CNF ငြိမ်းကိုယ်စားလှယ်များ ငြိမ်းချမ်းရေးဆွေးနွေးဖို့ ရန်ကုန်သို့ ထွက်ခွါ

0

ယခုလ ဒီဇင်ဘာ ၇-၈ ရက်အတွင်း ပြည်ထောင်စု အစိုးရနှင့် ဒုတိယအကြိမ်ပြည်ထောင်စု အဆင့် ငြိမ်းချမ်းရေးဆွေးနွေးဖို့ CNF ငြိမ်းချမ်းရေးကိုယ်စားလှယ်များ ဒီဇင်ဘာလ ၀၃ ရက်နေ့က ဗဟို ဌာနချုပ် မှ စတင်ထွက်ခွါသွားကြပြီဟု သတင်း ရရှိ သည်။

CNF အထွေထွေအတွင်းရေးမှူးချုပ် Pu Zing Cung ဦးဆောင်သည့် ၂၀ ဦးပါ ကိုယ်စားလှယ်များ သည် အမှတ် (၂) အိန္ဒိယ – မြန်မာကုန်သွယ်ရေးလမ်းကြောင်းမှ တဆင့် ကလေး- ရန်ကုန်လေကြောင်း ကို အသုံးပြုသွားကြမှာဖြစ်ကြောင်း သိရသည်။

CNF  ငြိမ်းချမ်းရေးကိုယ်စား လှယ်များမှာ Pu Zing Cung ( အဖွဲ့ခေါင်းဆောင်)၊ Pu Thomas ThangNou ( ဒုတိယ အဖွဲ့ခေါင်းဆောင်)နှင့် အဖွဲ့ ၀င်များအဖြစ် Pu Paul Sitha, Dr. Suikhar (ပြောရေးဆိုခွင့်ရှိသူ), Salai Kipp Kho Lian, Dr. Lian Hmung Sakhong, Pu H.C Ral Hnin, Pu Thang Yen, Pu Zo Tum Hmung, Pu Thang Ning Kee, Pu Bernard L. Chhangte, Colonel Solomon, Salai Thla Hei, Pu Hau kang, Pu Thawng Za Lian, Pu Ngai Ja Thang, Colonel Than Tun, Major Sang Lian Thang, Major Kha Pawng တို့ပါဝင်ကြ မည်ဖြစ်ပြီး မီဒီယာ မှတ်တမ်း တာဝန်ခံအဖြစ် Pu Thet Ni တို့ပါဝင်ကြမှာဖြစ်သည်ဟု သိရသည်။

“ အခု ဆွေးနွေးပွဲမှာ ချင်းအမျိုးသားရေးဆိုင်ရာ၊ စစ်ဖက်ဆိုင်ရာ၊ ဒေသဖွံ့ဖြိုးရေးဆိုင်ရာ နဲ့ ယဉ်ကျေးမှုနဲ့ လူမှုရေး ဆိုင်ရာတွေကို အဓိက ဆွေးနွေးသွား မှာဖြစ်တယ်၊ ပြီးတော့ ပထမ အကြိမ်ပြည်ထောင်စုအဆင့် ငြိမ်းချမ်း ရေးသဘော တူညီချက်မှာ  ဆက်လက်ဆွေးနွေးစရာ တွေလည်း ရှိပါတယ်” ဟု CNF ပြောရေးဆိုခွင့် ရှိသူ ဒေါက်တာ ရွှေခါးရ် က ပြော သည်။

ပြည်ထောင်စုအစိုးရအဖွဲ့မှ ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မီတီ ဒုတိယ ဥက္ကဌ – ၂ ပြည်ထောင်စု ၀န်ကြီးဦးအောင်မင်းက ဦးဆောင်သွားမှာဖြစ်ပြီး အဖွဲ့ဝင် ၇ ဦးပါဝင်ကြ မှာဖြစ်သည်ဟု သိရသည်။

နှစ်ဖက် ဆွေးနွေးပွဲတွင် လေ့လာသူများအဖြစ် Kristine Gould (PACRIM Research Associates, USA) ၊ Mr. Yohei Sasakawa (Chairman, Nippon Foundation, Japan)၊ Mr. Yiji Mori (Nippon Foundation, Japan) ၊ Ms. Suzuka Yoshida (Nippon Foundation, Japan) Charles Petrie (Myanmar Peace Support Initiative –MPSI ) တို့အပြင် Mai Chin Chin (Shalom Foundation, Yangon) ၊ Salai Bawi Lian Mang (Director, CHRO) တို့လည်း
ပါဝင်တက်ရောက်ကြမှာဖြစ်သည်။

နှစ်ဖက် ငြိမ်းချမ်းရေးကိုယ်စားလှယ်များသည် ရန်ကုန်မြို့ အမှတ် ၁၁၊ ရွှေလီလမ်းရှိ Myanmar Peace Center Hall တွင် တွေ့ဆုံ ဆွေးနွေးကြမှာဖြစ်ကြောင်း CNF အဖွဲ့သည် ဆွေးနွေးပွဲအပြီး ကလေး ကဘော် ၊ ရန်ကုန် နှင့် ချင်းပြည်နယ် ဟားခါး၊ ဖလမ်း၊ တီးတိန်၊ ထန်တလန်ရှိ နိုင်ငံရေး ပါတီများ၊ ချင်းပြည်သူများ၊  တက္ကသိုလ်ကျောင်းသားများ နှင့် ဆက်လက် တွေ့ဆုံကြလိမ့် မည်ဖြစ် ပြီး ခရီးစဉ်တလျှောက် ဒေသခံပြည်သူတွေက ကြိုဆိုကြမည်ဟုလည်း သိရသည်။

ချင်းအမျိုးသားတပ်ဦးအနေဖြင့် မြန်မာနိုင်ငံအတွင်း ထာဝရတည်တံ့ခိုင်မြဲသည့် ငြိမ်းချမ်းရေး လမ်းစဉ်အပေါ် လျှောက်လှမ်း ရာတွင် ၂၀၁၂ ခုနှစ် တိုင်းရင်းသားညီလာခံမှ ချမှတ်ထားသည့် တိုင်းရင်းသားလူမျိုးများ၏ ငြိမ်းချမ်းရေးဆိုင်ရာ နိုင်ငံရေး လုပ်ငန်းစဉ် (၆)ချက် မှ သွေဖယ်သွား မည် မဟုတ်ကြောင်း နှင့် ချင်းအမျိုးသားတပ်ဦး၏ ချင်းအမျိုးသားများအတွက် ရည်မှန်းထားသည့် အမျိုးသားနိုင်ငံရေး ပန်းတိုင်ကို လက်ကိုင်ပြုသွားမည်ဖြစ်ကြောင်း ၄င်းတို့၏ သတင်းထုတ် ပြန်ချက် ထဲ တွင်ဖော်ပြထားသည်။

Share.

About Author

Comments are closed.