ထန်တလန်မြို့နယ်လွှတ်တော်ကိုယ်စားလှယ်ရုံးဖွင့်လှစ်နိုင်ရေးသက်ဆိုင်ရာက မတုံ့ပြန်

0

ချင်းပြည်နယ် ထန်တလန်မြို့နယ်မှ အရွေးခံ လွှတ်တော်ကိုယ်စားလှယ်များက လူထုနှင့် တွေ့ဆုံဆွေးနွေးရေး လွှတ်တော် ရုံးဖွင့်လှစ်ခွင့်ပြုရေးလျှောက်ထားချက်ကို မြို့နယ်အုပ်ချုပ်ရေးမှူးက ဘာမှ တုံ့ပြန်မှုမရှိကြောင်း သိရသည်။

အောက်တိုဘာလ ၁၆ ရက်နေ့က မြို့နယ်အုပ်ချုပ်ရေးမှူးထံ ထန်တလန်မြို့နယ်မှ လွှတ်တော်ကိုယ်စားလှယ်များကိုယ်စား ချင်းအမျိုးသားပါတီမှ ပြည်နယ်လွှတ်တော်ကိုယ်စားလှယ် Pu Lalmaungcung မှ တင်ပြခဲ့ခြင်းဖြစ်သည်။

“ အောက်တိုဘာ ၂၅ ရက်နေ့မှာ ရုံးဖွင့်လှစ်ခွင့်ပြုဖို့ တင်ပြတာ ယနေ့ထိ တစုံတရာတုံ့ပြန်မှုမရှိဘူး၊ လွှတ်တော်ကိုယ် စားလှယ်အားလုံးအတွက်တင်ပြတာပါ”  ဟု Pu Lalmaungcung က ပြောသည်။

မြို့နယ်အရေး၊ ပါတီရေးရာအတွက်လူထုနဲ့ တွေ့ဆုံဆွေးနွေးနိုင်မယ့် ဆုံရပ်အတွက် ရည်ရွယ်ပြီး ရုံးကို ဖွင့်လှစ်ဖို့ စီစဉ် ထားတာဖြစ်ကြောင်း ပြည်နယ်ဝန်ကြီးချုပ်နဲ့ ပြည်နယ်လွှတ်တော် ဥက္ကဌကိုလည်း မိတ္တူပို့ထားကြကြောင်း သိရသည်။

၂၀၁၀ ရွေးကောက်ပွဲတွင် ထန်တလန်မြို့နယ်မှ အရွေးခံလွှတ်တော်ကိုယ်စားလှယ်များမှာ ချင်းအမျိုးသားပါတီမှ Pi Za tlem ( ပြည်သူ့လွှတ် တော်ကိုယ်စားလှယ်၊Paul ThanThai ( အမျိုးသားလွှတ်တော်ကိုယ်စားလှယ်)၊ Pu Lalmaung cung ( ပြည်နယ်လွှတ် တော်ကိုယ်စားလှယ်) ၊Pu Roben ( ပြည်နယ်လွှတ်တော်ကိုယ်စားလှယ်) တို့ဖြစ်ကြ သည်။

ချင်းပြည်နယ် လွှတ်တော်သုံးရပ်စလုံးအတွက် မဲဆန္ဒနယ်မြေပေါင်း ၃၉ နေရာရှိသည့်အနက် ချင်းအမျိူးသားပါတီက စုစုပေါင်း ( ၉ ) နေရာ ၊ ချင်းတိုးတက်ရေးပါတီက စုစုပေါင်း ( ၁၁ ) နေရာ ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက စုစုပေါင်း ( ၁၈ )နေရာ နှင့် တိုင်းရင်းသား လူမျိူးများဖွံ့ဖြိုးရေးပါတီက စုစုပေါင်း ( ၁ ) နေရာအသီးသီးရရှိကြသည်။

Share.

About Author

Comments are closed.