ပထမအကြိမ်ကလေးကဘော်ဒေသ ချင်းရိုးရာကောက်သီးစားပွဲတော်သို့ CNF ခေါင်းဆောင်များ ဖိတ် ကြား

0

အောက်တိုဘာ ၂၆- ၂၉ အကြား မကွေးတိုင်းကလေးခရိုင် ကြာအင်းရွာတွင် ကျင်းပမည့် ချင်းရိုးရာ ကောက်သီးစားပွဲသို့ CNF ခေါင်းဆောင်များအား ဖိတ်ကြားထားသည်ဟု သိရသည်။

အဆိုပါ ပွဲတော်ကို ကလေး – ကဘော် ဒေသနေ ချင်းလူမျိုးများအနေဖြင့် ပထမအကြိမ် ကျင်းပခြင်းဖြစ်ပြီး ၂၀၁၀ ရွေး ကောက်ပွဲကာလ က တသီး ပုဂ္ဂလအဖြစ် ရွေးကောက်ပွဲ ပါဝင်ယှဉ်ပြိုင် ခဲ့သူ Pu Enoch  ဦးဆောင်သည့် ချင်း ( Lai) စုစည်း ရေးအသင်းခေါ် Laimi Funtomnak Bu (LFB) မှ ကမကထပြုကျင်းပခြင်းဖြစ်သည်ဟု သိရသည်။

“ လက်ရှိ ဗမာပြည်ရောက်နေတဲ့ ဒေါက်တာလျန်မှုန်ဆာခေါင်း၊ ထန်တလန် စီအဲန်အက်ဖ် ဆက်ဆံရေးရုံး တာဝန်ခံ ပူး အိပ်ခ်ျစီ ရာလ်နှင်း၊ ဒေါက် တာရွှေခါးတို့ကို ဖိတ်ကြားထားပါတယ်” ဟု သက်ဆိုင်သူ တဦးက ပြောသည်။

ပွဲတော်သို့ ပတ်ဝန်းကျင်ကျေးရွာများမှ ချင်းလူထုများလည်း ပါဝင်ဆင်နွဲ့ကြမည်ဖြစ်ပြီး ချင်းရိုးရာ နပမ်းသတ်ပွဲ၊ ချင်းရိုးရာ အက၊ ရိုးရာ သီချင်း နဲ့ အတူ ကျေးရွာအလိုက် ဘော်လုံး အသင်း ၁၂ သင်း ပါဝင်ယှဉ်ပြိုင်ကြမည်ဖြစ်ကြောင်း ဆက်ဆို သည်။

“ ကျတော်တို့ ကလေး- ကဘော်ဒေသနေ ချင်းတွေဟာ ယခင်က ချင်းအမျိုးသားနေ့ကိုပဲ ကျင်းပလေ့ရှိတယ်၊ ယခုနှစ် မှပဲ  ချင်းဘိုးဘွားစဉ်ဆက် ကျင်းပလာတဲ့ Tho ခေါ် ကောက်သီးစားပွဲကို စတင်ကျင်းပမှာဖြစ်တယ်၊ ချင်းချစ်ကြည် ရင်းနှီး မှု ကို အဓိက ရည်ရွယ်ထားတာပါ” ဟု ဆက်ပြော သည်။

LFB ရည်ရွယ်ချက်မှာ ကလေးကဘော်ရှိ ချင်းလူမျိုးများ စည်းလုံးညီညွတ်ရေးနှင့် လူမျိုးခြားများနှင့် ချစ်ကြည်ရင်းနှီးမှု ခိုင်မာစေရေး၊ လူမှုရေးလုပ်ငန်း ဖက်စုံ တိုးတက်ရေး၊ ကိုယ်ကျင့်တရား လှပကောင်းမွန်စေရေး၊ အဖွဲ့အတွင်း စည်းလုံးညီ ညွတ်မှုဖွံ့ဖြိုးခိုင်မာစေရေး၊ ဒေသ ငြိမ်းချမ်းရေး၊ နာရေး ကိစ္စဆောင်ရွက်ရေးတို့ဖြစ်သည်။

ချင်းကောက်သီးစားပွဲကို နိုင်ငံတကာရောက် ချင်းလူမျိုးများက မိမိတို့ ရောက်ရှိသည့် နိုင်ငံအသီးသီး တွင် ချင်းပြည်နယ် အတွင်း မိမိတို့ ဒေသ ထုံးစံအလိုက် ကျင်းပကြမည် ဟုလည်း သိရသည်။

Share.

About Author

Comments are closed.