မတူပီမြို့ပေါ် အစာရေစာ ဖူလှုံရေး ပုဂ္ဂလိက ကုပ္မဏီမှ ကားလမ်းဖောက်လုပ်

0

ချင်းပြည်နယ်မတူပီမြို့နယ်အတွင်း ပုဂ္ဂလိက ကုပ္မဏီတခုမှ မတူပီမြို့ပေါ် အစာရေစာ ဖူလှုံရေး နှင့် ဒေသဖွံ့ဖြိုးရေး အ တွက် မတူပီမြို့မှ ၃၅ မိုင်ခန့်ဝေးမည့် ဘွေရား ဒေသအထိ ကားလမ်းဖောက် လုပ်နေသည်ဟု ကြားသိရသည်။

အဆိုပါကားလမ်းဖောက်လုပ်ရခြင်းသည် ဘွေရား ဧရိယာ အတွင်း ဧက ၄၀၀ ခန့်ရှိမည့် မြေရိုင်း ကို  ဖော်ထုတ်ပြီး လယ် မြေ အဖြစ်ထွန်ယက်စိုက်ပျိုးပါက ဒေသခံများစားဝတ်နေရေး ဖူလှုံသည့် အပြင် ဆန်စပါး နှင့် စိုက်သီးနှံများ မတူပီမြို့ပေါ် သို့  တင်ပို့နိုင်ရေး ရည်ရွယ် ချက်ဖြစ်သည်ဟု ကြားသိရသည်။

“ မတူပီမြို့မှ တင်လောင်း၊ လာလွီး၊ လေရိန်းရွာတွေကို ဖြတ်သွားမယ်၊ အဲဒီကနေ ဘွေရားကနေ လွီဗန်းရွာအထိ ဆက်ဖောက်မှာပါ” ဟု အ ဆိုပါ နေရာသို့ သွားရောက်လေ့လာသူ မတူပီမြို့ အခြေစိုက် CNF ဒုတိယဆက်ဆံရေးတာဝန်ခံ ပူးမန်လိုင်းမှ ခိုနုမ်း ထုန်ကို ပြောသည်။

မြေထိုးစက် တစီးဖြင့် ကားလမ်းကို ဖောက်လုပ်နေခြင်းဖြစ်ပြီး စက်ဆီကို ဒေသခံများမှ တအိမ် ကျပ် ၅၀၀၀ ဖြင့် အလှူငွေ ထည့်ဝင်ပြီးဖောက်လုပ်နေကြောင်း ယခု တင်လောင်းရွာအထိ ဖောက် လုပ်ပြီးဖြစ်ကြောင်း ဆက်ဆိုသည်။

“ မြေရိုင်း ဧက ၄၀၀ ကို လယ်မြေအဖြစ်ဖော်ထုတ်နိုင်လို့ကတော့ ဒေသခံတွေနဲ့ မတူပီမြို့ပေါ် အတွက် ဆန်၊ အခြား စား သုံးသီးနှံတွေ ပူပင်စရာမလိုတော့ဘူး” ဟု မတူပီမြို့ပေါ်မှ ရပ်မိရပ်ဖ တဦးက ပြောသည်။

အဆိုပါကားလမ်းကို ယခင်နှစ် နိုဝင်ဘာလမှ စတင်အကောင်အထည်ဖော်ဖောက်လုပ်ကြောင်း နောင်နှစ် မေလတွင် ဘွေရား နှင့် လွီဗန်းရွာအထိ အပြီးဖောက်လုပ်နိုင်ရန် ခန့်မှန်းကြကြောင်း သိရသည်။

Share.

About Author

Comments are closed.