၂၀၁၅ ရွေးကောက်ပွဲ တွင် ချင်းအမျိုးသမီး လွှတ်တော်ကိုယ်စား လှယ်လောင်း ပါဝင်မှု မြင့်မားလာ

0

Chin state govt

 

၂၀၁၅ နိုဝင်ဘာလ တွင် ကျင်းပမည့် ပါတီစုံ အထွေထွေရွေးကောက် ပွဲ တွင် ချင်းအမျိုးသမီး လွှတ် တော်ကိုယ်စား လှယ်လောင်းပါဝင်မှု နှုန်း အဆမတန် တိုးတက် လာကြောင်း ၂၀၁၀ ရွေးကောက်ပွဲ တွင် နှစ်ဦးသာ ပါဝင် ယှဉ်ပြိုင် ခဲ့ သော် လည်း ၂၀၁၅ ရွေးကောက်ပွဲတွင် ၂၃ ဦး ပါဝင် ယှဉ်ပြိုင်သွားကြ မည်ဟု သိရသည်။ ချင်း အမျိုးသမီး လွှတ်တော်ကိုယ်စားလှယ်လောင်း များသည် ချင်းပြည်နယ် မဲဆန္ဒနယ် အသီးသီး မှ (၂၂) ဦး ၊ ရခိုင်ပြည် နယ် ချင်းရေး ရာ ၀န်ကြီးနေရာမှ (၁) ဦး စုစုပေါင်း (၂၃) ဦး ပါဝင်ယှဉ်ပြိုင် သွားကြမည်ဖြစ်ရာ USDP ပါတီ မှ (၃) ဦး၊ NLD ပါတီမှ (၃) ဦး၊ NUP ပါတီမှ (၁) ဦး၊ CLD ပါတီမှ (၃) ဦး၊ ၊ CNDP ပါတီမှ (၅) ဦး၊ CPP ပါတီမှ (၄)ဦး၊ ZCD ပါတီမှ (၃)ဦး၊ ဇိုတိုင်းရင်းသား ဖွံ့ဖြိုးတိုးတက်ရေး ပါတီမှ (၁) ဦး စီ အသီးသီးဖြင့် ပါဝင်ယှဉ်ပြိုင် သွားကြ မှာဖြစ်သည်။

 

ချင်းအမျိုးသမီးလွှတ်တော်ကိုယ်စားလှယ်လောင်းများ ပါဝင်မှု များပြားလာသည်နှင့်ပါတ် သက်ပြီး ယခု ၂၀၁၅ ရွေး ကောက်ပွဲမှာ ပါဝင်ယှဉ်ပြိုင်မည့် အမျိုးသမီးလွှတ်တော် ကိုယ်စားလှယ်လောင်းများသည် ခေတ်ကာလ၊ ဒေသ အခြေအ နေအရ နိုင်ငံရေးလေ့ လာမှုတွင် လက်ရှိ အမျိုးသားလွှတ်တော်ကိုယ်စားလှယ်လောင်းများနှင့် ရင်ဘောင် တန်း နိုင်မည့် ပုဂ္ဂိုလ်များဖြစ်သည်ဟု ချင်းလူမှုအသိုင်းအ၀ိုင်းများ တွင် ပြောဆိုမှုများ ရှိနေသည်။

 

ယင်းကိစ္စနှင့် ပါတ်သက်ပြီး ” ၂၀၁၀ မှာ အရွေးခံသည့် Pi Zatlem ဆိုယင် ပြည်သူ့လွှတ်တော်အတွင်း ကိုယ့်ပြည် နယ်အတွက် အရေးဆိုတင်ပြတာတွေ၊ တင်ပြချက် အောင်မြင်မှုတွေကို ကြည့်ယင် ချင်း အမျိုးသား လွှတ်တော် ကိုယ်စားလှယ် တွေထက် အများကြီး သာတယ်၊ အမျိုးသမီးတွေရဲ့ စွမ်းဆောင်ရည်ကို အထင်သေး လို့မရဘူး” ဟု ထန်တလန်မြို့ပေါ် မြို့မိမြို့ဖ တဦးက ပြောသည်။

 

၂၀၁၀ ရွေးကောက်ပွဲကာလတွင် ချင်းပြည်နယ်မဲဆန္ဒနယ်မြေမှ CNP , USDP ပါတီများမှ ချင်းအမျိုးသမီးလွှတ်တော် ကိုယ်စားလှယ်လောင်း (၁) ဦးစီ ပါဝင်ယှဉ်ပြိုင်ခဲ့ကြသည့် အနက် CNP မှ ချင်းအမျိုးသမီး လွှတ်တော်ကိုယ်စားလှယ် (၁)ဦး အနိုင်ရခဲ့သည်။

 

လာမည့် ၂၀၁၅ အထွေထွေရွေးကောက်ပွဲတွင် ချင်းပြည်နယ်နှင့် ရခိုင်ပြည်နယ်အတွင်း ချင်းလူမျိုးများနေထိုင်ရာ မဲဆန္ဒနယ်မြေများတွင် (၁၃) ပါတီမှ ချင်း နှင့် ရခိုင် လူမျိုး လွှတ်တော်ကိုယ်စားလှယ်ပေါင်း ၂၀၂ ဦး နှင့်  တသီး ပုဂ္ဂလ (၈) ဦး ပါဝင် ယှဉ်ပြိုင် သွားကြမည်ဟု သိရသည်။

 

ချင်းပြည်နယ်အတွင်း မဲဆန္ဒနယ် (၃၉) နေရာစလုံးတွင် USDP, NLD နှင့် CNDP ပါတီသုံးခုသာ ၀င်ရောက် ယှဉ်ပြိုင်ကြမှာဖြစ်ပြီး အခြားပါတီများသည် မဲဆန္ဒနယ်တချို့တွင် ယှဉ်ပြိုင်ကြမှာဖြစ်ကြောင်း အဆိုပါ မဲဆန္ဒနယ် (၃၉)တွင်  မဲဆန္ဒရှင် ပြည်သူ ၂၇၃၆၇၃ ဦးရှိ ကြောင်း သိရသည်။

 

၂၀၁၅ ခုနှစ် နိုဝင်ဘာလ (၈) ရက်နေ့တွင် ကျင်းပမည့် ပါတီစုံ အထွေထွေရွေးကောက် ပွဲတွင် မြန်မာတပြည်လုံး ပြည် သူ့လွှတ်တော် ကိုယ်စားလှယ်လောင်း ၁၇၄၅၊ အမျိုးသား လွှတ်တော် ကိုယ်စားလှယ်လောင်း ၈၈၆၊  ပြည်နယ် နှင့် တိုင်းဒေသကြီးလွှတ်တော် ကိုယ်စား လှယ်လောင်း ၃၄၄၃ ဦးစီ စုစုပေါင်း ၆၀၇၄ ဦး ပါဝင်အရွေးခံကြမှာဖြစ် သည်ဟု ပြည်ထောင်စု ရွေးကောက်ပွဲကော်မရှင်က အတည်ပြုကြေညာခဲ့သည်။

Share.

About Author

Leave A Reply

*

code