(006SV) အာဆီယံခေါင်းဆောင်များအနေဖြင့် မြန်မာပြည်သူများ၏ ဒီမိုကရေစီဆန္ဒကို အကောင်အထည်ဖော်နိုင်မည့် နိုင်ငံရေး ရလဒ်များကို ဖော်ဆောင်ပေးရန် ချင်းပြည်အစိုးရနှင့် ချင်းပြည်လွှတ်တော်အပါအဝင် တော်လှန်ရေးအစုအဖွဲ့ ၁၇ ဖွဲ့က တောင်းဆိုသည်။ အာဆီယံ ခေါင်းဆောင်များထံ အိတ်ဖွင့်ပေးစာအဖြစ် ယနေ့ နိုဝင်ဘာလ ၃ ရက်တွင် အမျိုးသားဒီမိုကရေစီအဖွဲ့ချုပ် (NLD) ပါတီနှင့် တိုင်းနှင့်ပြည်နယ် ၁၂ ခုတို့မှ ဒေသအစိုးရနှင့် လွှတ်တော် အင်အားစု ၊ စုစုပေါင်း ၁၇ ဖွဲ့က တောင်းဆိုခြင်းဖြစ်သည်။ မြန်မာ့နိုင်ငံရေးနှင့် ပတ်သက်၍ အာဆီယံအဖွဲ့ဝင် နိုင်ငံများက စစ်အာဏာသိမ်းခေါင်းဆောင်နှင့် ထိတွေ့ဆက်ဆံမှုများ၏ ဦးတည်ချက်အပေါ် စိုးရိမ်မိကြောင်း အဆိုပါအင်အားစုအဖွဲ့က အသိပေးထုတ်ပြန်သည်။ ယင်းထိတွေ့ ဆက်ဆံမှုများသည် မြန်မာပြည်သူများ၏ ဒီမိုကရေစီ ဆန္ဒနှင့် မျှော်မှန်းချက်များကို ထင်ဟပ်သော လက်တွေ့ နိုင်ငံရေးရလဒ်များ မကင်းကွာသွားစေရန် လိုအပ်ကြောင်း အိတ်ဖွင့်ပေးစာမှာ တိုက်တွန်းထားသည်။ “မြန်မာ့အကျပ်အတည်းကို ဖြေရှင်းနိုင်ရေး ကြိုးပမ်းရာမှာ ထိတွေ့ဆက်ဆံမှု ကိုယ်တိုင်သည် ရည်မှန်းချက် တစ်ခု မဖြစ်သင့်သကဲ့သို့ အဓိပ္ပါယ်ရှိသော တိုင်းတာနိုင်သည့် တိုးတက်မှုများ မရရှိဘဲ နိုင်ငံရေး တရားဝင်မှုကို ပေးအပ်သကဲ့သို့ မဖြစ်သင့်ပါ” ဟု အိတ်ဖွင့်ပေးစာမှာ အသိပေးထားသည်။ စစ်အာဏာသိမ်းခေါင်းဆောင်များနှင့် မည်သည့် ထိတွေ့ဆက်ဆံမှုများကို မဆို အကြမ်းဖက်မှု ရပ်တန့်ရေး၊ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွတ်မြောက်ရေး၊ ဒီမိုကရေစီ ပြန်လည်ထူထောင်ရေးနှင့် အားလုံးပါဝင်နိုင်သော နိုင်ငံရေးလုပ်ငန်းစဉ်တစ်ရပ် ပေါ်ပေါက်လာရေးတို့အတွက် အမှန်တကယ် အထောက်အကူပြုမှု ရှိ၊ မရှိ အပေါ် အခြေခံ၍ အကဲဖြတ်သင့်ကြောင်း တော်လှန်ရေးအင်အားစုများက တောင်းဆိုသည်။…
Author: Editor
(002MG) စစ်ကိုင်းတိုင်း၊ ကလေးမြို့ပေါ်တွင် စစ်မှုထမ်းတပ်သားအတွက် ပေါ်တာဆွဲဖမ်းဆီးမှုအခြေအနေပိုပိုဆိုးလာနေပြီး လမ်းသွားလမ်းလာလူငယ်များကို သေနတ်ဖြင့်ချိန်ရွယ်ကာ ဖမ်းဆီးမှုများရှိလာသည်ဟု သိရသည်။ ယမန်နေ့ နိုဝင်ဘာလ ၂ ရက်နေ့က တာဟန်းရပ်ကွက်၊ ဗိုလ်ချုပ်လမ်း မကြီး၊ ဒိုးဝိုင်းချောင်းလမ်း ခွဲအနီးတွင် ပစ္စည်း ပို့သည့် လူငယ်အမျိုးသား (၂) ဦးအား စစ်အုပ်စုတပ်ဖွဲ့ဝင်များက သေနတ်ဖြင့် ချိန်ရွယ်ကာ ဖမ်းဆီးခေါ်ဆောင်သွား သည်ဟု သိရသည်။ “အကျီအပြာရောင်၊ အရပ်ဝတ်မျက်နှာဖုံးတွေနဲ့ လမ်းထောင့်တွေမှာ သေနတ်ကိုင်ထားပြီး အခြေခံနေ့ စားအလုပ်သမား၊ လက်လုပ်လက်စား၊ ဆိုက်တွဲဆရာ၊ ပန်းရံဆရာတွေအထိ သူတို့မသင်္ကာတဲ့သူဆို သေနတ်နဲ့ချိန်ပြီး ဥပဒေမဲ့ ဖမ်းဆီးနေ တာပါ။ အဖမ်းအဆီးတွေက ပိုပိုပြီး လူမြင်ကွင်းတွေမှာတွေ့ရတယ်။ အတိအကျတော့ မသိရပေမယ့် စစ်မှုထမ်း အပတ်စဉ်တစ်ခုအတွက် လူအယောက် ၁၅၀ ကနေ ၂၅၀ ကြား အတင်းအဓမ္မဖမ်းဆီးနေ တယ်” ဟု ကလေးမြို့ လူထုတိုက်ပွဲဦးဆောင်ကော်မတီ အဖွဲ့ဝင်တစ်ဦးက ပြောသည်။ ယခုကဲ့သို့ ပေါ်တာဆွဲဖမ်းဆီးမှုများလာသည့်အတွက် အသက် (၁၈) နှစ်မှ (၃၅) နှစ်အကြားရှိ လူငယ်အမျိုးသား အများစုသည် ဖမ်းဆီးခံရမည်စိုးရိမ် သောကြောင့် တော်လှန် ရေးတပ် ဖွဲ့များထိန်းချုပ်သည့် နေရာနှင့် အိန္ဒိယ-မြန်မာနယ်စပ်ဘက်သို့ ထွက်ပြေးတိမ်း ရှောင်သူများပြားလာသည်ဟု သိရသည်။ ထို့အပြင် ဘုရားဝတ်ပြု၊ ကျောင်းတက် သည့် လူငယ်များလည်း ဖမ်းဆီးခံရမည်စိုးရိမ်သောကြောင့် တနဂ်နွေနေ့တိုင်း ဘုရားကျောင်းဝတ်ပြုခြင်း နှင့် လူငယ်မိတ်သဟာယ အစီအစဉ်များတွင် ပါဝင်သူ သိသိသာသာ နည်းပါးလာကြောင်း ကလေးမြို့က လူငယ် အမျိုးသမီးတစ်ဦးက ပြောသည်။ “ပြီးခဲ့တဲ့လက…
မြေငလျင်လှုပ်ခြင်း၊ မြေပြိုခြင်း၊ မိုးသည်းထန်စွာရွာသွန်းပြီး ရေကြီးရေလျှံခြင်းနဲ့ ရေကြောင်းပြောင်းလဲခြင်း စတဲ့ သဘာဝဘေးအန္တရာယ်တွေကြောင့် မြေပေါ်၊ မြေအောက် ရှိနေနိုင်တဲ့ မြေမြုပ်မိုင်းနဲ့ တခြားပေါက်ကွဲစေတတ်သောပစ္စည်းတွေဟာ မူလတည်ရှိရာနေရာတွေကနေ ယခင်က အန္တရယ်ကင်းနေခဲ့သောနေရာတွေကို မျောပါ/ရွေ့လျားသွားတတ်ပါတယ်။ ဒီအခြေအနေကြောင့် အရင်က ဘေးကင်းတယ်လို့ ယူဆထားတဲ့ လယ်ကွင်းများ၊ သွားလာနေကျ လမ်းများ၊ မြစ်ချောင်းကမ်းပါးတွေနဲ့ လူနေထိုင်သွားလာတဲ့ ဧရိယာထဲကို မြေမြုပ်မိုင်းနဲ့ တခြားပေါက်ကွဲစေတတ်သောပစ္စည်းတွေ မထင်မှတ်ဘဲ ရောက်ရှိလာနိုင်တာကြောင့် သဘာဝဘေးအန္တရာယ်ကြုံတွေ့ပြီးနောက် ပုံမှန်လှုပ်ရှားသွားလာတဲ့နေရာတွေမှာတောင် အထူးသတိပြုဖို့ လိုအပ်ပါတယ်။ သဘာဝဘေးအန္တရာယ် ဖြစ်ပွားပြီးချိန်မှာ မိုင်းအန္တရာယ် သတိပေးဆိုင်းဘုတ်တွေ၊ အမှတ်အသားတွေဟာလည်း ရေနဲ့အတူမျောပါလာခြင်း/ ပျက်စီးခြင်းများ ဖြစ်နိုင်တာကြောင့် အမှတ်အသားမရှိရင်တောင် ၎င်းနေရာတွေကို ဘေးကင်းတယ်လို့ လုံးဝ မယူဆပါနဲ့။ သဘာဝဘေးအန္တရာယ်တွေပြီးနောက် သင့်ထံ မထင်မှတ်ဘဲ ရောက်ရှိလာနိုင်တဲ့ အသက်အန္တရာယ်တစ်ခု ရှိနေပါတယ်။ ငလျင်လှုပ်ခြင်း၊ မြေပြိုခြင်းနဲ့ ရေကြီးရေလျှံမှုတွေကြောင့် မြေကြီးထဲက မြေမြုပ်မိုင်းနဲ့ တခြားပေါက်ကွဲစေတတ်သောပစ္စည်းတွေဟာ နေရာဟောင်းကနေ မျောပါရွေ့လျားသွားတတ်ပါတယ်။ မနေ့က ဘေးကင်းခဲ့တဲ့ လမ်းဟာ ဒီနေ့ အန္တရာယ်နယ်မြေ ဖြစ်သွားနိုင်ပါတယ်။ ဒါကြောင့် သဘာဝဘေးတွေဖြစ်ပွားပြီးစနေရာတွေမှာ – မသင်္ကာစရာ ပစ္စည်းမှန်သမျှကို လုံးဝ မထိ၊ မကိုင်၊ မနင်း၊ အိမ်ကို မယူလာပါနဲ့။ ရေမျောပါလာတဲ့ အမှိုက်ပုံတွေ၊ သစ်တုံးတွေကို လက်နဲ့ မဆွပါနဲ့။ ကလေးငယ်တွေကို ရေကြီးထားတဲ့ ရေအိုင်ရွှံ့နွံတွေထဲ သွားရောက် မဆော့ကစားပါစေနဲ့။ ဆောင်ရန်နှင့် ရှောင်ရန်ဆိုတဲ့ ဒီအချက်တွေကို အနီးကပ်လိုက်လျှောက်လုပ်ဆောင်ပါ… ✅ ဆောင်ရန်များ • သဘာဝဘေးအပြီး သွားလာရာတွင် မိမိကျွမ်းကျင်သော သို့မဟုတ် လူအများ…
(004SS) ချင်းပြည်နယ်၊ ဟားခါးမြို့မှ ဖလမ်းမြို့သို့ သုံးဘီးဖြင့် ပြန်လာသည့် သားအမိ ၃ ဦးနှင့် လိုက်ပါပို့ဆောင်ပေးသူ သုံးဘီးယာဉ်မောင်းတို့သည် ဟားခါး-ဖလမ်းကားလမ်းမပေါ်ရှိ Rialti ရွာအဝင်မှာ သေနတ်ဒဏ်ရာများဖြင့် သေဆုံးနေသည် ကို နိုဝင်ဘာလ ၁ ရက်နေ့က တွေ့ရှိခဲ့ကြသည်ဟု သိရသည်။ အသက် ၄၃ နှစ်အရွယ် Nu Hrang Cer Thluai နှင့် သမီး ၂ယောက်ဖြစ်သည့် အသက် ၁၆ နှစ်အရွယ် Mai Cer Sin Mawi Leng Chiang ၊ အသက် ၉ နှစ်အရွယ် Mai Noel Pam Chaing တို့သည် ဟားခါးမြို့တွင် တာဝန်ထမ်းဆောင်နေသော ခင်ပွန်းဖြစ်သူထံ အလည်အပတ်သွားရောက်ခဲ့ကြသည်ဟု သိရသည်။ ထို့နောက် အောက်တိုဘာ ၃၁ ရက်နေ့တွင် Nu Hrang Cer Thluai တို့ သားအမိ ၃ ယောက်သည် သုံးဘီးယာဉ်မောင်း အသက် ၃၅ နှစ်အရွယ် ကိုအောင်ကျော်ထွေး (ခ) အောင်လေးနှင့်အတူ ဟားခါးမြို့မှ ဖလမ်းမြို့သို့ သုံးဘီးဖြင့် ပြန်သွားကြသည့်အချိန်တွင် အဆက်အသွယ်ပြတ်တောက်သွားခဲ့ခြင်းဖြစ်သည်ဟု အခြေအနေသိရှိသူဒေသခံတစ်ဦးထံမှသိရသည်။ ၎င်းတို့သည် ဖလမ်းမြို့သို့ ရောက်ရှိရမည့်အချိန်တွင် ရောက်မလာသောကြေင့် ခင်ပွန်းဖြစ်သူက လိုက်လံဆက်သွယ် စုံစမ်းရာမှာ နိုဝင်ဘာလ ၁ ရက်နေ့တွင် ဟားခါး-ဖလမ်း လမ်းပေါ်ရှိ Rialti ရွာအဝင်လမ်းကွေ့တစ်နေရာတွင် သုံးဘီးယာဉ်ပေါ်မှာ သေနတ်ဒဏ်ရာများဖြင့် သေဆုံးနေကြသည်ဟု တွေ့ရှိခဲ့ကြခြင်းဖြစ်သည်။ အဆိုပါဖြစ်စဉ်နှင့် ပတ်သက်၍…
(006SV) ချင်းကာကွယ်ရေးတပ်ဖွဲ့ CNO/ CNDF ၏ ကလေးမြို့နယ်နှင့် အထက်ချင်းတွင်းဒေသတွင် စစ်ရေးလှုပ်ရှားသော CNDF ၊ တပ်မဟာ ၄ (Upper Chindwin Region – UCR) မှ တပ်ဖွဲ့ဝင် အများအပြားသည် အာဏသိမ်းစစ်တပ်နှင့် ပူးပေါင်း သွားသည်ဟူ၍ သတင်း များ ထွက်ပေါ်နေခြင်းမှာ မဟုတ်မှန်ကြောင်း CNO ယာယီဥက္ကဌ ဆလိုင်းပီတာထန်းက ပြောသည်။ စစ်ကိုင်းတိုင်း၊ ကလေးမြို့နယ်နှင့် အထက်ချင်းတွင်းဒေသအခြေစိုက် CNO/ CNDF ၊ တပ်မဟာ – ၄ မှ တပ်ဖွဲ့ဝင် ၄၀ ခန့်သည် အောက်တိုဘာလ ၂၇ ရက်က စစ်တပ်နှင့် ပူးပေါင်းသွားသည်ဟု သတင်းများ ကျယ်ကျယ်ပြန့်ပြန့်ထွက်ပေါ် နေခြင်းဖြစ်သည်။ “(တပ်မဟာ – ၄ တပ်ဖွဲ့ဝင် အင်အားတွေ ပူးပေါင်းသွားတာ) အဲဒါက မဟုတ်ပါဘူး။ သတင်းက မဖြစ်နိုင်တာပါ၊၊ ဥပမာအနေနဲ့ ပေါ့နော်၊၊ တစ်ယောက်စ ၊ နှစ်ယောက်စ ထွက်ပြေးပြီးမှ စကစဆီမှာ သွားခိုလှုံတာက ရှိကောင်း၊ ရှိနိုင်တယ်။ ဒါကလည်း ရှိ၊ မရှိတော့ ကျနော်လည်း မသေချာဘူး။ ဒါပေမယ့် BGF အတွက် သွားပြီးတော့မှ ဘာဖြစ်တယ်၊ ညာဖြစ်တယ်ဆိုတာက လောလောဆယ် ဖလမ်းမြို့နယ်အတွင်းမှာ ဖြစ်ဖြစ်၊ ချင်းပြည်နယ်အတွင်းမှာ ဖြစ်ဖြစ် BGF ဆိုပြီးတော့ ရှိကို မရှိတာဗျ” ဟု CNO / CNDF ယာယီဥက္ကဌ ဆလိုင်းပီတာထန်းက ပြောသည်။ တပ်မဟာ…
ထန်တလန်သို့ Non- CDM များ ပို့ဆောင်မည့်ခရီးစဉ် ကြိုကာရန် လေကြောင်းဗုံးကြဲခြင်းဖြစ်နိုင်ဟု ဆို (006SV) ချင်းပြည်နယ်၊ ဟားခါးမြို့နယ်၊ ဇိုခွါရွာအနီးရှိ CDF – ဟားခါး၏ စခန်းဟောင်းတစ်ခုကို ယနေ့နံနက်ပိုင်းမှာ အာဏာသိမ်းစစ်တပ်က ဂျက်ဖိုက်တာများဖြင့် ဗုံး ၄ လုံး ကြဲချတိုက်ခိုက်သွားကြောင်း သိရသည်။ ယနေ့ အောက်တိုဘာလ ၃၀ ရက် နံနက် ၁ နာရီ ၂၅ မိနစ်ခန့်က စစ်တပ်သည် ဂျက်ဖိုက်တာ ၂ စီးဖြင့် CDF – ဟားခါး စခန်းဟောင်း နေရာကို ၃ ကြိမ်းခန့် လှည့်ပတ်ပျံသန်းပြီးနောက် ဗုံး ၄ လုံးဖြင့် တိုက်ခိုက်သွားခြင်းဖြစ်သည်ဟု CDF – ဟားခါး ဥက္ကဌက ပြောသည်။ “မနက်ပိုင်းမှာ အဲဒီစခန်းဟောင်းမှာ လေးလုံးချခဲ့တယ်ပေါ့နော်။ အဲဒီအလုံးတွေကလည်း အသေးတွေပါ။ အရွယ်အစားကိုတော့ သေချာ မခန့်မှန်းနိုင်ဘူးပေါ့နော်။ စခန်းဟောင်းထဲကို ကျတာပေါ့။ အဲဒီစခန်းက တော်တော်လည်း ပေါ်တင်ကြီး ဖြစ်နေတယ်။ အပေါ်ကနေဆိုရင် မြင်သာတယ်ပေါ့။ နောက်ပြီးတော့ ဝင်ထွက်လည်း များခဲ့တော့ မလုံခြုံဘူးဆိုပြီးတော့မှ ထားခဲ့တာက ၄ လလောက်ရှိပြီပေါ့နော်။ အဲဒါ အဟောင်းပဲ။ အဲဒါကြောင့် လူထိခိုက်ဒဏ်ရာရတာလည်း မရှိဘူး” ဟု CDF – ဟားခါးဥက္ကဌက ပြောသည်။ ယခင်က ထိခိုက်ပျက်စီးပြီးသားများဖြစ်သော စခန်းဟောင်းရှိ အဆောက်အအုံတချို့နှင့် နေအိမ်တချို့ ထပ်မံ ပျက်စီးမှု ရှိခဲ့ပြီး လူထိခိုက်ဒဏ်ရာ ရရှိမှု မရှိကြောင်း သိရသည်။ CDF…
(006SV) ချင်းပြည်နယ်တောင်ပိုင်း၊ မင်းတပ်မြို့ပေါ်ကို အာဏာသိမ်းစစ်တပ်က ယမန်နေ့က လေကြောင်းတိုက်ခိုက်မှု ပြုလုပ်ခဲ့ရာ နေအိမ် ၁၀ လုံးကျော် ထိခိုက်ပျက်စီးမှု ရှိခဲ့ကြောင်း သိရသည်။ ယမန်နေ့ အောက်တိုဘာလ ၂၉ ရက် ညနေ ၄ နာရီခန့်က မင်းတပ်မြို့ပေါ် တစ်နေရာကို စစ်တပ်က ဂျက်ဖိုက်တာဖြင့် ပေါက်ကွဲအားပြင်း ဗုံး ၂ လုံး ကြဲချတိုက်ခိုက်သွားသည်ဟု မင်းတပ်ဒေသခံတစ်ဦးထံမှ သိရသည်။ စစ်တပ်က မင်းတပ်မြို့ပေါ်ကို အကြောင်းမဲ့ လေကြောင်းတိုက်ခိုက်သွားခြင်းဖြစ်ပြီး မြို့ပေါ် နေအိမ် ၈ လုံးခန့် ထိပျက်စီးသွားသည်ဟု မင်းတပ်ဒေသခံတစ်ဦးထံမှ သိရသည်။ ယမန်နေ့ ည ၇ နာရီဝန်းကျင်ခန့်ကလည်း မင်းတပ်မြို့ပေါ် တစ်နေရာကို စစ်တပ်က ဂျက်ဖိုက်တာ တစ်စီးဖြင့် ဗုံး ၂ လုံး အသုံးပြု၍ ထပ်မံလေကြောင်းတိုက်ခိုက်ခဲ့ပြီး မြို့ပေါ်နေအိမ် ၃ လုံးခန့် ထိခိုက်ပျက်စီးသွားကြောင်း သိရသည်။ မင်းတပ်မြို့ပေါ်နေရာများကို စစ်တပ်၏ လေကြောင်းတိုက်ခိုက်မှုများကြောင့် အောက်တိုဘာလ ၂၅ ရက်တွင် နေအိမ် ၇ လုံးကျော် ထိခိုက်ပျက်စီးပြီး အောက်တိုဘာလ ၂၄ ရက်တွင် နေအိမ် ၁၀ လုံးကျော် ထိခိုက်ပျက်စီးကြောင်း၊ အောက်တိုဘာလ ၂၂ ရက်ကလည်း မင်းတပ်မြို့အနီးနေရာများကို Y- 12 နှင့် ဂျက်ဖိုက်တာများ အုပ်စုလိုက် အသုံးပြု၍ လေကြောင်းတိုက်ခိုက်မှုများ ပြုလုပ်ခဲ့သည်။ မင်းတပ်မြို့၊ ကန်ပက်လက်မြို့နှင့် ကျင်ဒွေးမြို့သို့ ဦးတည်ထိုးစစ်ဆင်နေသော စစ်တပ်နှင့် CPU/ CPA နှင့် မဟာမိတ် ပူးပေါင်းတပ်များသည်…
မြန်မာစစ်တပ်၏ လော်ဘီငှားရမ်းခွင့်ကို ပိတ်ပင်ရန် ထပ်မံတိုက်တွန်း (006SV) အမေရိကန်အစိုးရနှင့် ဆက်ဆံရေးကောင်း တည်ဆောက်နိုင်ရန် အာဏာသိမ်းစစ်တပ်နှင့် ၎င်း၏ စစ်အစိုးရအတွက် တစ်နှစ်ကို ဒေါ်လာ ၃ သန်းယူပြီး လော်ဘီပြုလုပ်ပေးနေသော ဝါရှင်တန်ဒီစီအခြေစိုက် DCI Group ကို အမေရိကန်အထက် လွှတ်တော် အမတ်ဟောင်းတစ်ဦးက ပြင်းထန်စွာ ဝေဖန်လိုက်သည်။ အောက်တိုဘာလ ၂၇ ရက်က ဗားဂျီးနီးယားပြည်နယ်၊ ဖောလ်စ်ချချ်၊ 21WILBERFORCE မှ ကျင်းပသော ၂၀၂၆ ခုနှစ် ဖရန့်ဝုဖ် နိုင်ငံတကာ ဘာသာရေးလွတ်လပ်ခွင့်ဆုပေးပွဲ အစီအစဉ်မှာ ရီပတ်ဘလီကန်ပါတီဝင်၊ ကွန်ဂရက်လွှတ်တော်အမတ်ဟောင်း ဖရန့်ဝုဖ် (Frank Wolf) က ယင်းသို့ ကန့်ကွက်ရှုတ်ချခြင်းဖြစ်သည်။ အဆိုပါခမ်းအနားတွင် အာဏာသိမ်းစစ်တပ်၏ ခရစ်ယာန်များအပေါ် ဆိုးရွားစွာ ဖိနှိပ်မှုများကိုလည်း ၁၉၉၈ ခုနှစ်က နိုင်ငံတကာ ဘာသာရေးလွတ်လပ်ခွင့် အက်ဥပဒေ ပြဌာန်းနိုင်ရေး ဦးဆောင်ခဲ့သူ အဆိုပါ အထက်လွှတ်တော် အမတ်ဟောင်းက ထည့်သွင်းပြောကြားခဲ့သည်ဟု Burma Research Institute (BRI) က အောက်တိုဘာလ ၂၈ ရက် ထုတ်ပြန်သည်။ အာဏာသိမ်းစစ်တပ်၏ ဘာသာရေးလွတ်လပ်ခွင့်ကို ဆိုးရွားစွာ ချိုးဖောက်မှုများ၊ အထူးသဖြင့် ခရစ်ယာန် အသိုင်းအဝိုင်းအပေါ် ပစ်မှတ်ထား တိုက်ခိုက်နေမှုများကိုလည်း ၎င်းက ဝေဖန်ခဲ့သည်။ အမေရိကန် လော်ဘီကုမ္ပဏီများ ငှားရမ်းနိုင်ခြင်းမှ အာဏာသိမ်းစစ်တပ်ကို တားမြစ်မည့် ဥပဒေပြဌာန်းရန် လိုအပ်နေကြောင်း လည်း အဆိုပါအထက်လွှတ်တော်အမတ်ဟောင်းက တိုက်တွန်းသည်။ “စစ်တပ်ဟာ ဘုရားကျောင်းတွေကို ဗုံးကြဲပြီး ဘာသာဝင် အသိုက်အဝန်းတွေကို အကြမ်းဖက်နေချိန်မှာ ဝါရှင်တန်မှာ…
(006SV) ချင်းတော်လှန်ရေးတပ်ဖွဲ့ CDF – ဟားခါး၏ ထိန်းချုပ်နယ်မြေအတွင်းရှိ စစ်သုံ့ပန်းများ ထိန်းသိမ်းရာ အကျဉ်းစခန်းကို အာဏာသိမ်းစစ်တပ်က ဂျက်ဖိုက်တာဖြင့် လေကြောင်းတိုက်ခိုက်မှု အပြင်းအထန် ပြုလုပ်ခဲ့ရာ စစ်အုပ်စုတပ်ဖွဲ့ဝင် စစ်သုံ့ပန်း ၁၀ ဦးအထိ အစုလိုက်အပြုံလိုက် သေဆုံးကြောင်း သိရသည်။ ယမန်နေ့ အောက်တိုဘာ ၂၈ ရက် ည ၈ နာရီ ၂၅ မိနစ်ခန့်မှ ၄၆ မိနစ်အထိ မိနစ် ၂၀ အကြာ၊ အာဏာသိမ်းစစ်တပ်က ဂျက်ဖိုက်တာ ၃/၄ စီးဖြင့် လာရောက်ဗုံးကြဲတိုက်ခိုက်ခြင်းဖြစ်ပြီး တစ်ကြိမ်လေကြောင်းတိုက်ခိုက်လျှင် ဗုံး ၁ လုံးမှ ၂ လုံးအထိ အသုံးပြု၍ ၅ ကြိမ် လေကြောင်းတိုက်ခိုက်မှု ပြုလုပ်ခဲ့ကြောင်း CDF – ဟားခါး ဥက္ကဌ Salai Hram Lian က ပြောသည်။ “အဲဒီလိုနဲ့ ကျွန်တော်တို့ ဒီ စစ်သုံ့ပန်းတွေ ထားတဲ့ ဌာနချုပ်ပေါ့နော်၊ ထားတဲ့နေရာပေါ့။ အဲဒါကို လာပစ်တာ။ အဆောက်အဦနဲ့ ထားတဲ့နေရာပေါ့နော်။ ဒီစစ်သုံ့ပန်းထဲက ကျတာများတယ်။ ၁၀ ယောက်လောက် ကျသွားတယ်ပေါ့နော်။ ကျန်တာတော့ ဒဏ်ရာတွေနဲ့ပေါ့” ဟု CDF – ဟားခါး ဥက္ကဌက ပြောသည်။ CDF – ဟားခါး၏ စစ်သုံ့ပန်းအကျဉ်းစခန်း လေကြောင်းတိုက်ခိုက်မှုအတွင်း စစ်ကောင်စီတပ်ဖွဲ့ဝင် ၁၀ ဦး သေဆုံးပြီး ၅ ဦး ထိခိုက်ဒဏ်ရာများ ရရှိကာ အလောင်းတချို့မှာ ပြန်ဆယ်ယူ၍ မရနိုင်လောက်သော…
(006SV) ချင်းပြည်နယ်၊ ကန်ပက်လက်မြို့နယ်နှင့် မကွေးတိုင်း၊ စေတုတ္တရာမြို့နယ်အစပ်ရှိ ချင်းအပါအဝင် စစ်ဘေးရှောင် ပြည်သူ ၅၀၀ ခန့်သည် ရာသီတုပ်ကွေး၊ အရေပြားရောဂါနှင့် ဝမ်းရောဂါများ ဖြစ်ပွားနေပြီး လူနာတချို့သည် ဆေးဝါး ရှားပါး၍ အမြစ်ပြတ်အောင် မကုသနိုင်ဘဲ တဖန်တလဲလဲ ရောဂါဖြစ်ပွားနေကြောင်း သိရသည်။ “ကျနော်တို့ ကျန်းမာရေး စုစုပေါင်း စောင့်ရှောက်ပေးခဲ့ရတဲ့ လူနာဦးရေကတော့ ၅၀၀ ကျော်ရှိပါတယ်။ ဒါပေမဲ့ အများဆုံးဖြစ်တာ ကတော့ အရွယ်စုံ ဖြစ်ကြတာပါ။ အဖြစ်များတဲ့ ရောဂါတွေကလည်း အရေပြား နဲ့ဆိုင်တဲ့ ရောဂါတွေရယ်၊ ဒီရာသီပေါ် တုပ်ကွေး တွေရယ်၊ ဒီဝမ်းပျက်ဝမ်းလျှော ရောဂါတွေ အဖြစ်များတာ အများဆုံး တွေ့ရပါတယ်၊၊ တချို့ဟာတွေဆို ဆေးဝါး မလုံလောက်တာ တွေကြောင့် ခဏခဏ ပြန်ပြန်ဖြစ်တဲ့ လူနာတွေလည်း အများကြီး ရှိပါတယ်” ဟု မြေလတ်လွတ်မြောက်ရေးတပ်တော် ကျန်းမာရေးတာဝန်ခံက ပြောသည်။ ချင်းပြည်နယ်၊ ကျင်ဒွေးမြို့သို့ စစ်တပ်က စစ်ကြောင်းထိုးလာချိန်မှစ၍ ကန်ပက်လက်မြို့နယ်နှင့် စေတုတ္တရာမြို့နယ်အစပ်ရှိ စစ်ဘေးရှောင် ၂၀၀၀ ခန့်သည် တောတောင်နှင့် တောင်ယာတဲများတွင် အိုးအိမ်စွန့်၍ စစ်ဘေးရှောင်နေရသည်ဟု အဆိုပါတပ်တော် ကျန်းမာရေးတာဝန်ခံက ပြောသည်။ ကျင်ဒွေးသို့ စစ်တပ်စစ်ကြောင်းထိုးလာမှုကြောင့် ကန်ပက်လက်မြို့နယ်မှ ကျေးရွာများ၊ လောင်းရှည်ဒေသမှ ကျေးရွာများ စစ်ဘေး ရှောင်ရချိန်တွင် စစ်ရှောင်ဦးရေ များပြားလာခြင်းဖြစ်ပြီး ရာသီအကူးအပြောင်းကြောင့် ရောဂါများ ဖြစ်ပွားစဉ် လူနာဦးရေ များပြား ခြင်းကြောင့် ဆေးဝါးကုသခြင်းမှာ မလုံလောက်မှုများ ဖြစ်ပေါ်နေသည်။ စစ်ဘေးရှောင်စခန်းများအတွင်း ရာသီတုပ်ကွေး၊ အရေပြားရောဂါနှင့် ဝမ်းရောဂါများ စစ်ရှောင်ပြည်သူလူနာ…