၂၀၁၅ ရွေးကောက်ပွဲသည် အာဏာရှင်စနစ် မပေါ်ပေါက်ရေးအတွက် တိုက်ပွဲဟု NLD ကိုယ်စားလှယ်လောင်း ဦးကိုကိုနိုင်ပြော

0
????????????????????????????????????

????????????????????????????????????

နိုဝင်ဘာ (၈) ရက်နေ့တွင် ကျင်းပပြုလုပ်မည့် ပါတီစုံအထွေထွေရွေးကောက်ပွဲသည် မြန်မာနိုင်ငံတွင် အာဏာရှင်စနစ် နောက်ထပ်မပေါ်ပေါက်ရေး အတွက် တိုင်းရင်းသားပြည်သူတစ်ရပ်လုံး၏ တိုက်ပွဲတစ်ခုဖြစ်သည်ဟု စစ်ကိုင်းတိုင်းဒေသကြီး ကလေးခရိုင် အမျိူးသားဒီမိုကရေစီအဖွဲ့ချူပ်(NLD) လွှတ်တော်ကိုယ်စားလှယ်လောင်း ဦးကိုကိုနိုင်ကပြောဆိုလိုက်သည်။

ကလေးမြို့ တောင်ဖီလာရပ်ကွက် အားကစားကွင်တွင် အောက်တိုဘာလ ၂၆ ရက်နေ့က ပြုလုပ်သော ကလေးခရိုင် အမျိုးသားဒီမိုကရေစီ အဖွဲ့ချုပ် မဲဆွယ်စည်းရုံးရေးဟောပြောပွဲတွင် NLD ကိုယ်စားပြုအနေဖြင့် ကလေးခရိုင် မဲဆန္ဒနယ်မြေ(၈)မှ ၀င်ရောက်ယှဉ်ပြိုင်မည့် အမျိုးသားလွှတ်တော် ကိုယ်စားလှယ်လောင်း ဦးကိုကိုနိုင်က ယခုကဲ့သို့ပြောဆိုခဲ့ခြင်းဖြစ်သည်။

“၂၀၁၅ နိုဝင်ဘာ ၈ ရက်နေ့မှာ ကျင်းပမည့် ရွေးကောက်ပွဲကြီးဟာ ကျွန်တော်တို့ရဲ့ခေါင်းဆောင် ဒေါ်အောင်ဆန်းစုကြည် နဲ့ သမ္မတ ဦးသိန်းစိန် တို့ အာဏာလုတဲ့ပွဲမဟုတ်ပါဘူး။ ကာချုပ် မင်းအောင်လှိုင်နဲ့ ကျွန်တော်တို့ရဲ့ ခေါင်းဆောင် ဒေါ်အောင်ဆန်းစုကြည်တို့ နိုင်ငံရေးအံတုတဲ့ပွဲလည်း မဟုတ်ပါဘူး။ ပြီးတော့ ပြည်ခိုင်ဖြိုးပါတီ နှင့် အမျိုးသားဒီမိုကရေစီအဖွဲ့ချုပ် သူနိုင်ကိုယ်နိုင် မဲနိုင်ရရှိရေး ပြိုင်တဲ့ရွေးကောက်ပွဲလည်း မဟုတ်ပါဘူး။ အထူးသဖြင့် ဒီဒေသ ကိုယ်စားပြုယှဉ်ပြိုင်မယ့် ပါတီငယ်လေးတွေနဲ့ ကျွန်တော်တို့အမျိုးသားဒီမိုကရေစီအဖွဲ့ချုပ် အားပြိုင်တဲ့ပွဲလည်း မဟုတ်ပါ ဘူး။ ဒီ ၂၀၁၅ ရွေးကောက်ပွဲကြီးက ကျွန်တော်တို့နိုင်ငံမှာ နောင်ဘယ်တော့မှ အာဏာရှင်စနစ် မပေါ်ပေါက်ရေးအတွက် ပြည်သူလူထုနဲ့ တိုင်းရင်းသားလူမျိုးနွယ်စုတွေ အားလုံးရဲ့ တိုက်ပွဲပဲဖြစ်ပါတယ်” ဟု သူကပြောသည်။

ကလေးမြို့မဲဆန္ဒနယ်မြေမှ ဝင်ရောက်ယှဉ်ပြိုင်မည့် NLD မှပြည်သူ့လွှတ်တော်ကိုယ်စားလှယ်လောင်း ဒေါ်အေးအေးမှု(ခ) ရှားမီး ကလည်း “ကျမတို့ အမှန်တကယ်ပြောလဲတဲ့ဟာမျိုးကို လိုချင်တာ။ အမှန်တကယ်ပြောင်းလဲဖို့ ဆိုလို့ရှိရင် တောင်သူလယ်သမားကို ကာကွယ်ပေးတဲ့ ဥပဒေတွေရေးရ မယ်၊ ပညာရေးဥပဒေဆိုရင်လည်း ပညာရှင်တွေ ရေးဆွဲရမယ်၊ ဖွဲ့စည်းပုံအခြေခံ ဥပဒေမှာ သတ်သတ်မှတ်မှတ်ရေးဆွဲရမည်။ လွှတ်တော်မှာ ကောင်းတဲ့ဥပဒေကို ရေးဆွဲဖို့၊ မကောင်းတဲ့ဥပဒေကို ပယ်ဖျက်ဖို့ သင်တို့ရဲ့ မဲတစ်ပြားဟာ အရေးကြီး လိုအပ်နေပါတယ်။ တကယ်လို့ ၅ နှစ်တာ သက်တန်းမှာ ပြည်သူတွေကို ထိခိုက်အောင်လုပ်တယ်။ ဘာမှမလုပ်ပေးဘူးဆိုလို့ရှိရင် နောက်ရွေးကောက်ပွဲကြရင် ပြည်သူတွေမဲနဲ့ ဘဲဆုံးဖြတ်နိုင် ပါတယ်။ ဒါကြောင့် လာမယ့် နိုဝင်ဘာ ၈ ရက်နေ့မှာ ကျမတို့ နှလုံးသား၊ ကျနော်တို့ ဦးနှောက်ကလာတဲ့ မဲနဲ့ ကျနော်တို့ နိုင်ငံရေးအပြောင်းအလဲ တခုကို ပြတ်ပြတ်သားသား ဖော်ဆောင်ကြပါစို့” ဟု ဟောပြောခဲ့သည်။

အဆိုပါ မဲဆွယ်စည်းရုံးရေးဟောပြောပွဲကို ကလေးခရိုင်အတွင်း ဝင်ရောက်ယှဉ်ပြိုင်ကြမည့် အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်း များ ဖြစ်ကြသော ဦးကိုကိုနိုင်၊ ဒေါ်အေးအေးမှု(ခ)ရှားမီး၊ ဦးကမ်ဇာမုံ နှင့် ချင်းတိုင်းရင်းသားရေးရာကိုယ်စားလှယ်လောင်း ဦးလာလ်ထောင်ထန်း တို့မှ အသီးသီး မဲဆွယ်စည်းရုံးဟောပြောခဲ့ကြပြီး ဒေသခံ ၁၀၀ ကျော်တက်ရောက်ခဲ့ကြသည်။ ဟောပြောပွဲအပြီးတွင် မဲထည့်ပုံထည့်နည်း ပညာပေး Voter Education ကိုပါ ပုံနဲ့တကွ ရှင်းလင်းပို့ချခဲ့ကြသည်။

စစ်ကိုင်းတိုင်းဒေသကြီးအတွင်း တတိယအကြီးဆုံးမြို့ဖြစ်သော ကလေးခရိုင်တွင် လူဦးရေ ၄ သိန်းကျော်ရှိသည်ဟု သိရသည်။

Share.

About Author

Leave A Reply

*

code