တီးတိန်မြို့ပြည်သူ့လွှတ်တော်နေရာ ပူးကျင်းရှင်းထန် သေချာ

0

Pu Cin.jpg-for-web-LARGE

ချင်းပြည်နယ် တီးတိန်မြို့ပြည်သူ့လွှတ်တော်ကိုယ်စားလှယ်လောင်းအဖြစ်ဝင်ရောက်ယှဉ်ပြိုင်သော ဇိုမီးဒီမိုကရေစီအဖွဲ့ချူပ် (ZCD)ဥက္ကဌ ပူးကျင်းရှင်းထန်သည် ပြိုင်ဘက်ကိုယ်စားလှယ်လောင်းများထက် မဲအသာစီးရရှိနေပြီး သေချာသလောက်ရှိ နေပြီဟု သိရသည်။

ချင်းပြည်နယ်ရွေးကောက်ပွဲမဲရလဒ်အခြေအနေနှင့်ပတ်သက်ပြီး ပြည်နယ်ရွေးကောက်ပွဲကော်မရှင်အဖွဲ့မှ တရားဝင်ကြေညာခြင်း မရှိသေးသော်လည်း မဲပေးနိုင်သူဦးရေ ၄ သောင်း၎ထောင်ခန့်ရှိသော တီးတိန်မြို့နယ်တွင် ပြည်သူ့လွှတ်တော်နေရာအတွက် ပူးကျင်းရှင်းထန်မှ မဲ တစ်သောင်းခွဲကျော်ရရှိနေပြီဖြစ်သောကြောင့် သေချာနေပြီဟု ZCD အတွင်းရေးမှူး ဦးဂင်ကမ်းလျန်ပြောသည်။

“ ပြည်သူ့လွှတ်တော်မှာ ပူးကျင်းရှင်းထန်ကတော့ သေချာသလောက်ရှိပါပြီ တစ်သောင်းခွဲလောက်ရပြီဆိုတော့ ကျန်တဲ့သူ တွေက တစ်သောင်းတောင်မရဘူးဆိုတော့ သူကသေချာပါတယ်’’ ဟု ဦးဂင်ကမ်းလျန်ကပြောသည်။

တီးတိန်မြို့ ပြည်သူ့လွှတ်တော်မဲဆန္ဒနယ်မြေတွင် ပူးကျင်းရှင်းထန်အပါအ၀င် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှ ဒေါက်တာ ၀ုန်ဆွန်ထန်း၊ တိုင်းရင်းသားစည်းလုံးညီညွတ်ရေးပါတီမှ ဦးဒိုဆွန်းမုန်၊ ချင်းတိုးတက်ရေးပါတီမှ ဒေါ်ဝန်ဆွင်းဒိမ်း၊ ချင်းအမျိူးသားဒီမိုကရက် တစ်ပါတီမှ ဦးရှင်းဇာနန် နှင့် ချင်းဒီမိုကရေစီအဖွဲ့ချူပါတီမှ ဒေါက်တာဝမ်းလျန်းထန် စုစုပေါင်း ကိုယ်စားလှယ်လောင်း ၆ ဦးဝင်ရောက် ယှဉ်ပြိုင်ခဲ့ကြခြင်းဖြစ်သည်။

အမျိူးသားဒီမိုကရေစီအဖွဲ့ချူပ်ပါတီကတော့ တီးတိန် ပြည်သူ့လွှတ်တော်နေရာတွင် ၀င်ရောက်ယှဉ်ပြိုင်ခြင်းမရှိဘဲ ပူးကျင်းရှင်းထန် ကို ရှောင်ပေးခဲ့သည်။

Share.

About Author

Leave A Reply

*

code