ချင်းပြည်တွင် ဘာသာရေးခွဲခြားဆက်ဆံမှုရှိနေဟု CNP ပြော

0

May 3, 2012 by khonumthungburmese

၂၄ ဧပြီလ ၂၀၁၂၊ ချင်းပြည်နယ်တွင် ဗုဒ္ဓ၊ ခရစ်ယာန် နှင့် နတ် ကိုးကွယ်တဲ့ ဘာသာ ၃မျိူးရှိသည့်အနက် ဗုဒ္ဓဘာသာ မဟုတ်သော အခြား ဘာသာများအား နိုင်ငံတော်အစိုးရကခွဲခြားဆက်ဆံမှုများရှိနေသည်ဟု ချင်းအမျိူး သားပါတီ CNP က ပြောဆိုလိုက်သည်။

ချင်းပြည်နယ် ဟားခါးမြို့ပေါ်တွင် စေတီပုထိုးများတည်ဆောက်ရန် အစိုးရကပြင်ဆင်နေချိန်တွင် ချင်းပြည်နယ်အတွင်းရှိ ခရစ်ယာန်လက်ဝါးကားတိုင်းများကိုမူ ဖြိုဖျက်ခံနေရသည့်အပြင် သက်ဆိုင်ရာ အစိုးရလည်း အရေးယူဆောင်ရွက်ပေးခြင်း မျိူးမရှိကြောင်းချင်းအမျိုးသားပါတီ CNP အတွင်းရေးမှူး ဆလိုင်းကျဲအိုဘိခ်ထောင်းကပြောသည်။

ယခုကိစ္စနှင့်ပတ်သက်ပြီး ဒေသခံချင်းပြည်သူများသည်အလွန်စိတ်ထိခိုက်နေကြကြောင်း၊ ယခုကဲ့သို့ ခွဲခြားဆက်ဆံခံရ သည့်ကိစ္စကိုလူထုအနေနဲ့ မည်သို့ ကိုင်တွယ်ဆောင်ရွက်ကြမည့် အရေးနှင့် ပတ်သက်၍ CNP ထံတောင်းဆိုမှုများရှိ လာ သည့်အတွက်ကြောင့် ဆလိုင်းကျဲအိုဘိခ်ထောင်း ကိုယ်တိုင် ဟားခါးမြို့သို့ရောက်ရှိနေပြီးပြည်သူများနှင့် တွေ့ဆုံဆွေးနွေး မှု များပြုလုပ်လျက်ရှိသည်။

“ ဒီခွဲခြားဆက်ဆံခံရတဲ့အပေါ်မှာ လူထုကတော့ အတော်လေးဝမ်းနည်းကြတယ်၊ ဒီကိစ္စအပေါ် လူထုက ဆန္ဒဖော်ထုတ်ချင် ကြတယ်၊ ဘယ်ပုံဘယ်နည်းနဲ့ဆန္ဒဖော်ထုတ်ကြမလဲဆိုတာကို အခုကျနော်တို့နဲ့ လူထုတွေနဲ့တိုင်ပင်ညှိနှိုင်းနေပါတယ်’’ ဟု CNP အတွင်းရေးမှူးကပြောသည်။

ဆလိုင်းကျဲအိုဘိခ်ထောင်းသည် ဟားခါးမြို့အပြင် ဖလမ်း နှင့်တီးတိန်မြို့နယ်တွေမှာလည်း သွားရောက် ကာ ပြည်သူလူထု နဲ့တွေ့ဆုံညှိနိုင်းမှုများဆက်လက်ပြုလုပ်သွားမည်ဟုသိရသည်။

ချင်းပြည်နယ် တီးတိန်မြို့နယ် မွောလ်ဘဲမ်ကျေးရွာရှိ ဧဝံဂေလိ အသင်းတော်ငွေရတု အထိမ်းအမှတ် နာရီစင်လက်ဝါးကပ် တိုင်ကို ပြည်ခိုင်ဖြိုးပါတီဝင်ကျေးရွာအုပ်ချုပ်ရေးမှူး Hau Khan Nang ၏ ဦးဆောင်မှုဖြင့် ဘူလ်ဒိုဇာမြေထိုးစက်ကြီးနှင့် ဖြိုဖျက်ခဲ့မှုတခု ပြီးခဲ့သော ဧပြီလ ၁၁ရက်နေ့ကဖြစ်ပွား ခဲ့သည်ဟု အင်တာနက်စာမျက်များပေါ်မှာတွင် ဓာတ်ပုံနှင့်တကွ သတင်းမျာပေါ်ထွက်လာခဲ့သည်။

အဆိုပါ နာရီစင် လက်ဝါးကားတိုင် ဖျက်ဆီးမှုမှာ ရည်ရွယ်ချက်ရှိရှိဖြင့်ဖြိုဖျက်ခြင်းဟုတ်မဟုတ်ကိုမူ ခိုနူမ်းထုန်သတင်းဌါန မှ သီးသန့်အတည်ပြုခြင်းမရှိနိုင်သေးပေ။

ထို့အပြင် ယင်းကိစ္စမတိုင်ခင် ဖေဖော်ဝါရီလအတွင်းကလည်း ဟားခါးမြို့ရုန်းတောင်ပေါ်တွင် စိုက်ထူ ထားသော လက်ဝါးကားတိုင်ကို အမည်မသိသူများကဖျက်ဆီးခဲ့ကြသည်။

 

Share.

About Author

Comments are closed.