ချင်းမီဒီယာကွန်ယက် နှစ်ပါတ်လည်တွေ့ဆုံပွဲ တီးတိန်တွင်ပြုလုပ်မည်

0

???????????????????????????????

ချင်းမီဒီယာကွန်ယက်၏ ပဉ္စမအကြိမ်မြောက် နှစ်ပါတ်လည် တွေ့ဆုံပွဲကို တီးတိန်မြို့၌ ဇန်န၀ါရီ ၂၀ မှ ၂၂ ရက်နေ့အထိ ၃ ရက်ကြာ ကျင်းပပြုလုပ်သွားမည်ဟု ချင်းမီဒီယာကွန်ယက် တာဝန်ရှိသူများ ထံမှသိရသည်။ ကွန်ယက် ဒါရိုက်တာ ဆလိုင်းဟုန်းထွန်းဂေက “ ဒီတစ်ခေါက်တွေ့ဆုံပွဲက ခါတိုင်းလိုမဟုတ်ဘူး၊  ချင်းမီဒီယာကွန်ယက် အတွင်း အဖွဲ့ဝင်ဖြစ်နိုင်မယ့်ချင်းမီဒီယာ အဖွဲ့တွေကို အတည်ပြုမှာဖြစ်တယ်။ အတည်ပြုပြီးတာနဲ့ လုပ်ငန်းတွေကို စတင် အကောင် အထည်ဖော်တော့ မှာဖြစ်တယ်။ ဒါကြောင့်ဒီတစ်ခေါက်က အတော်အရေးကြီးတယ်” ဟုပြောသည်။

 

ကွန်ယက်အဖွဲ့ဝင်ဖြစ်နိုင်ရေးနှင့် ပတ်သက်ပြီး ကွန်ယက်ဖွဲ့စည်းပုံ၏ စံသတ် မှတ်ချက်များ အရ အဖွဲ့ဝင်ဖြစ်လိုသည့် ချင်းမီဒီယာအဖွဲ့သည် မှတ်ပုံတင်ရရှိထားသည့်အဖွဲ့၊ မည်သည့်အဖွဲ့အစည်း၏ လွှမ်းမိုးခြင်းမရှိသည့်မီဒီယာ၊ ကိုယ်တိုင် သတင်းများ ကို ပုံမှန်ထုတ်လုပ်သည့် သတင်းဌာနဖြစ်ရမည် စသည့်စံသတ်မှတ်ချက်များရှိကြောင်း သူကဆက်ပြောသည်။

 

တီးတိန်မြို့တွင်ကျင်းပမည့် ကွန်ယက်အစည်းအဝေးတွင် အဖွဲ့ဝင်များ အတည်ပြုခြင်းအပြင် ရုံးခွဲထားရှိရေး၊ ကွန်ယက်၏စွမ်းရည်မြှင့်တင်ခြင်းဆိုင်ရာတာဝန်ခံအားပြန်လည်ရွေးချယ်ခြင်း၊ အဖွဲ့ဝင်များနှင့်ရှေ့ ဆက် လုပ်ငန်း ဆောင် တာ များချမှတ်ခြင်း အပြင် အဖွဲ့အစည်းဆိုင်ရာစီမံခန့် ခွဲခြင်းသင်တန်းကို လည်း ပြုလုပ်ကြမည်ဖြစ်သည်။

 

ချင်းမီဒီယာကွန်ယက်သည် ကုလသမဂ္ဂဖွံ့ဖြိုးရေးရေးအစီအစဉ် (UNDP)၏ ထောက်ပံ့ငွေဖြင့် အဖွဲ့ဝင်မီဒီယာများ ရေရှည်တည်တံ့နိုင်ရေးကိုရည်ရွယ်လျက် လိုအပ်သည့် စွမ်းရည်မြှင့်တင်ခြင်းဆိုင်ရာများကို အဓိကဆောင်ရွက် သွား မည်ဖြစ်ပြီး ယခုလက်ရှိ ဟားခါးမြို့တွင် ရုံးဖွင့်လှစ်ထားသည်။

 

ချင်းဂျာနယ်လစ်အချို့သည် ၂၀၁၂ ခုနှစ်၌ထန်တလန်မြို့နယ်တွင်တွေ့ဆုံခဲ့ကြပြီး ချင်းဂျာနယ်လစ်ကွန်ယက်ကို ဖွဲ့စည်းခဲ့ကာ ဒုတိယအကြိမ်တွေ့ဆုံပွဲကို ဖလမ်းမြို့၊ တတိယတွေ့ဆုံပွဲကို ဟားခါးမြို့၊ စတုတ္ထတွေ့ဆုံပွဲကို မင်းတပ်မြို့များ တွင်ကျင်းပခဲ့ပြီး တတိယအကြိမ်ဟားခါးမြို့တွင်ကျင်းပခဲ့သည့် မီဒီယာအဖွဲ့ပေါင်း ၃၀ကျော်တက်ရောက်ခဲ့ သည့် ချင်းဂျာနယ်လစ်ကွန်ယက်တွေ့ဆုံပွဲမှ ချင်းမီဒီယာကွန်ယက် အမည်သို့ ပြောင်း လဲခဲ့ခြင်းဖြစ်သည်။

Share.

About Author

Leave A Reply

*

code