ပထမအကြိမ်မတူဖိုရမ်(Matuforum)တစ်ရပ် ကျင်းပပြုလုပ်မည်

0

Matu

မြန်မာနိုင်ငံ၊ ချင်းပြည်နယ် တောင်ပိုင်း မတူပီမြို့ နယ်အတွင်းရှိ မတူမျိုးနွယ်စု များ၏ ရှေ့ ရေး အတွက် ရှေးရှုလျက် ပထမဆုံးအကြိမ် မတူဖိုရမ်တစ်ရပ်ကို လမည့် ဧပြီလ ၁၅ ရက်နေ့ မှ ၁၇ ရက်နေ့  အထိ မတူပီမြို့  တွင် ကျင်းပပြုလုပ်ရန် စီစဉ်ထားကြောင်း သိရသည်။

ရန်ကုန်မြို့ တွင် အခြေချနေထိုင်ကြသည့် မတူမျိုးနွယ်စု များ၏ အစီအစဉ်ဖြင့် ပြုလုပ်မည့် ဖိုရမ်ကို ရန်ကုန်မြို့ မှ ရောက်ရှိလာသည့် ပူးဒိုင်ထုန်းမှ ဦးဆောင်ကာ မတူပီမြို့  ပေါ်ရှိ မတူမျိုးနွယ် စု ခေါင်းဆောင် များနှင့် တွေ့ ဆုံကာ ဖိုရမ်ကျင်းပပြုလုပ်မည့် အခြေအနေများကို ဆွေးနွေး ခဲ့ကြကြောင်း ဖေဖေါ်ဝါရီ (၁၀) ရက်နေ့ ထုတ် The Matupi Times သတင်းစာတွင် ဖေါ်ပြ ထားသည်။

ရန်ကုန်မြို့ တွင် အခြေချနေထိုင်ကြသည့် မတူမျိုးနွယ်စု ခေါင်းဆောင်များက ဖိုရမ်တစ်ရပ်ကျင်းပ ရန် စီစဉ်ထား သည့်အပေါ် ပူး ဒိုင်ထုန်းဦးဆောင်သည့် အစည်းအဝေးက ထပ်လောင်းအတည်ပြု မှု ပြုလုပ်ပြီး ရှေ့ လုပ်ငန်းစဉ် များချမှတ်ခဲ့ကြကြောင်း သိရသည်။

ယင်းဖိုရမ်ကိုတွင် မတူမျိုးနွယ်စု၏ စည်းလုံးရေးနှင့် ရှေးရေး အခြေအနေ၊ မတူယဉ်ကျေးမှု ဥပဒေ အရေး၊ လူနေမှုနှင့် နိုင်ငံရေး၊ အမျိုးသမီးအရေး၊ ပတ်ဝန်းကျင်ထိန်းသိမ်းရေး၊ တိုးတက် ဖွံ့ ဖြိုးရေး၊ မြို့  တွင်းအုပ်ချုပ်ရေးစနစ် အခြေအနေ၊ ပြည်တွင်းငြိမ်းချမ်းရေးနှင့် မျိုးနွယ်စုများ၏ အခြေအနေ၊ ပညာရေးနှင့် လူငယ်အရေး စသည်များကို ဆွေးနွေးရန် ဆုံးဖြတ်ကြကြောင်း သိရသည်။

ဖိုရမ်ကိုယ်စားလှယ်များဆွေးနွေးရာတွင် မတူပီမြို့  ပြင်ပတွင်နေထိုင်သူများအတွက် ကိုယ်စား လှယ် ဦးရေ ၁၀၀၊ မတူမျိုးနွယ်စုများ နေထိုင်ကြသည့် ကျေးရွာအသီးသီးမှ ကိုယ်စားလှယ် ၁၀၀ နှင့် မြို့ ပေါ်ရှိ ပြည်သူလူထုမှ ကိုယ်စားလှယ် ၁၀၀ စုစုပေါင်း ၃၀၀ ဦးခန့် ဖြင့် ကျင်းပပြုလုပ်နိုင် ရန် စီစဉ်ထားသည်။

ဖိုရမ်ကို မတူပီမြို့ ပေါ်ရှိ Matu Association of Baptist Churches (MABC) ခန်းမတွင် ကျင်းပ ရန်ဖြစ်ပြီး ဧည့်ခံ ကျွေးမွေးရေးကို Matupi Youth Association (MYA) နှင့် Matupi Women Organization (MWO) တို့ က တာဝန်ယူရန် ဆုံးဖြတ်ထားသည်။

မတူပီမြို့ နယ်တွင် မတူမျိုးနွယ်စု ဦးရေ ၇၀၀၀၀ ခန့် ရှိမည်ဟု ယူဆရသည့် မတူမျိုးနွယ်စုများ တစု တစည်း တည်းဖြင့် ဘုံစုရပ်တခုရရှိရန် ရည်ရွယ်လျက် ယင်းဖိုရမ်ကို ကျင်းပပြုလုပ် မည်ဖြစ်ကြောင်း၊ ယင်း အတွက် ကုန်ကျစရိတ်များကို ရန်ကုန်မြို့ ရှိ မတူမျိုးနွယ်စု ခေါင်းဆောင်များ က ရှာဖွေရန် စီစဉ်ထားကြောင်း သိရသည်။

Share.

About Author

Leave A Reply

*

code