ဇိုမီး(ချင်း) လူငယ်များ ညီလာခံက မြွေတောင်၊ ဖားတောင် စီမံကိန်းဆိုင်းငံ့ရန်တောင်းဆို

0

တရုတ်ကုပ္မဏီ North Mining Investment Company (NMIC) မှ တူးဖော်ရန် စီစဉ်နေသော ချင်းပြည်နယ် တီး တိန်မြို့နယ်ရှိ မြွေတောင်၊ ဖားတောင်နီကယ်သံသတ္တု တူးဖော်ရေးစီမံကိန်းကို ဆိုင်းငံ့ပေးရန် ဇိုမီး(ချင်း) လူငယ်များ ညီ လာခံက တောင်းဆိုလိုက်သည်။

တီးတိန်မြို့ ရာပြည့်ခန်းမတွင် ယခုလ ၅ ရက်နေ့မှ ၉ ရက်နေ့အထိ ကျင်းပသောပထမဆုံးအကြိမ် ဇိုမီး(ချင်း) လူငယ် များ ညီလာခံအပြီးတွင် ယခုကဲ့သို့ စီမံကိန်းကိုဆိုင်းငံ့ပေးရန် ကျေညာချက်ထုတ်ပြန်လိုက်ခြင်းဖြစ်သည်။

“ ဒေသခံပြည်သူတွေအတွက် လုံခြုံစိတ်ချရတဲ့ သတ္တုတူးဖော်ရေးနည်းဥပဒေတွေကို အစိုးရကနေ ရေးဆွဲပြီးမှသာ ကျနော် တို့ ဒီစီမံကိန်းကို လုပ်စေချင်ပါတယ်၊ ခုချိန်မှာတော့ ဒေသခံတွေအတွက် စဉ်းစားပြီး မလုပ်သင့်သေးဘူးထင်လို့ ဆိုင်း
ငံ့ဖို့ တောင်းဆိုရတာဖြစ်တယ်” ဟု ဇိုမီး(ချင်း)လူငယ်များညီလာခံပြောခွင့်ရသူ ကိုသွင်က ပြောသည်။

 

တီးတိန်မြို့နယ်အတွင်းရှိ မြွေတောင်၊ ဖားတောင်တွင် နီကယ် နှင့် သံရောရာသတ္တုရိုင်း သိုက်(၃) ခုရှိပြီး၊ ယင်း သတ္တု ရိုင်းသိုက်(၃)ခုတွင် ပျမ်းမျှနီကယ်ပါဝင်မှု ၁.၄{241d12fcbf432557e829f91c0d6fd86903ac3e7007e1df33a0cc395ea774cb24} ရှိသော သတ္တုရိုင်း စုငးပေါင်း မက်ထရစ်တန်ချိန်၄၂,၂၁၀,၀၀၀ ခန့်ရှိ နိုင်ပြီး၊ သန့်စင်ပြီး နီကယ်မက်ထရစ်တန်ချိန်(၅၉၅၀၀၀) ခန့်ထုတ်ယူရရှိနိုင်မည်ဟု ခန့်မှန်းထားကြောင်း ကုပ္မဏီမှ
ထုတ်ထားသော စာတမ်းတွင်ဖော်ပြထားသည်။

 

စီမံကိန်းကို လာမည့် ဇူလိုင်မှစတင်အကောင်အထည်ဖော်ရန် ကုပ္မဏီဘက်မှ စီစဉ်ထားသည်သော်လည်း ချင်း နိုင်ငံ ရေးပါတီ၊ ချင်းလူမှုအဖွဲ့အစည်း နှင့် မြွေတောင်ခြေရင်းတွင်ရှိသော ကျေးရွာသားများက ကန့်ကွက်ရန်လည်း စိုင်းပြင်း နေကြသည်။
ပထမဆုံးအကြိမ် ဇိုမီး(ချင်း)လူငယ်များ ညီလာခံက မြွေတောင်၊ ဖားတောင် စီမံကိန်းအပြင်  ကျန် အချက် (၆) ချက်ကို လည်း သက်ဆိုင်ရာအစိုးရထံ တောင်းဆိုထားသည်။

 

ယင်းအချက်များမှာ
(၁) မြန်မာနိုင်ငံအတွင်း အဆင်းရဲဆုံးပြည်နယ် အဖြစ်သတ်မှတ်ခံရသည့်ချင်းပြည်နယ်အတွက် အထူးဘက်စုံ ဖွံ့ဖြိုးရေး စီမံကိန်းတစ်ရပ်ကို ပြည်ထောင်စုအစိုးရမှ ဖော်ဆောင်ပေးရန်၊

(၂)  မြန်မာနိုင်ငံအတွင်း တက္ကသိုလ်ဝင်တန်း အောင်ချက်ရာခိုင်နှုန်းအနိမ့်ဆုံးဖြစ်သော ချင်းပြည်နယ်အတွက် ပညာရေး အထူးမြင့်တင်ရေး အစီအမံများဖော်ဆောင်ပေးပါရန်နှင့် စာမတတ်မြှောက်သူဦးရေဒုတိယအများ ဆုံးမြို့နယ်ဖြစ် သော တီးတိန်မြို့နယ်အတွက် ရေရှည်သဘောဆောင်သောပညာရေး အထူးစီမံကိန်းတစ်ရပ် စီစဉ်ဆောင်ရွက်ပေးပါရန်၊
(၃) ချင်းပြည်နယ်တွင် လူဦးရေအများဆုံးဖြစ်သော တီးတိန်မြို့နယ်အား ချင်းပြည်နယ် မြောက်ပိုင်းတစ်ခုလုံး၏ အုပ်ချုပ် ရေးဆိုင်ရာ လုပ်ငန်းစဉ်များ ပိုမိုလျင်မြန်သွက်လက်စေရေးနှင့် ဘက်စုံဖွံ့ဖြိုးတိုးတက်ရေး အတွက်ခရိုင်အဆင့် သတ်မှတ် ပေးပါရန်၊
(၄) ဒေသခံပြည်သူလူထုများ၏ တည်ငြိမ်အေးချမ်းရေးကိုထောက်ရှုသောအားဖြင့် မြန်မာနိုင်ငံရဲတပ်ဖွဲ့နှင့် တပ်မတော် မှအပ အခြားမည်သည့်လက်နက်ကိုင် အဖွဲ့အစည်းများ၏ ဆက်ဆံရေးရုံး ဖွင့်ခြင်း၊ သွားလာလှုပ်ရှားခြင်း များအား အမြန် ဆုံး ဖယ်ရှားပေးပါရန်၊

(၅) ချင်းပြည်နယ်အစိုးရ၏စီမံချက် တစ်ခုဖြစ်သည့် ဘိန်းစိုက်ပျိုးမှုပပျောက်ရေး ဆောင်ရွက်မှုများအားပိုမိုထိ ရောက်မြန် ဆန်စွာဆောင်ရွက်ပေးနိုင်ရန်၊
(၆) တိုင်းရင်းသားစာပေ သင်ကြားခွင့်အား သင်ရိုးညွှန်းတမ်းတစ်ခုအဖြစ်သတ်မှတ်ပြီး ကျောင်းချိန်တွင်း ဘာသာရပ်
တစ်ခုအဖြစ်သင်ကြားခွင့်ပြုပါရန် တို့ဖြစ်သည်။

 

အချက် (၄)ချက်ပါ အခြားမည်သည့် လက်နက်ကိုင်အဖွဲ့အစည်းများ၏ ဆက်ဆံရေးရုံးဖွင့်လှစ်ခြင်းကို ဖယ်ရှားပေးရန် ဆိုသည့်တောင်းဆိုချက်နှင့် ပါတ်သက်ပြီး တီးတိန်မြို့ပေါ်တွင် အစိုးရနှင့် စီအဲန်အက်ဖ် သဘောတူညီချက်အရ စီအဲန် အက်ဖ်ဆက်ဆံရေးရုံးကို ဖွင့်လှစ်ထားသည်။

 

ချင်းပြည်နယ်မြောက်ပိုင်း တီးတိန်၊ တွန်းဇံ နှင့် ကျီးခါးမြို့နယ်များတွင် အိန္ဒိယ အရှေ့မြောက် လူမျိုးစု လက်နက်ကိုင် အဖွဲ့များလည်း လှုပ်ရှားနေကြသည်ဟု သတင်းများအရသိရသည်။

 

Share.

About Author

Comments are closed.