ချင်းပြည်နယ်တွင် တက္ကသိုလ်ဝင်စာမေးပွဲဖြေဆိုခွင့်ရှိသူ ကျောင်းသားကျောင်းသူ စုစုပေါင်း တစ်သောင်းကျော်ရှိသည့် အနက် ၉ ထောင်ကျော်ကသာ ၀င်ရောက်ဖြေဆိုခဲ့ပြီး ပျက်ကွက်သူ ၁၃၀၀ ကျော်ရှိခဲ့သည်ဟု အစိုးရ၏ထုတ်ပြန်ချက် အရသိရသည်။
အစိုးရ၏ထုတ်ပြန်သောစာရင်းအရ စာစစ်ဌာန ၂၃ ခုရှိသော ချင်းပြည်နယ်တွင် တက္ကသိုလ်ဝင်စာမေးပွဲဖြေခွင့်ရှိသူ ကျောင်းသား ၄၆၇၂ နှင့် ကျောင်းသူ ၆၅၁၆ ဦး စုစုပေါင်း ၁၁၁၈၈ ဦးရှိခဲ့ပြီး ယင်းအထဲတွင် ကျောင်းသား ၄၀၃၇ နှင့် ကျောင်းသူ ၅၈၀၆ ဦး စုစုပေါင်း ၉၈၄၃ ဦးကသာဖြေဆိုခဲ့ကြသည်ဟု သိရသည်။ ဖြေဆိုရန် ပျက်ကွက်သူဦးရေမှာ ၁၃၄၅ ရှိသည်။
တက္ကသိုလ်ဝင်စာမေးပွဲဖြေဆိုရန် ချင်းပြည်နယ်၏ ပျက်ကွက်မှုပမာဏသည် ၁၂.၀၂ ရာခိုင်နှုန်းရှိပြီး မြန်မာနိုင်ငံတိုင်း နှင့်ပြည်နယ် အားလုံးအနက် ပျက်ကွက်မှုရာခိုင်နှုန်းအမြင့်ဆုံးဖြစ်သည်။
ယမန်နှစ်က ချင်းပြည်နယ်တွင် တက္ကသိုလ်ဝင်စာမေးပွဲဖြေဆိုသူ ကျောင်းသားကျောင်းသူဦးရေ စုစုပေါင်း ၉၆၃၉ ဦးရှိခဲ့ပြီး စုစုပေါင်း ၁၇၂၀ ဦးအောင်မြင်ခဲ့ကြသည်။ ယင်းအထဲတွင် ၆ ဘာသာဂုဏ်ထူးရှင် (၁) ဦး၊ ၅ ဘာသာဂုဏ်ထူးရှင်(၁)၊ ၄ ဘာသာဂုဏ် ထူးရှင်(၅)ဦး၊ ၃ ဘာသာဂုဏ်ထူးရှင်(၁၅)ဦး၊ ၂ ဘာသာဂုဏ် ထူးရှင် (၄၃)ဦး နှင့် ၁ ဘာသာဂုဏ်ထူးရှင် (၂၃၃) ဦးရှိခဲ့သည်။
