မလေးရှားနိုင်ငံမှ ပြန်လာသည့် ချင်းဒုက္ခသည် ၂ ဦး တရားစွဲဆိုခံထားရ

0

မလေးရှားနှင့်အိန္ဒိယနိုင်ငံရှိချင်းဒုက္ခသည်များနှင့်ပတ်သက်၍ကုလသမဂ္ဂဒုက္ခသည်များဆိုင်ရာမဟာမင်းကြီးရုံး(UNHCR) ၏ဆုံးဖြတ်ချက်ကြောင့်စိုးရိမ်ပြီးမြန်မာနိုင်ငံသို့ပြန်လာသည့်ချင်းဒုက္ခသည်၂ဦးသည်ပြီးခဲ့သည့်ဇွန်လဆန်းပိုင်းကဖမ်းဆီးတရားစွဲဆိုခံနေရကြောင်းသိရသည်။ 

ချင်းပြည်နယ်ဟားခါးမြို့တွင်နေထိုင်သူအသက်(၂၈)နှစ်အရွယ်ဆလိုင်းဗန်ကျဲအိုထောင်းနှင့်မင်းတပ်မြို့နေမိုင်အွမ်လှူးတို့သည်ပြီးခဲ့သည့်ဇွန်လ၁၀ရက်နေ့ကမလေးရှားမြို့မှပြန်လာသည့်အချိန်တွင်ရန်ကုန်လေဆိပ်၌လ၀ကအက်ဥပဒေပုဒ်ဖြင့်ဖမ်းဆီးအရေးယူခံရခြင်းဖြစ်သည်ဟုဆလိုင်းဗန်ကျဲအိုထောင်း၏ဖခင်ကပြောသည်။ 

“သူတို့UN ကဒ်သက်တမ်းကုန်ပြီးတတိယနိုင်ငံကိုလည်းသွားလို့ရတော့မှာမဟုတ်ဘူးဆိုပြီးအဖမ်းခံမှာကြောက်ပြီးတော့မြန်မာနိုင်ငံကိုပြန်ချင်တယ်ဆိုပြီးပြန်လာတာဖြစ်ချင်တော့သူတို့ကိုPassport လုပ်ပေးတဲ့သူကအတုလုပ်ပေးလိုက်တော့အဖမ်းခံရတာ’’ ဟု၎င်း၏ဖခင်ကပြောသည်။ 

ဆလိုင်းဗန်ကျဲအိုထောင်းသည်မလေးရှားသို့သွားရောက်သည့်အချိန်တွင်အောက်လမ်းဖြင့်(Passport နဲ့မဟုတ်) သွားရောက်ခြင်းဖြစ်ပြီးUNHCR ၏ဆုံးဖြတ်ချက်ကြောင့်စိုးရိမ်ပြီးမြန်မာနိုင်ငံသို့ပြန်လည်ရန်Passport လိုအပ်သည့်အတွက်မလေးရှားတွင်နေထိုင်သည့်ပွဲစားငယ်ငယ်မှPassport လုပ်ပေးခဲ့သည်ဟုသိရသည်။သို့သော်လည်းပွဲစားမှပြုလုပ်ပေးသည့်Passport မှာအတုဖြစ်နေသည့်အတွက်ယခုကဲ့သို့အဖမ်းခံရခြင်းဖြစ်သည်ဟုဖခင်ဖြစ်သူကဆက်ပြောသည်။ 

“ပွဲစားကနေလိမ်လည်ပြီးလုပ်သွားတာ…ကျနော်တို့ကမှတ်ပုံတင်တွေအိမ်ထောင်စုစာရင်းတွေကိုViber ကနေအားလုံးပို့ပေးတယ်သံရုံးမှာလည်သွားပြီးတော့လက်ဖွေတွေမနှိပ်ခိုင်းဘူးသံရုံးမှာအခွန်အကောက်တွေလည်းဘာမှမသွင်းဘူးဒီတိုင်းပဲလွှတ်လိုက်တာPassport အတုနဲ့’’ ဆလိုင်းဗန်ကျဲအိုထောင်းဖခင်ကပြောသည်။ 

ယခုလက်ရှိတွင်၎င်းတို့၂ဦးကိုလ၀ကအက်ဥပဒေပုဒ်မ၁၃(၁) နှင့်လိမ်လည်မှု(ပုဒ်မ၄၂၀) တို့ဖြင့်အမှုဖွင့်တရားစွဲဆိုထားပြီးရန်ကုန်မြို့အင်းစိန်ထောင်တွင်ထားရှိသည်ဟုသိရသည်။ 

ယင်းအမှုကိုလိုက်ပါဆောင်ရွက်ပေးနေသည့်တရားလွှတ်တော်ရှေ့နေဦးငိုင်ဆာခ့်က“စွဲဆိုထားသောပြစ်မှုမှာအာမခံမပေးနိင်သောပြစ်မှုများဖြစ်သဖြင့်ယခုအခါအချုပ်ဖြင့်ထုချေနေရပါသည်။အဆိုပါနှစ်မှုစလုံးကိုဉပဒေဘောင်အတွင်းမှအမှုလိုက်ပါဆောင်ရွက်ပေးသော်လည်းပြန်လာသူများအားအလားတူအမှုမျိုးဖြင့်ထပ်မံအရေးယူမည်ကိုစိုးရိမ်ပူပန်ရပါသည်’’ ဟုပြောပါသည်။ 

ထို့အပြင်ချင်းဒုက္ခသည်များအရေးနှင့်ပတ်သက်၍UNHCR အနေဖြင့်ပြန်လည်သုံးသပ်ခြင်းမရှိပါကမလေးရှားနှင့်အိန္ဒိယနိုင်ငံရောက်ရှိနေကြသည့်ဒုက္ခသည်များသည်မြန်မာနိုင်ငံပြန်ရောက်လျင်ဥပဒေအရအရေးယူခံရပြီးထောင်ဒဏ်ကျခံရဖွယ်ရှိနေသည်ဟုဦးငိုင်ဆာခ့်ကသူ၏လူမှုကွန်ယက်စာမျက်နှာတွင်ရေးသားထားပါသည်။ 

၁၉၈၈-၂၀၁၀ခုနှစ်ကာလများအတွင်းအာဏာပိုင်များ၏ဖိနှိပ်ချုပ်ခြယ်ကန့်သတ်မှု၊မတရားစွတ်စွဲခံရပြီးအသက်ဘေးခြိမ်းခြောက်ခံရမှု၊ပေါ်တာဆွဲခံရပြီးအတင်းအကြပ်အလုပ်စေခိုင်းခံရမှုနှင့်အလုပ်အကိုင်ရှားပါးပြီးစီးပွားရေးကြပ်တည်းမှုတို့ကြောင့်ချင်းတိုင်းရင်းသားလူငယ်လူရွယ်များသည်အိမ်နီးချင်းနိင်ငံများသို့နည်းလမ်းမျိုးစုံဖြင့်တိမ်းရှောင်နေထိုင်ခိုလှုံခဲ့ကြရသည်။UNHCR အနေဖြင့်လည်းဒုက္ခသည်အဖြစ်ခိုလုံခွင့်ပေးပြီးတတိယနိုင်ငံများသို့ပြန်လည်အခြေချနေထိုင်ခွင့်ပြုခဲ့သည်။ 

သို့သော်လည်းUNHCR ကချင်းပြည်နယ်တွင်နိုင်ငံရေး၊လူမှုရေးနှင့်လုံခြုံရေးအခြေအနေတိုးတက်မှုများရှိလာသည်ဟုဆိုကာမလေးရှားနှင့်အိန္ဒိယနိုင်ငံသို့ရောက်ရှိနေကြသည့်ချင်းလူမျိူးများကိုဒုက္ခသည်အဖြစ်ခိုလုံခွင့်ပေးတော့မည်မဟုတ်ကြောင်းဆုံးဖြတ်ထားခဲ့ခြင်းဖြစ်သည်။ 

UNHCR ၏ဆုံးဖြတ်ချက်အရဒုက္ခသည်များအနေဖြင့်ရွေးချယ်စရာနည်းလမ်း၂ခုရှိပြီးပထမတစ်ခုမှာလက်ရှိကိုင်ဆောင်ထားသော UN Register Card ကို၂၀၁၉ဒီဇင်ဘာလ(၃၁) အထိကိုင်ဆောင်ခွင့်ပေးမှာဖြစ်ပြီး၂၀၂၀ဇန်န၀ါရီလ(၁) ရက်နေ့တွင်အဆိုပါCard သည်အလိုအလျောက်ရပ်ဆိုင်းခံရမည်ဖြစ်သည်။ 

ဒုတိယတစ်ချက်မှာနိုင်ငံတကာ၏အကာကွယ်ပေးမှုဆက်လက်လိုအပ်သေးသည်ဟုမိမိကိုယ့်ကိုယူဆလျင်UNHCR နဲ့တွေ့ဆုံမေးမြန်းခြင်းခံယူရမည်ဖြစ်ပြီးနှစ်လအတွင်းအကြောင်းပြန်ကြားမည်ဖြစ်သည်။ယင်းအကြောင်းပြန်ကြားချက်ပေါ်မူတည်ပြီးယခုလက်ရှိနေထိုင်သည့်နိုင်ငံတွင်ဆက်နေဖို့ဖြစ်စေ၊တတိယနိုင်ငံကိုထွက်ခွါဖို့ဖြစ်စေ၊မြန်မာနိုင်ငံကိုပြန်ဖို့ဖြစ်စေဆုံးဖြတ်သွားရမည်ဖြစ်သည်ဟုသိရသည်။

Share.

About Author

Leave A Reply

*

code