဝိုက်တွင် မြေမြှုပ်မိုင်းများထောင်သွားခဲ့သည် ဟုရွာသားများအဆိုအရသိရှိရသည်။

 

အဆိုပါတိုက်ပွဲများ မဖြစ်ပွားမီက ပလက်ဝမြို့နယ်တ၀ိုက်တွင် မြန်မာ့တပ်မတော်မှကျူးလွန်ခဲ့သည့်ကလေးစစ်သား သွတ်သွင်းခြင်းအမှု နှစ်ခု နှင့် တပ်တွင်းသို့ အတင်းအဓမ္မ သွတ်သွင်းခြင်းတို့ဖြစ်ပွားခဲ့ပြီး စစ်ကြောင်းလှုပ်ရှားမှုများလည်း ယင်းဒေသတ၀ိုက်တွင် တိုးလာနေကြောင်း CHRO က ပြောသည်။

CHRO မှ စည်းရုံး လှုံ့ဆော်မှုဆိုင်ရာညွှန်ကြားရေးမှူး Rachel Fleming မှ “ခုဖြစ်ရပ်က မြန်မာနိုင်ငံ အတွင်း ဖြစ်ပွားနေတဲ့ လက်နက်ကိုင် ပဋိပက္ခတွေကြောင့် သာမန်ပြည်သူတွေ ဒဏ် ဘယ်လောက် ခံနေရတယ် ဆိုတာရယ်၊ လူ့အခွင့်အရေး ချိုးဖောက်မှုတွေ ကို   ဘယ်လောက်တောင် ခံနေရ တယ် ဆိုတာရယ်ကိုထောက်ပြနေ တာပါပဲ၊ ဒီတစ်ခေါက်ကတော့ ခူမီးဒေသ ခံတွေပေါ့လေ၊ ရေရှည် ရှိနေခဲ့တဲ့ လူ့အခွင့်အရေးချိုးဖောက် မှုတွေက မရပ်သေးပါဘူး၊ တကယ်တော့ ပလက်ဝ ဒေသတ၀ိုက်မှာ ပိုပြီးများ လာတာ ကိုတွေ့နေရတယ်” ဟုပြောကြား ခဲ့ သည်။

 

ယခုလက်ရှိ အခြေအနေတွင် လည်း စစ်ဘေးရှောင်ချင်းပြည် သူများ သည် မြေမြှပ်မိုင်းများထောင် ထားသော မိမိတို့နေရပ် သို့ ပြန် သွားကြရန် မြန်မာ့တပ်မတော်၊ ချင်းပြည်နယ် သစ်တောဝန်ကြီး နှင့် ပလက်ဝမြို့နယ် အုပ်ချူပ်ရေး မှူးတို့၏ ဖိအားပေးမှု ခံနေကြရ သည်ဟု CHRO ကပြော သည်။

“ဒေသခံတွေမှာ လွတ်လပ်သော ကြိုတင် အသိပေး တိုင်ပင်မှု နှင့် လူထုသဘောထားရ ယူခြင်းအခွင့်အရေး ကိုခံစားခွင့်ရှိ တာကြောင့် အာဏာပိုင်တွေဟာ အတင်းပြန်ခိုင်းတာမျိုးထက်စာရင် ရေရှည်မှာ ဘယ်လိုဖြေရှင်းမလဲ ဆိုတာနဲ့ ပတ်သက်ပြီး ဒေသခံတွေနဲ့ တိုင်ပင် သင့်ပါတယ်။လုံခြုံစွာနဲ့ ဂုဏ်သိက္ခာရှိစွာ ဆန္ဒအရနေ ရပ်ပြန်ဖို့ဆိုတာက တာဝန်မဟုတ်ဘဲ အခွင့်အရေးတစ်ခုပါ။ ပြီးတော့ ခုကိစ္စမှာက အာဏာပိုင်တွေ ကမြေမြှုပ်မိုင်းတွေ ကိုရှင်းလင်းပစ်ဖို့ နဲ့ လုံခြုံမှုအာမခံချက် တွေပေးနိုင်ဖို့ အရေးကြီး ပါတယ်၊ နေရပ်ကို ပြန်ဖို့ယခုလို အာဏာပိုင်တွေ ကဖိအားပေးတယ် ဆိုတာ စစ်ဘေးရှောင်ပြည်သူ တွေရဲ့အခွင့်အရေးကိုချိုးဖောက် တာပဲ” ဟု Fleming ကပြောသည်။

ထို့အပြင် ပြီးခဲ့သည့် မတ်လ ၂၈ ရက်နေ့က ပြောက်ဆုံးသွားခဲ့သော ပြင်စိုရွာမှ အသက် ၃၀ အရွယ်ရှိ ခူမီးအမျိုးသား ဦးလိန်းမင်း၏ သတင်းအစအနကိုပင် ယနေ့ချိန်မကြားသိရသေးကြောင်း၊ ဦးလိန်းမင်းပြောက်ဆုံး သည့်နေ့သည် အခြားခူမီးအမျိုးသားများ ကို ရခိုင့်တပ်မတော် မှ ဖမ်း ဆီးခေါ်ဆောင် သွား သည့်နေ့ နှင့်တစ်ရက်တည်းဖြစ်နေရာ လိန်းမန်းမှာလည်း ရခိုင်တပ်မတော်မှ လမ်းပြအဖြစ်သော် လည်းကောင်း ပေါ်တာအဖြစ်သော်လည်းကောင်း ဖမ်းဆီးခေါ်ဆောင် သွားခြင်းဖြစ်နိုင်သကဲ့သို့ ရခိုင့်တပ်မတော် မှ သတ်ဖြတ်သွားပြီးလည်းဖြစ်နိုင်သည်ဟု
CHRO မှ သုံးသပ်ထားသည်။

“ လိန်းမင်းဘာဖြစ်သွားသလဲဆိုတာကိုမှတ်ချက်ချနိုင်ဖို့ လွတ်လပ်ပြီးဘက်လိုက်မှုမရှိတဲ့ စုံစမ်းစစ်ဆေးမှု လုပ်ဖို့လိုအပ်ပါတယ်၊ ပြီးတော့ အချိန်နဲ့ အမျှ သူ့ ရဲ့ မိသားစုကလည်းရလဒ်တွေကိုသိနေဖို့ လိုအပ်ပါတယ်၊ တာဝန်ရှိသူတွေ က တာဝန်ကျေဖို့ လိုအပ်ပါတယ်” ဟုလည်း Rachel  Fleming မှ ထပ်လောင်းပြောကြားသည်။