ဟားခါးတွင် Mara Culture Committee ဖွဲ့စည်း

0

ချင်းပြည်နယ်မြို့တော် ဟားခါးအခြေစိုက် Mara ( Chin ) တွေက Mara Culture Committee ဖွဲ့စည်းလိုက်ကြောင်း အဆိုပါ ကော်မတီ၏ အတွင်းရေးမှူးဖြစ်သူ ဆလိုင်း ဘီးတူ ပြောပြချက်အရ သိရသည်။

 

ချင်းပြည်နယ်အစိုးရမှ ၂၆၊ ရ၊၂၀၁၃ ရက်စွဲဖြင့် မရာ(ချင်း) ရိုးရာဝတ်စုံ (Mara Culture Dress) ကို ပြည်နယ်အစိုးရထံသို့ သြဂုတ်လ (၂ ) ရက်နေ့ နောက်ဆုံးထားပြီး တင်ပြရန် တရားဝင် အကြောင်းကြားလာသောကြောင့် အမြန်ဆုံး အကောင်အ ထည် ဖော်နိုင်အောင် ချင်းပြည်နယ်မြို့တော် ဟားခါးရှိ မရာ(ချင်း) လူကြီးများသည် ဒီနေ့ ၂၈၊ရ၊၂၀၁၃ နေ့တွင် အရေးပေါ် အစည်းအဝေး တစ်ရပ် ကျင်းပပြီး Mara Culture Committee ကို  ဖွဲစည်းခဲ့ခြင်းဖြစ်သည်ဟု သိရသည်။

 

” အခုလို ပြည်နယ်အစိုးရကနေ မရာရိုးရာ ၀တ်စုံတင်ပြဖို့ အကြောင်းကြားတာက ၂၀၁၃ ဆီးဂိမ်းစ် မှာ  ရိုးရာ အက ကဖို့ အစီအစဉ်ကြောင့်ဖြစ်နိုင်တယ်၊ နောက်ပြီး ကိုယ့်ဝတ်စုံ သူ့ ၀တ်စုံ ဆိုပြီး အချင်းချင်းကြား ငြင်းနေတဲ့ဟာလေးတွေ ရှင်းရှင်းလင်းလင်းရှိနေစေချင်တာလည်း ဖြစ်နိုင်တယ်” ဟု ပြောသည်။

 

Mara Culture Committee အလုပ်အမှုဆောင် ကော်မတီဝင်များကို အောက်ပါအတိုင်းရွေးချယ်ကြသည်။

 

၁။ Pu Bie Tha ( ဥက္ကဌ )

၂။ Salai Vakhithie (ဒု- ဥက္ကဌ)

၃။ Salai Bietu  ( အတွင်းရေးမှူး)

၎။ Salai Vakhai  ( တွဲဖက်အတွင်းရေးမှူး)

၅။ Mai May Twe ( ဘဏ္ဍာထိန်း)

၆။ Mai Nao Soh ( အဖွဲ့ဝင်) နှင့်

နာယက အဖြစ် Pu Van Cin ( နာယက၊ ပြည်နယ် လွှတ်တော် အမတ်)
ထို့နောက် လုပ်ငန်း အကောင်အထည် အမြန်ဖော်ဆောင်ရန် အတွက် အောက်ပါ ဆုံးဖြတ်ချက် (၃)ခုကိုလည်း ချထား ခဲ့သည်။
၁။ Mara Culture Dress ကို ပြည်နယ်အစိုးရထံ သြဂုတ်လ ၂ရက်နေ့တွင် တင်ပြနိုင်ရန်။

၂။ ( ၂ရ) ကြိမ်မြောက် ဆီးဂိမ်းစ်တွင် Mara Dress ဖြင့် ရိုးရာအက တင်ဆက်ကပြရန် ပြည်နယ်အစိုးရက တောင်းဆို လာပါက တင်ဆက် ကပြနိုင်ရန်

၃။ မရာရိုးရာ ယဉ်ကျေးမှုကို ထိန်းသိမ်းမြှင့်တင်ရန် စသည်တို့ပါဝင်သည်။

Share.

About Author

Comments are closed.