မီဇိုရမ်ပြည်နယ်ရောက် မြန်မာတက်ကြွလူငယ်တစ်စု Youth for Myanmar အဖွဲ့က မနက်ဖြန်ကျေ ရာက်မည့် (၂) ခြောက်လုံး(၂၂ ရက် ၂ လ ၂၀၂၂) တော်လှန်ရေးနေ့အထိမ်းအမှတ် စျေးရောင်းပွဲတော်ကို ဖေဖော်ဝါရီ ၂၂ ရက်နေ့တွင် အိုက်ဇောလ်မြို့ Millennium Centre ကုန်တိုက်ရှေ့တွင် ကျင်းပပြုလုပ်သွားမည်ဟု သိရသည်။
ယင်းစျေးရောင်းပွဲတော်တွင် မြန်မာအစားအစာများ ရောင်းချကာ ရရှိလာသောငွေကြေးများကို မီဇိုရမ်ပြည်နယ်ရှိ လိုအပ်နေသော စစ်ဘေးရှောင်များကို ကူညီထောက်ပံ့ ပေးသွားမည်ဖြစ်ကြောင်း Youth for Myanmar က ပြောရေးဆိုခွင့်ဆိုသူ တစ်ဦးက ယခုလို ပြောပါသည်။
“အဓိကတော့ မီဇိုရမ်ပြည်နယ်မှာ စစ်ဘေးရှောင်ပြည်သူတွေများစွာရှိတယ်။ စစ်ဘေးရှောင်တွေကို မီဇိုရမ်အစိုးရ၊ NGO အဖွဲ့အစည်းများရယ်၊ အသင်းတော်ရယ်၊ ပြည်သူလူထုတွေက ယနေ့အချိန်အထိ ကူညီဆောင်ရွက်ပေးလာတာဟာ တစ်နှစ်ကျော်နေပြီဖြစ်တယ်။ အဲဒါကြောင့် ကျနော်တို့ မီဇိုရမ်ပြည်နယ်ရောက် စစ်ဘေးရှောင်လူငယ်တွေအနေနဲ့ လည်း ရံပုံငွေတွေရှာပြီး စစ်ဘေးရှောင်ပြည်သူတွေကို ကူညီရင်ကောင်းမယ်ဆိုတဲ့ရည်ရွယ်ချက်ဖြင့် ယခုလို (၂) ခြောက်လုံးတော်လှန်ရေးနေ့အထိမ်းအမှတ် စျေးရောင်းပွဲတော်ကို ကျင်းပရခြင်းဖြစ်တယ်။” ဟု ၎င်းကပြောသည်။
(၂) ခြောက်လုံးတော်လှန်ရေးနေ့အထိမ်းအမှတ် စျေးရောင်းပွဲတော်နေ့တွင် မြန်မာအစားအစာမျိုးစုံ အကြော်စုံ၊ မာလာရှမ်းကော၊ ဝတ်သားဒုတ်ထိုး၊ ကြာဇံကြော်၊ ဆာဗူသီး၊ မုန့်လက်ကောက်၊ ငါပိကြော်၊ ပုဇွန်ကြော်၊ ကုန်ခြောက် မျိုးစုံ ရောင်းချသွားမည်ဖြစ်ပြီး မီဇိုရမ်ပြည်နယ်ရောက် မြန်မာနိုင်ငံသားများ အနေဖြင့် လာရောက်အားပေးကြဖို့လည်း Youth for Myanmar အဖွဲ့က ဖိတ်ခေါ်ထားသည်။
