ဆင်းရဲနွမ်းပါးမှုပပျောက်ရန် ဆွီဒင်နိုင်ငံမှ ဆက်လက်ကူညီမည်

0

By Lalnuna – မြန်မာနိုင်ငံတွင် ဆင်းရဲနွမ်းပါးမှု ပပျောက်ရေးနှင့် ကျန်းမာရေး၊ ငြိမ်းချမ်းရေး၊ လူ့အခွင့်အရေး၊ ကျားမတန်းတူရေးများ ကဏ္ဍပိုင်းတို့ကို ဆွီဒင်နိုင်ငံ၏ လာမည့် ၅ နှစ် စီမံကိန်းတွင် ဆက်လက်ပူးပေါင်းကူညီဆောင်ရွက်သွားမည်ဖြစ်ကြောင်း မြန်မာနိုင်ငံဆိုင်ရာ ဆွီဒင်နိုင်ငံ သံမှူးကြီး ဂျိုဟန် ဟာလ်လန်ဘော့ ကပြောသည်။ 

ဆွီဒင်နိုင်ငံ သံမှူးကြီး ဂျိုဟန်သည် ယခုလ ၅ ရက်နေ့မှ ၁၀ ရက်နေ့အထိ ချင်းပြည်နယ်သို့ ပထမဆုံးခရီးစဉ်အဖြစ်ရောက်ရှိလာပြီးနောက် နိုဝင်ဘာလ ၁၁ ရက်နေ့တွင် ကလေးမြို့ GBH ဟိုတယ်တွင် သတင်းမီဒီယာများနှင့်တွေ့ဆုံစဉ်တွင် ယင်းကဲ့သို့ပြောဆိုခဲ့ခြင်းဖြစ်သည်။ 

“ကျွန်တော်တို့ ဆွီဒင်သံရုံးအနေနဲ့ ပထမဆုံးအကြိမ် ချင်းပြည်နယ်ကိုသွားရောက်ခြင်း ဖြစ်ပါတယ် ကျွန်တော်တို့တော်တော်လေးကို ၀မ်းသာအားရပါတယ် ဒါပေမယ့် အခက်အခဲတွေအများကြီးရှိနေသေးတယ်၊ ချင်းပြည်နယ်ရဲ့ နယ်စွန်နယ်ဖျားတွေမှာဆိုရင်လည်း ဆောက်အအုံအခက်အခဲတွေ၊ ကျန်းမားရေး၊ စိုက်ပျိုးရေးကအစ တော်တော်လေးတိုးတက်ဖို့လိုသေးတယ်” ဟု သံမှူးကြီးကပြောသည်။  

မြန်မာနိုင်ငံတွင် ဆင်းရဲနွမ်းပါးမှု ပပျောက်ရန် တိုးတက်မှုသည် အလွန်နှေးကွေးနေပြီး ချင်းပြည်နယ်သည်လည်း လွန်ခဲ့သည့် ၅ နှစ်ထက် အနည်းငယ်တိုးတက်လာကြောင်းနှင့် ဆွီဒင်နိုင်ငံမှ ဆက်လက်ကူညီမည့်နောက်ထပ် ၅ နှစ် စီမံကိန်းတွင် မြန်မာနိုင်ငံအတွက် ငွေကြေးထောက်ပံ့မှုကို တိုးမြှင့်ထားကြောင်းသိရပါသည်။  

“ကျွန်တော်တို့ ချင်းပြည်နယ်ကို အဓိကတော့ ဖွံ့ဖြိုးရေးလုပ်ငန်းမှာ ကျွန်တော်တို့ သံရုံးနှင့်လက်တွဲပြီးမှ လုပ်တဲ့အဖွဲ့အစည်းတွေရှိတယ် သူတို့ကိုတွေဖို့သွားတာဖြစ်တယ်၊ ခရီးစဉ်မှာ အရပ်ဖက်အဖွဲ့အစည်းတွေနှင့် တစ်ခြားဖွံ့ဖြိုးရေးပိုင်းမှာလုပ်တဲ့အဖွဲ့အစည်းတွေနှင့်လည်း တွေ့ခဲ့တယ် ကျွန်တော်တို့ ချင်းပြည်နယ်ရဲ့ ဒေသအသီးသီးမှာရှိတဲ့ အခြေအနေကို ပိုပြီးသိရှိနားလည်းဖို့ အဖွဲ့တွေအများကြီးနှင့်တွေ့ဆုံခဲ့ပါတယ်၊ အဲဒီဒေသမှာရှိတဲ့ လူမှုဆက်ဆံရေးနှင့် သတင်းမီဒီယာ ဖွံ့ဖြိုးရေးတိုးတက်ရန်အတွက်လည်း ဟားခါးမြို့မှာ ၀န်ကြီးချုပ်နှင့် လွှတ်တော်ဥက္ကဌတို့နှင့်လည်း တွေ့ဆုံခဲ့ပါတယ်” ဟု ဆွီဒင်နိုင်ငံ သံမှူးကြီး ဂျိုဟန် ဟာလ်လန်ဘော့ ကပြောသည်။ 

ချင်းပြည်နယ်၏ ယင်းဆင်းရဲ့နွမ်းပါးမှု ပပျောက်ရေးနှောင့်နှေးနေရသည့်အကြောင်းရင်းတစ်ခုတွင် ဖွံ့ဖြိုးရေးလုပ်ငန်းဆောင်ရွက်ရတွင်လည်း ရိုးရာဘာသာစကားမတူညီမှုများနှင့် တောတောင်များကြမ်းတမ်းပြီး စိုက်ပျိုးရေးပိုင်းတွင်လည်း မြေနေရာမရှိခြင်းကလည်း သက်ဆိုင်သည်ဟု ၎င်းကဆက်ပြောသည်။  

ဆွီဒင်နိုင်ငံ၏ အဓိက လုပ်ဆောင်နေသည့် လုပ်ငန်းထဲတွင် ကျားမတန်းတူရေးကဏ္ဍသည် လွန်ခဲ့သည့် ၅ နှစ်ထက် တိုးတက်မှုများရှိနေကြောင်း ကျေးလက်ဒေသတွေမှာလည်း အရင်ကထက် အမျိုးသမီးများ၏ ပါဝင်မှုမြင့်တက်လာသည့်အတွက် အလွန်ဝမ်းသာကြောင်းသံမှူးကြီးကဆက်ပြောသည်။

Share.

About Author

Leave A Reply

*

code