စစ်ကိုင်းတိုင်း ကလေးမြို့တွင် ယနေ့နံနက်ပိုင်း ၁၀ နာရီခွဲခန့်က ချမ်းမြေ့အောင်စည်ရပ်ကွက် သီလရှင်ကျောင်းနှင့် ဘိုးဘွားရိပ်သာလမ်းဘက်မှ ချမ်းမြေ့အောင်စည်လမ်းအတိုင်း အရှေ့ဘက်ကိုမောင်းနှင်လာသော စစ်ကောင်စီကား ၂ စီးကို ပတ်လွှသစ်စက်ဝန်းအနီးတွင် PDF (Kalay) မိုင်းတပ်ဖွဲ့က အသင်းစောင့်ဆိုင်း၍ မိုင်း ၃ လုံးဖြင့် ဆက်တိုက်ဖောက်ခွဲ တိုက်ခိုက်ခဲ့သည်ဟု သိရသည်။
မိုင်းဖောက်ခွဲတိုက်ခိုက်မှုကြောင့် အရာရှိအဆင့်အပါအဝင် စစ်ကောင်စီတပ်သားအမြောက်အများထိခိုက်သေဆုံးမှုရှိခဲ့ကြောင်း PDF (Kalay) က ထုတ်ပြန်သည်။
စစ်ကောင်စီတပ်ဖွဲ့သည် ထိုကဲ့သို့မိုင်းခွဲတိုက်ခိုက်ခံရပြီးနောက် ချမ်းမြေ့အောင်စည်ရပ်ကွက်အတွင်းရှိ လမ်းအချိူ့ကိုပိတ်ဆို့၍ လူနေအိမ်များအား ဝင်ရောက်မွှေနှောက်သောင်းကျန်းမှုများပြုလုပ်ပြီး ရပ်ကွက်အတွင်းမှ အပြစ်မဲ့ပြည်သူ ၁၀ ဦးထက်မနည်းကို ဖမ်းဆီးခေါ်ဆောင်သွားခဲ့သည်ဟု PDF (Kalay) က ထုတ်ပြန်သည်။
