#Unicode
မာဂရက် – စစ်ကိုင်းတိုင်းဒေသကြီး ကလေးမြို့တွင် စစ်အာဏာရှင်စနစ်ဆန့်ကျင်ဆန္ဒဖော်ထုတ်မှုကြောင့် ဖမ်းဆီးခံခဲ့ရသူ စုစုပေါင်း ၅ ဦးရှိပြီဟုသိရပြီး ယင်းတို့အနက် ၄ ဦးကို ပုဒ်မ ၅၀၅ (က)ဖြင့် အမှုဖွင့်ကာ တစ်ဦးကို သဘာဝဘေးစီမံဥပဒေဖြင့် အမှုဖွင့်ခံထားရသည်ဟု ကလေးမြို့နယ်ပြည်သူ့လွှတ်တော်ကိုယ်စားလှယ် ဒေါ်ရှားမီးကပြောသည်။
အဆိုပါဖမ်းဆီးခံရသူများကို ကလေးမြို့အင်ဒိုင်းကြီးထောင်တွင် ထိန်းသိမ်းထားပြီး ၎င်းတို့လွတ်မြောက်ရေးအတွက် တရားလွှတ်တော်ရှေ့နေများနှင့် အမှုလိုက်ပါဆောင်ရွက်ပေးလျက်ရှိကြောင်း ဒေါ်ရှားမီးက သူ၏ Facebook စာမျက်နှာ တွင်ရေးသားဖော်ပြထားသည်။
“ ကျွန်မတို့ ကလေးမြို့နယ်အတွင်း ဆန္ဒပြခြင်းကြောင့် ဖမ်းဆီးခံကြရသော (၅) ဦး၊ ပုဒ်မ ၅၀၅ (က) ၄ ဦး၊ ၂၀၁၃ သဘာဝဘေးစီမံဥပဒေ ပုဒ်မ ၂၅/၃၀ (က) ဖြင့် တရားစွဲဆိုထောင်ချခံရသူများအား စေတနာအပြည့်အဝထား ကူညီစောင့်ရှောက်ပေးသူရှေ့နေများနှင့် ငွေအား၊ လူအား ကူညီကြသူများအားလုံးအပေါ် ဖမ်းဆီးထိန်းသိမ်းခံရသူ မိသားစုများ၏ ကိုယ်စားကျေးဇူးအထူးတင်ရှိကြောင်းလေးလေး နက်နက် ဖော်ပြအပ်ပါသည်။” ဟု ဒေါ်ရှားမီးက သူ၏ လူမှုကွန်ယက်စာမျက်နှာတွင်ရေးသားဖော်ပြထားသည်။
စစ်အာဏာရှင်စနစ်ဆန့်ကျင်ဆန္ဒဖော်ထုတ်မှုကြောင့် ကလေးမြို့တွင်အဖမ်းခံရသူများမှာ(၁) ဦးကျော်ကျော်မိုး (၄၇ နှစ်) ၊ (၂) ဦးလာလ်ရမ်းမောယာ(၃၄နှစ်) ၊ (၃) ဦးစိုးဝင်း(၅ဝနှစ်)၊ (၄) မောင်ဗန်လျန်ကျဲ(၂၆ နှစ်) နှင့် (၅) မဆုန်းချင်တီလ်(၂၅နှစ်) တို့ဖြစ်ကြသည်။
ရာဇသတ်ကြီး ပုဒ်မ ၅၀၅ (က) သည် အာမခံပေးခွင့်မရှိသော ပုဒ်မဖြစ်ပြီး ထောင်ဒဏ် (၂) နှစ်အထိ ကျခံနိုင်ပြီး ငွေဒဏ်လည်းကျခံနိုင်ကြောင်းသိရသည်။
ဖေဖော်ဝါရီ ၁ ရက်နေ့တွင် စစ်တပ်မှ အရပ်သားအစိုးရထံ အာဏာသိမ်းယူပြီးနောက် မြန်မာ တနိုင်ငံလုံးတွင် ငြိမ်းချမ်းစွာ ဆန္ဒဖော်ထုတ်မှုများပြုလုပ်ကြသောပြည်သူများကို ရဲနှင့် စစ်သားများက အကြမ်းဖက်ဖြိုခွင်းမှုကြောင့် သေဆုံးသူ ၁၈၀ ကျော်နှင့် ဖမ်းဆီးခံခဲ့ရသူူ ၂၀၀၀ ကျော်ရှိပြီဟ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) ၏ ထုတ်ပြန်ချက်အရသိရသည်။
#Zawgyi
မာဂရက္ – စစ္ကိုင္းတိုင္းေဒသႀကီး ကေလးၿမိဳ႕တြင္ စစ္အာဏာရွင္စနစ္ဆန႔္က်င္ဆႏၵေဖာ္ထုတ္မႈေၾကာင့္ ဖမ္းဆီးခံခဲ့ရသူ စုစုေပါင္း ၅ ဦးရွိၿပီဟုသိရၿပီး ယင္းတို႔အနက္ ၄ ဦးကို ပုဒ္မ ၅၀၅ (က)ျဖင့္ အမႈဖြင့္ကာ တစ္ဦးကို သဘာဝေဘးစီမံဥပေဒျဖင့္ အမႈဖြင့္ခံထားရသည္ဟု ကေလးၿမိဳ႕နယ္ျပည္သူ႔လႊတ္ေတာ္ကိုယ္စားလွယ္ ေဒၚရွားမီးကေျပာသည္။
အဆိုပါဖမ္းဆီးခံရသူမ်ားကို ကေလးၿမိဳ႕အင္ဒိုင္းႀကီးေထာင္တြင္ ထိန္းသိမ္းထားၿပီး ၎တို႔လြတ္ေျမာက္ေရးအတြက္ တရားလႊတ္ေတာ္ေရွ႕ေနမ်ားႏွင့္ အမႈလိုက္ပါေဆာင္ရြက္ေပးလ်က္ရွိေၾကာင္း ေဒၚရွားမီးက သူ၏ Facebook စာမ်က္ႏွာ တြင္ေရးသားေဖာ္ျပထားသည္။
“ ကၽြန္မတို႔ ကေလးၿမိဳ႕နယ္အတြင္း ဆႏၵျပျခင္းေၾကာင့္ ဖမ္းဆီးခံၾကရေသာ (၅) ဦး၊ ပုဒ္မ ၅၀၅ (က) ၄ ဦး၊ ၂၀၁၃ သဘာဝေဘးစီမံဥပေဒ ပုဒ္မ ၂၅/၃၀ (က) ျဖင့္ တရားစြဲဆိုေထာင္ခ်ခံရသူမ်ားအား ေစတနာအျပည့္အဝထား ကူညီေစာင့္ေရွာက္ေပးသူေရွ႕ေနမ်ားႏွင့္ ေငြအား၊ လူအား ကူညီၾကသူမ်ားအားလုံးအေပၚ ဖမ္းဆီးထိန္းသိမ္းခံရသူ မိသားစုမ်ား၏ ကိုယ္စားေက်းဇူးအထူးတင္ရွိေၾကာင္းေလးေလး နက္နက္ ေဖာ္ျပအပ္ပါသည္။” ဟု ေဒၚရွားမီးက သူ၏ လူမႈကြန္ယက္စာမ်က္ႏွာတြင္ေရးသားေဖာ္ျပထားသည္။
စစ္အာဏာရွင္စနစ္ဆန႔္က်င္ဆႏၵေဖာ္ထုတ္မႈေၾကာင့္ ကေလးၿမိဳ႕တြင္အဖမ္းခံရသူမ်ားမွာ(၁) ဦးေက်ာ္ေက်ာ္မိုး (၄၇ ႏွစ္) ၊ (၂) ဦးလာလ္ရမ္းေမာယာ(၃၄ႏွစ္) ၊ (၃) ဦးစိုးဝင္း(၅ဝႏွစ္)၊ (၄) ေမာင္ဗန္လ်န္က်ဲ(၂၆ ႏွစ္) ႏွင့္ (၅) မဆုန္းခ်င္တီလ္(၂၅ႏွစ္) တို႔ျဖစ္ၾကသည္။
ရာဇသတ္ႀကီး ပုဒ္မ ၅၀၅ (က) သည္ အာမခံေပးခြင့္မရွိေသာ ပုဒ္မျဖစ္ၿပီး ေထာင္ဒဏ္ (၂) ႏွစ္အထိ က်ခံနိုင္ၿပီး ေငြဒဏ္လည္းက်ခံနိုင္ေၾကာင္းသိရသည္။
ေဖေဖာ္ဝါရီ ၁ ရက္ေန႔တြင္ စစ္တပ္မွ အရပ္သားအစိုးရထံ အာဏာသိမ္းယူၿပီးေနာက္ ျမန္မာ တနိုင္ငံလုံးတြင္ ၿငိမ္းခ်မ္းစြာ ဆႏၵေဖာ္ထုတ္မႈမ်ားျပဳလုပ္ၾကေသာျပည္သူမ်ားကို ရဲႏွင့္ စစ္သားမ်ားက အၾကမ္းဖက္ၿဖိဳခြင္းမႈေၾကာင့္ ေသဆုံးသူ ၁၈၀ ေက်ာ္ႏွင့္ ဖမ္းဆီးခံခဲ့ရသူူ ၂၀၀၀ ေက်ာ္ရွိၿပီဟ နိုင္ငံေရးအက်ဥ္းသားမ်ားကူညီေစာင့္ေရွာက္ေရးအသင္း(AAPP) ၏ ထုတ္ျပန္ခ်က္အရသိရသည္။
