အိန္ဒိယနိုင်ငံရောက် ချင်းဒုက္ခသည်များသည် UNHCR ၏ ဆုံးဖြတ်ချက်ကို ကန့်ကွက်သည့်အနေဖြင့် နယူးဒေလီ UN ရုံးရှေ့တွင် ဒီကနေ့ ဇန်နဝါရီ ၁၆ ရက်နေ့တွင် ဒုက္ခသည်လူဦးရေ ၃၀၀ ကျော်တိုက ဆန္ဒဖော်ထုတ်ခဲ့ကြသည်။
ယခုကဲ့သို့ ကန့်ကွက်ဆန္ဒပြရသည့်အကြောင်းရင်းမှာ ပထမအကြိမ် notification interview ဖြေဆိုသူများကို ဒုတိယအကြိမ် အင်တာဗျူးမပြုလုပ်ဘဲ UN ကဒ်ကို သက်တမ်းတိုးပေးရန် နှင့် လက်ရှိအခြေအနေတွင် ချင်းဒုက္ခသည်များသည် နိုင်ငံတကာ ကာကွယ်မှု လိုအပ်နေသေးကြောင်း သိရှိနိုင်ရန် ဆန္ဒပြရခြင်းဖြစ်သည်ဟု နယူးဒေလီရှိ ချင်းဒုက္ခသည်များဆိုင်ရာ အဖွဲ့တို့မှ သဘောထားထုတ်ပြန်ခဲ့သည်။
အဆိုပါကိစ္စနှင့် ပတ်သက်၍ နယူးဒေလီမြို့ရှိ Chin Human Right Organization (CHRO) ရုံးတာဝန်ခံ Salai Cung Dawt က “မနက် ၁၁း၀၀ နာရီကနေ ညနေ ၅း၃၀ အထိ ပြဖို့တော့ စီစဉ်ထားတယ်။ ရဲတွေကို အကြောင်းကြားထားတယ်ထင်တယ်၊ ရဲတွေလာပြီးမေးမြန်တာတော့ရှိတယ် ဒါပေမယ့် ကျနော်တို့ ဆန္ဒပြရတဲ့အကြောင်းအရင်း ထုတ်ပြန်ချက်ကိုပြပြီး ကောင်းကောင်းမွန်မွန် ရှင်းပြခဲ့တယ်၊ ဆူဆူပူပူမလုပ်ဘဲ အေးအေးဆေးဆေး နေကြလို့ဘဲပြောသွားတယ်၊ ဘာမှ ပြဿနာတော့မရှိပါဘူ။ UN officer တစ်ယောက်က ကျနော်တို့ တောင်းဆိုထားတဲ့ ထုတ်ပြန်ချက် original ကို ယူတယ်၊ UN ဘက်ကတော့ ဘာမှတုန့်ပြန်မှုတော့မရှိသေးဘူး”ဟု ပြောသည်။
UN ဘက်က တုန့်ပြန်မှုမရှိပါက နဂိုစီစဉ်ထားသည့်အတိုင်း ၁၈ ရက်နေ့အထိ ဆက်လက်ဆန္ဒပြသွား ဖို့ရှိကြောင်း၊ လာမည့်အပတ်တွင်လည်း ဆန္ဒဆက်ပြဖို့ စီစဉ်ထားကြောင်း သို့သော် တရားဝင် ကြေညာ ချက် တော့ မရှိသေးဘူးဟု ၎င်းက ဆက်ပြောပါသည်။
အိန္ဒိယရောက် ချင်းဒုက္ခသည်များဆိုင်ရာအဖွဲ့တို့၏ ထုတ်ပြန်ချက်တွင် မြန်မာနိုင်ငံ (သို့) ချင်းပြည်နယ်ကို မပြန်ရဲသေးတဲ့ အကြောင်းရင်း Security, Education and Livelihoods ဆိုပြီး ကဏ္ဍသုံးခုဖြင့် ရေးသားဖော်ပြပြီး ထုတ်ပြန်ခဲ့သည်။
လုံခြုံရေးကဏ္ဍတွင် မြန်မာနိုင်ငံသည် ဒုက္ခသည်များအတွက် လုံခြုံမှုဘာအာမခံချက်မှမရှိသေးကြောင်း၊ မြန်မာတပ်မတော်နှင့် ချင်းအမျိုးသားတပ်ဦးတို့ အပစ်ရပ်စဲရေးလက်မှတ်ရေးထိုးထားသော်လည်း ပလက်ဝမြို့နယ် အတွင်း မြန်မာတပ်မတော်နှင့် ရက္ခိုင့် တပ်မတော်တို့ အကြိမ်ကြိမ်တိုက်ပွဲဖြစ်နေ သေးကြောင်း နှင့် ၂၀၀၈ ဖွဲ့စည်းပုံအခြေခံဥပဒေအရ လက်ရှိအာဏာအကုန်လုံးသည် တပ်မတော် လက်တွင်သာ ရှိနေသေးကြောင်း ရေးသားဖော်ပြထားသ ည်။ ပညာရေးကဏ္ဍတွင် မြန်မာနိုင်ငံအစိုးရ အနေဖြင့် နိုင်ငံခြားကျောင်းဆင်း certificates များကို လက်မခံနိုင်သေးသောကြောင့် ပြည်ပ ရောက်ဒုက္ခသည်ကျောင်းသား၊ ကျောင်းသူများအနေဖြင့် ပညာရေးတွင် အခွင့်အလမ်းမရှိကြောင်း ဖော်ပြထားသည်။
ချင်းဒုက္ခသည်များအနေဖြင့် နေရပ်ပြန်ပါက ဘဝကိုအသစ်ကနေ ပြန်လည် စတင်မှာဖြစ်သည့်အတွက် မြန်မာနိုင်ငံအစိုးရအနေနဲ့ သော်လည်းကောင်း UNHCR အနေနဲ့သော် လည်းကောင်း ချင်းဒုက္ခသည် များ အတွက် ဘဝဖိုလုံမှုအစီအစဉ် ဘာမှ စီစဉ်ဆောင်ရွက် ထားခြင်း မရှိကြောင်း သဘောထား ထုတ်ပြန် ချက် တွင် ဖော်ပြသည်။
