အယ်ဒီတာချုပ်ထံ ပေးစာ

0

ခရိုင်မြို့အင်္ဂါရပ်နှင့် ညီသော ပြည်သူပိုင်မြို့မဈေးသစ်ကြီးဖွင့်ပေးစေချင်

 

ချင်းပြည်နယ်မင်းတပ်မြို့မှာ နေထိုင်သူ၊ ခရီးကြုံလို့ ရောက်ရှိနေသူတွေ အားလုံးသိကြမြင်ကြမှာပါ၊ ဒီနေရာက အများသူငါ ဈေးဝယ်နေတဲ့  မင်းတပ်မြို့လယ်ခေါင်က စံပြရက်ကွက်၊ တခြားမြို့တွေလက်သုံးစကားငှားသုံးပါက ဆင်ခြေဖုံးရပ်ကွက်က ဈေးပေါ့နော်၊  အဖြစ်က ယခုလက်ရှိ ဈေးဆိုင်ခန်းတွေဟာ ကိုယ်ပိုင်အိမ်တွေလို ညအိပ်ညနေ ထမင်းချက်စား နေထိုင်နေ ကြတဲ့ အပြင် ခေါင်ဆိုင်၊ အသားဈေး၊ ဟင်းသီးဟင်းရွက်ဈေး၊ ကြက်ခြင်းတောင်းစုတ်၊ ဆာလာအိတ်ခွံစုတ်၊ သေတ္တာခွံ၊ အမှိုက်ပုံး၊ ရွံ့ဗွက် တွေနဲ့ ဗလပွ ဖြစ်နေပါတယ်၊ ပိုဆိုးတာက ညအိပ်ညနေ ခေါင်ဆိုင် တွေကြောင့် ရံဖန်ရံခါ စကားများရန်ဖြစ်တာတွေနဲ့ ကျက်သ ရေကင်း မဲ့နေတယ်၊ မင်းတပ်မြို့ဟာ မတူပီ၊ ကန်ပက်လက်၊ ပလက်ဝ တွေရဲ့ ခရိုင်မြို့ပါ၊ ဒါပေမဲ့ ခရိုင်မြို့ရဲ့ ဈေးဟာ သီးခြားကမ္ဘာက မင်းမဲ့ တိုင်းပြည်နဲ့ လားလားမခြားပါ။

 

မြို့ပေါ် လမ်းဘေးဈေးဆိုင်တွေကလည်း လမ်းမအရောက် မိုးကာချ သေတ္တာတွေ စီတန်းပြီး ဈေးခင်း၊ ဆိုင်ကယ်ပြင်၊ မှောင် ခို ဓါတ်ဆီရောင်း၊ တောင်ပေါ်မြို့ဆိုတော့လည်း အားလုံးသိကြတဲ့ အတိုင်း ကားလမ်းက မြေလိမ်မြွေကောက်၊ ခပ် ကျဉ်း ကျဉ်း၊ ယာဉ်စည်းကမ်း၊ လမ်းစည်းကမ်းတွေ မရှိတော့ မသကာ ကျရောက်လာမည့် ယာဉ်အန္တရာယ်၊ မီးအန္တရာယ် တွေ အတွက် မတွေးဝံ့စရာ။

 

မင်းတပ်ခရိုင်မြို့ ဈေးနှင့် ပါတ်သက်ပြီး သိရ ကြုံရတာတွေ ပြောပြချင်သည်။ ၁၉၇၀ ၀န်းကျင်တွင် ယခင် ဦးနေ၀င်းအစိုးရ ပါတီ ( သို့မဟုတ်) လက်ရှိ တိုင်းရင်းသားစည်းလုံးညီညွတ်ရေးပါတီရုံး( ယခင် ပါတီယူနစ်ရုံး) အောက်ဖက်တွင် မြို့မဈေးအဖြစ်အသုံးပြုနေသည့် ဈေးဟာ တရားဝင်ဈေးမဟုတ်တော့လည်း ကိုယ်ပိုင်လူနေအိမ်တွေ အလိုအ လျောက်ဖြစ်သွားခဲ့ပါတယ်၊ အဲဒါနဲ့ လွန်ခဲ့တဲ့ ၁၉၈၆ ခုနှစ်မှာ ယခု မြို့နယ်တရားရေးရုံးဝိုင်းအတွင်း ကိုယ့်နည်းကိုယ့်ဟန်နဲ့ ဖွင့်လှစ်ထားတဲ့ သဟာယဈေး၊ ခရိုင်ကျန်းမာရေးအရာရှိရုံးနှင့် ဂရုဏာ နာရေးကူညီမှုအသင်းရုံးအကြားတွင် ကျန်းမာရေး ဈေးတန်း အဖြစ် ကိုယ်ပိုင်ဈေး ဆိုင်တန်းတွေကို ဖျက်သိမ်းပြီး တနေရာတည်းတွင် စုစည်း၍ မြို့မဈေးဖွင့်ရန် အစီအစဉ်ရှိကြောင်း  အာဏာပိုင်တွေက ဈေးသူဈေးသားတွေကို ခေါ်ယူပြီး  ညှိနှိုင်းအကြံတောင်းလာပါတယ်၊

 

ကျတော်က ယခု ဈေးနေရာဖြစ်တဲ့ အထက (၁) ကျောင်းလမ်းဘေး မီးသတ်ကားထားရှိတဲ့ လက်ရှိ အဆောက်အဦးနှင့် မျက်နှာချင်းဆိုင် လက်ရှိ ဈေးဆိုင်တန်းနေရာမှာ အထွေထွေ အုပ်ချုပ်ရေးဌာနပိုင် တမံတလင်းခင်း၊ သွပ်မိုးသွပ်ကာ ဌာနဆိုင်ရာကားများ ထားရှိသည့်ကားဂိုဒေါင်အဆောက်အဦးကို ဖျက်သိမ်းပြီး ဈေးသစ်ဖွင့်ရန် အကြံပြုခဲ့ပါတယ်၊ အဲဒီအကြံပြုချက်အတိုင်း ပါတီကောင်စီကနေ  အကောင်အထည်ဖော်ဖြစ်သော်လည်း တာဝန်ရှိသူတွေရဲ့ စေတနာမဲ့ကိုယ် ကျိုးငဲ့မှုကြောင့် မူလစီစဉ်ထားသည့် ပုံစံမဟုတ်တော့ပေ၊  နှစ်ကြိမ်တိုင်တိုင်ပြန် လည်ပြုပြင်တိုးချဲ့ သည်များရှိခဲ့ပေမဲ့လည်း ဌာနေ ၀န်ထမ်းမဟုတ်သူတွေနှင့် ဒေသခံ အတ္တသမားတွေရဲ့ ပူးပေါင်းလုပ်ကြံ ဟန်ပြအမြတ် ထုတ်လုပ် ဆောင်မှု တွေကြောင့် အဲဒီခရိုင်မြို့ရဲ့ဈေးဟာ ကျက်သရေမဲ့နေဆဲပါ။

 

တဖန် တပ်မတော်အစိုးရတက်လာပြီးနောက်ပိုင်း စံပြရပ်ကွက်ဥက္ကဌ (ကွယ်လွန်)၏ ကိုယ်စား အစည်းအဝေးတက် ရောက်စဉ် ခရိုင်ဥက္ကဌ ဦးမောင်မောင်မြင့်က အစည်းအဝေးတက်ရောက်သူများအား မြို့ပေါ်စည်ပင် သာယာရေးလုပ် ငန်းတွေ အကြံပြု ဆွေးနွေးစေသဖြင့် ယခင်တင်း နစ်ကွင်းနေရာ ယခုလက်ရှိ ကိုယ်ပိုင်အိမ်ဈေး ဆိုင်ခန်းလိုလို၊ စည်ပင်ပိုင်ဈေးဆိုင်ခန်းလိုလို လူထုမျက်စိနောက် စေသည့် တိုက်ခန်းဈေးဆိုင်ခန်းတွေမှာ  ကျတော်က ဈေးထဲမှာ အကောင်သတ်လှီးဖြတ်ခြင်းတွေမလုပ်သင့်ကြောင်း တင်းနစ်အားကစား ကွင်းကို ပြုပြင် သင့်ကြောင်း ဖြစ်နိုင်ပါက တင်းနစ်ကစားကွင်းကို တနေရာသို့ရွှေ့ပြီး မြို့အင်္ဂါရပ်နဲ့ ညီတဲ့ အဆင့်မြင့် အဆောက် အဦးဆောက် သင့်ကြောင်း တင်ပြရာမှာ ခယက ဥက္ကဌဖြစ်သူ ဒုတိယဗိုလ်မှူးကြီး စိန်ရနှင့် ဦးဖေလိန်းအွမ်တို့က တင်းနစ် ကစားကွင်းကို ဖျက်ပြီး ဈေးတန်းဆောက်ရန် အစပြုလာကာ အုတ်မြစ်ချဖို့ မျဉ်းဆွဲမြေတူးခဲ့ကြပါတယ်၊ ဒါကို မြို့မိမြို့ဖ ဦးဂေလိန်း က ဒီအဆောက်အဦးက ကားလမ်းနဲ့ ကပ်လွန်းမည့် အနေအထားရှိတယ်လို့ တင်ပြတာကို ဘယ်သူမှ အလေးမထားကြပါ။

ဒါနဲ့ စံပြရပ်ကွက်ဥက္ကဌ၏ လက်မှတ်ဖြင့် လူထုဆန္ဒအရ ကန့်ကွက်စာ တင်ပြခဲ့ကြပါတယ်၊ သို့သော် အဲဒီတင်ပြစာနဲ့ ပါတ်သက်ပြီး ကျတော် အမှတ်မထားတော့တဲ့  နေ့တနေ့ ညနေပိုင်း နှစ်နာရီခန့်မှာ ခရိုင် အထွေထွေ အုပ်ချုပ် ရေးရုံးဝန် ထမ်းတဦးက ခယက ဥက္ကဌ ခေါ်ခိုင်းလို့ ဆိုပြီး ခရိုင်စိုက်ပျိုးရေးရုံးမှာ လာခေါ်ပါတယ်၊ ကျတော် ခရိုင်အုပ်ချုပ်ရေး ရုံးခန်း ၀င်ဝင်ချင်း (စည်ပင် ကြီးကြပ်အဖွဲ့နဲ့အစည်းအဝေးလုပ်နေဟန်တူပါတယ်၊) ခယက ဥက္ကဌက စားပွဲပေါ်က စာရွက်ကို ကောက်ကိုင်ပြီး ဒီစာ မင်းသိသလားလို့မေးပါတယ်၊ ကျတော်က သိပါတယ်လို့ ဖြေလိုက်သည်။ မင်းဝန်ထမ်းလား၊ ဘာဝန်ထမ်းလဲ လို့ လေသံခပ်မာမာနဲ့ မေးတော့ ကျတော်ကလည်း စိုက်ပျိုးရေးဝန်ထမ်းပါလို့ ဖြေလိုက်တယ်၊ ၀န်ထမ်းအနေနဲ့ ဒီလိုနေရာမျိုးတွေမှာ ပါဝင်ပါတ်သက်ခြင်းမရှိစေနဲ့၊ ကြပ်ကြပ်သတိထားလို့ ပြောလိုက်တယ်၊

ကျတော်က ဒီကိစ္စမှာ ကျတော် ၀န်ထမ်းတဦး အနေနဲ့ ပါဝင်ပါတ်သက်တာ မဟုတ်ပဲ ရယက အဖွဲ့ဝင်အနေနဲ့ လူထုတင်ပြချက်တွေကို ဆက်လက်တင်ပြခြင်းဖြစ်ကြောင်း ပြန်ပြောလိုက်တယ်၊ ဥက္ကဌက လူထုဆိုတာ ဘယ်သူတွေလဲ လို့ မေးပြီး လက်ချိုးရေဖို့ လက်ဖ၀ါးကို ထောင်ပြတယ်၊ ကျတော်က အရှေ့ပြင်က ဦးထန်းတမ်၊ ဆက်ပြောတဲ့၊ ဘ၀သစ်က ပြည်ခိုင်ဖြိုးအတွင်းရေးမှူး ဦးဟာရှိန်းဘွေ၊ ဆက်ပြောတဲ့၊ စံပြရပ်ကွက်က ဦးဂေလိန်းလို့ ပြောလိုက်တယ်၊ သူက  အများကြိးဆို ဆက်ပြောတဲ့၊ ၀န်ထမ်းတွေအများကြီး ရှိပေမဲ့ ဗိုလ်မှူးကြီး ( ဥက္ကဌ) က ၀န်ထမ်းတွေ မပါတ် သက်ရဘူးပြော တာကြောင့် ဒီသုံးယောက်နဲ့ လုံလောက်ပါတယ်လို့ပြောလိုက်ရာ ဒီမြို့မှာ အဆင့်မြင့် ဈေးမရှိသေး လို့ငါအကောင်း လုပ်တာကို အမျိုးမျိုးပြောတဲ့လူဟာ အဖျက်သမားပဲ ဘယ်သူဘာပြောပြော ငါဆက်လုပ်မှာပဲ မင်းသွား နိုင်ပြီလို့ပြောတယ်၊ ကျတော် အစည်းအဝေးလုပ်နေသူတွေကို အရို အသေပြုပြီးကျတော် ထွက်သွားပါတယ်၊

 

ယခင်တင်းနစ်ကွင်းကို ဖျက်ပြီးဈေးခန်းဆောက်သည့် အထောက်အထား ၊ မှတ်တမ်းများ မြို့မိမြို့ဖ ဦးဂေလိန်းဆီမှာ သိမ်းဆည်းထားပါတယ်၊ ယခုလက်ရှိ လူနေအိမ်လား၊ ဈေးဆိုင်လား မရေမရာ အဆောက်အဦး မြေနေရာဟာလက်ရှိ အနေအထားမှာတော့ တကယ့်ကို နှမြောစရာပါ၊ ခရိုင်မြို့ အင်္ဂါရပ်နဲ့ ညီညွတ်အောင် စနစ်တကျ ပုံစံချပြီး နှစ်ထပ်တိုက်နဲ့ ပုဂ္ဂလိက ပိုင်မဟုတ်ပဲ အစိုးရပိုင်၊ အများပိုင် နှစ်ထပ်တိုက်အဆောက်အဦး ဈေးတည်ဆောက်သင့်တယ်လို့ အများသူငါ  ဆုံသူကြုံသူအားလုံးထံမှ ကြားကြားနေရသည်။

 

တဖန် အချက်အချာကျတဲ့ လမ်းမကြီးဘေးက ဈေးဆိုင်လို့ ပြောရအခက်၊ ကိုယ်ပိုင်လူနေအိမ်လို့ပြောလို့မဖြစ်၊ အဲဒါတွေကို တာဝန်ရှိသူ၊ ဒေသခံပြည်သူတွေကအကောင်းဆုံးနည်းလမ်းရှာကြံပြီး မြို့ကျက်သရေဆောင် အဆင့်မြင့် သန့်ရှင်း သပ်ယပ်သော၊ လူနေအိမ်မဟုတ်သည့် စနစ်ကျပြီး စည်းမျဉ်းစည်းကမ်းနဲ့ ညီညွတ်သောမြို့ မဈေးသစ်ကြီး မြင်လို ကြောင်းဆန္ဒ ဖော်ထုတ်ပြသလိုပါတယ်၊

 

ထန်းနိုင်း

စံပြရပ်ကွက်

မင်းတပ်မြို့

Share.

About Author

Comments are closed.