ပြည်ထောင်စု အစိုးရနှင့် ပြည်နယ်အစိုးရ လုပ်ရပ်နှိုင်းယှဉ်ခြင်း

0

Pu Lal Maung Cung ( MLA)

၁။ ပြည်ထောင်စုအစိုးရ                                                                  

–       သမ္မတ ဦးသိန်းစိန်သည် လူမျိုး၊ဘာသာ ဂိုဏ်းဂဏ မခွဲခြားပါ၊ အမျိုးသားလွှတ်တော်၊ ပြည်သူလွှတ်တော် ကိုယ် စားလှယ်၊ လူထုသဘောထားဆန္ဒကို လေးစားသမှုပြုသည်။ ကိုယ်ကျင့်တရားမကောင်းတဲ့ လွှတ်တော် ကိုယ် စားလှယ် ၊ အစိုးရ ၀န်ထမ်းတွေကို ပေါ်တင်ဖြုတ်ချရဲသည်။

ပြည်နယ်အစိုးရ

–       ၀န်ကြီးချုပ်နှင့် ၀န်ကြီးအဖွဲ့သည် ပါတီ၊ ပုဂ္ဂိုလ်ရေး၊ ဒေသ ခွဲခြားမှုရှိသည်၊ လွှတ်တော်ကိုယ်စားလှယ်၊ လူထု ဆန္ဒ ကို အလေးမထားပဲ သူတို့ သဘောထားဆန္ဒကို ပိုပြီးအလေးပေးသည်၊ ကိုယ်ကျင့်တရားမကောင်းသော အစိုးရ၀န်ထမ်းများ ပေါ်တင်အရေးယူမှုမရှိ၊

၂။ ပြည်ထောင်စုအစိုးရ

–       လွှတ်တော်အတွင်း ပါတီ၊ ပုဂ္ဂိုလ်၊ နေရာဒေသမခွဲပဲ တန်းတူဆက်ဆံမှုရှိသည်၊ လွှတ်တော်ကိုယ်စားလှယ်များ တင်ပြချက်ကို တိုက်ရိုက် အရေး ယူအလားထားပေးသည်။

ပြည်နယ်အစိုးရ

–       အတိုက်အခံ CNP, CPP, ENDP ကိုယ်စားလှယ်တွေကို ခွဲခြားဆက်ဆံသည်၊ အစည်းအဝေးတွင် နောက်တန်းမှာ ထိုင်ခိုင်းပြီး သူတို့ တင်ပြချက်တွေ အရေးယူ လုပ်ဆောင်ပေးမှု မရှိသလောက်ဖြစ်နေသည်။

၃။ ပြည်ထောင်စုအစိုးရ

–       သမ္မတ နှင့် ၀န်ကြီးတို့၏ လုပ်ငန်းဆောင်ရွက်မှု၊ ဘတ်ဂျက် သုံးစွဲမှု တွေကို တီဗွီ၊ သတင်းစာ၊ ဂျာနယ်က တဆင့် လူထုရှေ့မှောက် ချပြသည်၊ လုပ်ငန်းကော်မီတီဖွဲ့စည်းမှုက အစ လူထု သဘောထားရယူပြီးမှ လုပ်ဆောင်သည်၊

ပြည်နယ်အစိုးရ

–       လုပ်ငန်းသုံးဘတ်ဂျက်ငွေကို လွှတ်တော်ကိုယ်စားလှယ်တွေ၊ ပြည်သူတွေရှေ့မှောက်မှာ ရှင်းရှင်းလင်းလင်း မ တင်ပြချင်ပါ၊ လွှတ်တော်အတွင်း မေးခွန်းတွေ ဖြေကြားမှု မပြတ်သားပါ၊ ပြည်နယ်ဘတ်ဂျက်စာရင်းစာအုပ် လွှတ်တော်ကိုယ်စားလှယ်တွေမပေးချင်ပါ၊ လူထုမှ တင်ပြချက်များကို လွှတ်တော်ကိုယ်စားလှယ်တွေ မိတ္တူမပေးဖို့တားမြစ်ထားသည်၊ ကော်မီတီဖွဲ့စည်းခြင်း၊ ရွေးချယ်ခြင်းများတွင် လွှတ်တော်ကိုယ်စားလှယ်၊ လူထု သဘောထားမယူပဲ တိုက်ရိုက်လုပ်ဆောင်မှုကြောင့် ပြသာနာများရှိနေသည်၊

၎။ ပြည်ထောင်စုအစိုးရ

–       လုပ်ငန်းတင်ဒါများကို ပြည်သူတရပ်လုံးထံ သတင်းစာဖြင့် ကြော်ငြာ ခေါ်ယူသည်၊

ပြည်နယ်အစိုးရ

–       လုပ်ငန်းတင်ဒါများကို လွှတ်တော်ကိုယ်စားလှယ်၊ ပြည်သူလူထုထံ မချပြပဲ ငွေရှင်ကြေးရှင်၊ ဆွေမျိုးအသိုင်း အ၀ိုင်းတွေကို ဦးစားပေးလုပ်ဆောင်ခိုင်းသည်၊ အသေးစိပ်ကိုလွှတ်တော်ကိုယ်စားလှယ်တွေတောင် သိခွင့်မရှိပါ၊

၅။ ပြည်ထောင်စု အစိုးရ

–       လွှတ်တော်တွင် ပြင်ဆင်ရန်လိုအပ်သည့် ဥပဒေများပြင်ဆင်ကြသည်၊ အစည်းအဝေးကို ကြာရှည်လုပ်သည်၊ ပြည်ပလေ့လာရေးခရီးစဉ်များလုပ်သည်၊ လွှတ်တော်ကိုယ်စားလှယ်လစာ ၊ မော်တော်ယာဉ် အပြည့်အစုံပေး သည်၊

ပြည်နယ်အစိုးရ

–       ဘာဥပဒေမှ မရေးဆွဲပါ၊ လွှတ်တော်အစည်းအဝေးရက်တိုတိုနဲ့လုပ်သည်၊ ပြည်ပလေ့လာရေးခရီးစဉ်မရှိ၊ လွှတ်တော်ကိုယ်စားလှယ်လစာနည်းနည်းပေးပြီး၊ မော်တော်ယာဉ်လုံးဝ မပေးပါ၊

၆။ ပြည်ထောင်စုအစိုးရ

–       သမ္မတ၊ လွှတ်တော်ဥက္ကဌ၊ ၀န်ကြီးအဖွဲ့၊ လွှတ်တော်ကိုယ်စားလှယ်အကြား လွတ်လပ်ပွင့်လင်းစွာ အလွယ်တကူ ဆက်ဆံမှုရှိသည်၊ ခရီးစဉ်၊ နိုင်ငံတော်အထူးဧည့်သည်များ ကြိုဆိုမှုများ၊ ဆက်ဆံမှုများ တွင် ခွဲခြားမှုမရှိပဲ ပူးတွဲ ဆောင်ရွက်သည်၊ ပြည်နယ်၊ မြို့နယ်အရေးဆောင်ရွက်ရာတွင် သက်ဆိုင်ရာ လွှတ်တော်ကိုယ်စားလှယ်များ ဆန္ဒသဘောထားရယူပြီးမှ အမိန့်ထုတ်အကောင်အထည်ဖော်သည်၊ ဒီမိုကရေစီ ကျင့်စဉ်ကို လေးစား ကျင့်သုံး သည်၊

ပြည်နယ်အစိုးရ

–       ၀န်ကြီးချုပ်၊ ၀န်ကြီးအဖွဲ့နှင့် ပြည်နယ်လွှတ်တော်ကိုယ်စားလှယ်များအကြားဆက်ဆံမှု အလှမ်းဝေးသည်၊ အတူ တကွ လုပ်ငန်းဆွေးနွေးမှု၊ စီမံခန့်ခွဲမှုမရှိသလောက်ဖြစ်နေသည်၊ ဒေသအရေးဆောင်ရွက်ရာတွင် သက်ဆိုင်ရာ လွှတ်တော်ကိုယ်စားလှယ်များ တိုင်ပင်မှုမရှိပါ၊ မြို့နယ်အုပ်ချုပ်ရေးမှူတွေကအစ သက်ဆိုင်ရာ လွှတ်တော် ကိုယ်စားလှယ်များထံ အကြံရယူမှုမရှိပါ၊ ဒီမိုကရေစီ ကျင့်စဉ်တရား ပြည်နယ်အစိုးရက သဘော မပေါက်သေးဟု ဆိုရမည်သာ၊

၇။ ပြည်ထောင်စုအစိုးရ

–       ၀န်ကြီးများ မိမိကိုင်တွယ်သော ဌာနတွင် ဘတ်ဂျက်၊ လုပ်ငန်းဆောင်ရွက်မှု အာဏာ အပြည့်ရှိသည်၊ လွှတ်တော်ကိုယ်စားလှယ်တင်ပြချက်များထိရောက်သည်။ လွှတ်တော်ဥက္ကဌ နှင့် လွှတ်တော်အာဏာ မြင့်မား သည်၊

ပြည်နယ်အစိုးရ

–       ၀န်ကြီးတွေ ဘာအာဏာမှ မရှိ၊ ဘတ်ဂျက်သုံးစရာမရှိ၊ ဘတ်ဂျက်သုံးစွဲခွင့်လည်း မရှိသလောက်ဖြစ်နေသည်၊ ဗဟိုနဲ့ ၀န်ကြီးချုပ် အမိန့်ချမှသာ လုပ်ငန်းဆောင်ရွက်ခွင့်ရှိသည်၊ လွှတ်တော်ကိုယ်စားလှယ်များ တင်ပြချက် ထိရောက်မှုမရှိပါ၊ လွှတ်တော်ဥက္ကဌ အာဏာ နည်းပါးလွန်းသည်။

၈။ ပြည်ထောင်စုအစိုးရ

–       လွှတ်တော်ကိုယ်စားလှယ်များ တင်ပြချက်တွေ ၀န်ကြီးနဲ့ တာဝန်ရှိများက တိုတောင်းသောကာလအတွင်း အ ကောင်အထည်ဖော်သည်၊

ပြည်နယ်အစိုးရ

–       လွှတ်တော်ကိုယ်စားလှယ်များတင်ပြသည့် ဆောင်ရွက်ရန် ချမှတ်ပြီးသော လုပ်ငန်းများ အမှန်တကယ် ဖော် ဆောင်မှုနည်းပါးသည်၊ ဥပမာ – Saika နဲ့ Fungkah ကြားကားလမ်း၊ Tlangpi နဲ့ Lungding ကြားကား လမ်းအတွက် သိန်း ၄၀ စီ ထောက်ပံ့ရေးလွှတ်တော်ဆုံးဖြတ်ချက် တနှစ်ကြာပြီ၊ Fungkah ရွာ အုပ်ချုပ်ရေး မှူးရွေးချယ်ရေး အရှုပ်အရှင်း ဥပဒေအရ အရေးယူပေးရန် လွှတ်တော်အစည်းအဝေးတင်ပြချက် ယနေ့ထိအ ကောင်အထည်မဖော်ပါ၊

Share.

About Author

Comments are closed.