မင်းတပ်မြို့ဂရုဏာ နာရေးကူညီမှု အသင်း နှစ်ချုပ် အစည်းအဝေး ကျင်းပပြီးစီး

0

Mindat town View

ချင်းပြည်နယ် မင်းတပ်ခရိုင်၊ မင်းတပ်မြို့အခြေစိုက် ဂရုဏာနာရေးကူညီမှုအသင်း နှစ်ချုပ်အစည်းအဝေးကို ယခုလ ၂၀ ရက်နေ့က ၄င်းတို့၏ ရုံးတွင် ကျင်းပကြသည်။  အစည်းအဝေးသို့ ခရိုင်မြို့နယ်အုပ်ချုပ်ရေးမှူး၊ ခရိုင်အစိုးရ၀န်ထမ်းများ၊ မြို့မိမြို့ဖများ၊ ဘာသာရေး အသင်းအဖွဲ့ အသီးသီးမှ ဘုန်းတော်ကြီးများ၊ သိက္ခာတော်ရဆရာတော်များ၊ လူမှုအသင်းအဖွဲ့မှ ပုဂ္ဂိုလ်များ၊ နာရေးကူညီမှုအသင်းမှ တာဝန်ရှိများ နှင့် လေ့လာသူ စုစုပေါင်း ၁၀၀ ခန့်တက်ရောက်ကြသည်ဟု သိရသည်။

” အစည်းအဝေးမှာ အသင်းဥက္ကဌ၊ မြို့နယ်အထွေထွေအုပ်ချုပ်ရေးမှူးတို့က မိန့်ခွန်းပြောကြားခဲ့ကြတယ်၊ နောက်ပြီး တောင်ပုလုတိုက်ခွဲကျောင်းထိုင်ဆရာတော် အရှင်ပညာသီရိနဲ့ ရိုမင်ကစ်သလစ်ဘုန်းတော်ကြီးတို့က သြ၀ါဒမြွက်ကြား ကြတဲ့ အပြင် ခရစ်အသင်းပေါင်းစုံအဖွဲ့ ဥက္ကဌကနေ ဂရုဏာ နာရေးကူညီမှုအသင်းနဲ့ အစည်းအဝေးအတွက် ဆုတောင်း မေတ္တာ မင်္ဂလာပေးတယ်” ဟု ကော်မီတီဝင်တဦးက ပြောသည်။

 

အစည်းအဝေးတွင် တာဝန်ရှိအသီးသီးမှ နှစ်ချုပ်လုပ်ငန်း၊ ဘတ်ဂျက်သုံးငွေရှင်းတမ်းများကို အစီရင်ခံကြပြီး ရှေ့ လုပ်ငန်း စဉ်တွေကို အောင်မြင်စွာ ချမှတ်ခဲ့ကြကြောင်းလည်း ထပ်မံဆိုသည်။

 

မင်းတပ်မြို့ဂရုဏာနာရေးကူညီမှုအသင်းကို တောင်ပုလုတိုက်ခွဲ ကျောင်းထိုင်ဆရာတော် အရှင်ပညာသီရိ ဦးဆောင်မှုဖြင့် ဒေသစုံ၊ ဘာသာရေးအသင်းအဖွဲ့ပေါင်းစုံပါဝင်သည့် အလုပ်အမှုဆောင်ကော်မီတီဝင် ၃၅ ဦးဖြင့် ၂၀၁၂ ခုနှစ် ဧပြီလ (၆) ရက်နေ့တွင် စတင်ဖွဲ့စည်းခဲ့ကြသည်။

 

လုပ်ငန်းအကောင်အထည်ဖော်နိုင်ရေးအတွက် အရှင်ပညာသီရိမှ ကာလတန်ဖိုး ကျပ်ငွေ ၁၇၆ သိန်းတန်ဖိုးရှိ မော်တော် ယာဉ် နှစ်စီး၊ လုပ်ငန်းသုံးပစ္စည်း ၁၄ မျိုး လှူဒါန်းသည့် အပြင် စေတနာအလှူရှင်များမှ လှူငွေ ကျပ်သိန်းပေါင်း ၇၂၅၅၉၅၀ နှင့် ကျပ်ငွေ သိန်းပေါင်း ၁၁၇၂၀၀၀ တန်ဖိုးရှိ သဲ၊ ကျောက်၊ ပျဉ်များ လှူဒါန်းပြီး ကျပ်ငွေ သိန်းပေါင်း ၈၄၄၇၉၅၀ တန် ၃၂ ပေ X ၁၈ ပေ  သွပ်မိုး၊ အုတ်ကာ နှစ်ထပ် တိုက် ရုံးကို ဆောက်လုပ်ခဲ့ကြသည်။

 

 

နှစ်ချုပ်လုပ်ငန်းအစီရင်ခံစာအရ လူမှုရေးအသင်းသည် အရေးပေါ်လူနာများအတွက် ပခုက္ကူမြို့သို့ ၅ ကြိမ်၊ မန္တလေးမြို့သို့ ၆ ကြိမ်၊ ဒေသတွင်း ၄ ကြိမ် စုစုပေါင်း ၁၅ ကြိမ် အခမဲ့ ပို့ဆောင်ပေးခဲ့သည့်အပြင် သံသရာခရီးသည်တင်ယာဉ် စုစုပေါင်း ၃၀ ကြိမ် အသုံးပြုခဲ့ပြီးဖြစ်ကြောင်းသိရသည်။

 

အသင်း၏ ရှေ့လုပ်ငန်းစဉ်များအဖြစ် လူမျိုး၊ ဘာသာ၊ အဆင့်အတန်းခွဲခြားမှုမရှိပဲ လုပ်ငန်းများကို ဖော်ဆောင်သွားရန် နှင့် အသင်းအဆောက်အဦးကို တိုးချဲ့ရန်နှင့် မော်တော်ယာဉ်သုံးစီး၊ မော်တော်ဆိုင်ကယ် နှစ်စီး ထပ်မံဖြည့်စွက်ရန်၊ ဆေးပေး ခန်း၊ သွေး လှူဘဏ်၊ သောက် သုံးရေကန်များ ထပ်မံတိုးချဲ့ဖွင့်လှစ်ေ ရးဆောင်ရွက်ရန် ချမှတ်ကြကြောင်း သိရသည်။

 

မင်းတပ်မြို့ ဂရုဏာနာရေးကူညီရေးအသင်းကို နိုင်ငံတော်အစိုးရထံမှ ယာယီမှတ်ပုံတင်နံပါတ်ရရှိခဲ့ပြီးဖြစ်သည်။

Share.

About Author

Comments are closed.