မတ်လ ၁၇ ရက်နေ့ ကလေးမြို့သပိတ်ဖြိုခွင်းခံရမှု ၄ ဦးသေဆုံး

0
ကလေးမြို့တွင် မတ်လ ၁၇ ရက်နေ့က စစ်အာဏာရှင်စနစ်ဆန့်ကျင်ဆန္ဒဖော်ထုတ်ကြသော သပိတ်စစ်ကြောင်းကို စစ်တပ်ကအကြမ်းဖက်ပစ်ခတ်ဖြိုခွင်းခဲ့မှုကြောင့် အရပ်သားပြည်သူ ၄ ဦးကျဆုံးခဲ့သည်။
မနေ့က ကျဆုံးသွားသူများမှာ Salai Cung Lian Ceu၊ ဦးကျင်ခန့်မာန်၊ ဒိုးဆွင်းကိမ် နှင့် ဦးကျော်မြင့်ဝင်းတို့ဖြစ်ကြသည်။
ကလေးမြို့ တောင်ဖီလာရပ်ကွက် ကျန်စစ်သားလမ်း ညီညီထွန်းလဘ္ကရည်ဆိုင်အနီးတွင် ရင်အုံပစ်ခတ်ခံရ၍ ကျဆုံးသွား သည့် တောင်ဇလပ်ရပ်ကွက်မှ အသက် (၂၅) နှစ်အရွယ် Salai Cung Lian Ceu ၏ ရုပ်အလောင်းကို စီးစံကျေးရွာတွင် ယနေ့နံနက်ပိုင်း ၁၀ နာရီခန့်က မြေမြှပ်သဂြိုလ်ခဲ့ကြသည်။
စန်းမြို့ရပ်ကွက် ကမေ႓ာဇဘဏ်အနီး ဘရာဏီလမ်းကြားတွင် ပစ်ခတ်ခံရ၍ ကျဆုံးသွားသည့် ချင်းပြည်နယ် ခိုင်ကမ်းမြို့မှ အသက် (၂၇) နှစ်အရွယ် ဦးကျင်ခန့်မာန်၏ ရုပ်အလောင်းကိုလည်း ယနေ့မွန်းလွဲပိုင်း ၂ နာရီတွင် မြေမြှပ်သဂြိုလ်ခဲ့ ကြကြောင်းသိရသည်။
ကလေးမြို့ တာဟန်းရပ်ကွက် AG ဘုရားကျောင်းအနီး ဗိုလ်ချုပ်လမ်းမေ ပါ်တွင် စစ်သားများက အကြမ်းဖက်ပစ်ခတ်မှုကြောင့်သေဆုံးသွားသည့် ချင်းပြည်နယ် တီးတိန်မြို့နယ် ထီးဇန်ကျေးရွာသား အသက် ၁၉ နှစ်အရွယ် မောင် ဒိုးဆွင်းကိမ်၏ ရုပ်အလောင်းကိုလည်း ကလေးမြို့ေ ဒသကွက်ကဲရေးစစ်ဌာနချူပ်(ဒကစ) ဝန်းအတွင်းရှိ စစ်ဆေးရုံတွင် ယနေ့နေ့လည်းပိုင်းကသွားရောက်ထုတ်ယူခဲ့ကြပြီး ဇာတိကျေးရွာသို့ သယ်ဆောင်လျက်ရှိ ကာ မနက်ဖြန်တွင် မြေမြှပ်သဂြိုလ်ကြမည်ဟု သိရသည်။
အလားတူ တာဟန်းရပ်ကွက် AG ဘုရားကျောင်းအနီးတွင် ကျဆုံသွားသည့် တောင်ဖီလာရပ်ကွက်မှ အသက် (၄၂) နှစ်အရွယ် ဦးကျော်မြင့်ဝင်း(ခ) ညီလေး၏ ရုပ်အလောင်းကိုလည်း စစ်ဆေးရုံမှ သွားရောက်ထုတ်ယူကာ မနက်ဖြန်မနက် ၉ နာရီခွဲတွင် ဒိုးဝိုင်းချောင်းသုသာန်သို့မြေမြုပ်သဂြိုလ်ကြမည်ဟု သိရသည်။
Share.

About Author

Leave A Reply