ဟားခါးမြို့တွင် သန်းခေါင်စာရင်း အချက် အလက် ဆိုင်ရာ အသိပညာပေးရေး အလုပ် ရုံဆွေးနွေးပွဲပြုလုပ်

0

DSC_0008

ချင်းပြည်နယ်မြို့တော်ဟားခါးတွင် ပြည်နယ်အဆင့် သန်းခေါင်စာရင်း အစီရင်ခံစာ ဖြန့်ဝေမှု နှင့် သန်းခေါင် စာရင်း အချက် အလက် ဆိုင်ရာ အသိပညာပေးရေး အလုပ်ရုံ ဆွေးနွေးပွဲတရပ်ကို ယနေ့ အောက်တိုဘာလ (၁၄) ရက်နေ့မှ စတင်ကျင်းပပြုလုပ်ခဲ့ကြသည်။

အလုပ်ရုံဆွေးနွေးပွဲတွင် ပြည်သူ့အင်အား ဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၊ နေပြည် တော်မှ ဒုတိယ ညွန်ကြားရေးမှူး ဦးဝင်းမြင့် နှင့် ချင်းပြည်နယ် ဖလမ်းခရိုင် ပြည်သူ့ အင်အားဦးစီး ဌာနမှ ဒုတိယ ညွန်ကြားရေးမှူးတို့က ဦးဆောင်ပြီး ပြည်နယ်အဆင့် ဌာနဆိုင်ရာမှ တာဝန်ရှိများ၊ ဘာသာရေး အဖွဲ့အစည်း၊ အရပ် ဖက်လူ့ အဖွဲ့ အစည်း နှင့် သတင်းမီဒီယာ မှ ပုဂ္ဂိုလ်များ (၅၀) ကျော် ပါဝင်တက်ရောက် ခဲ့ကြသည်။

အလုပ်ရုံဆွေးနွေးပွဲတွင် ပြည်ထောင်စု မြန်မာနိုင်ငံအတွင်း သန်းခေါင်စာရင်းကောက်ယူမှု နောက်ခံ၊ သန်းခေါင် စာရင်း၏ အဓိပါယ်ဖွင့်ဆိုချက်၊ သန်းခေါင်စာရင်းကောက်ယူရခြင်းလုပ်ငန်းစဉ်များကို ဦးဝင်းမြင့်မှ အသေးစိပ်ရှင်းလင်း ခဲ့သည်။

(၃)ရက်ကြာ ပြုလုပ်မည့် အလုပ်ရုံဆွေးနွေးပွဲအတွက် ကုန်ကျငွေကို UNFPA မှ ထောက်ပံ့ခဲ့တာဖြစ်ပြီး လမ်းပန်း ဆက် သွယ်ရေး အခက်အခဲကြောင့် ပြည်နယ်အဆင့် နှင့် ခရိုင်အဆင့် ဖြင့် ပြုလုပ် သွား မှာဖြစ်ကြောင်း အစီရင်ခံစာ ထုတ်ပြန်သည့် အခမ်းအနားကို ယမန်နေ့က ပြုလုပ်ခဲ့ပြီးဖြစ်ကြောင်း ဒုတိယ ညွန်ကြားရေးမှူး ဦး ၀င်းမြင့်က ပြောခဲ့သည်။

ချင်းပြည်နယ်ပင်မ အစီရင်ခံစာတွင် ပြည်နယ်အဆင့်၊ ခရိုင်အဆင့် မြို့နယ်အဆင့် အိမ်ထောင်စု၊ လူဦးရေ နှင့် လူမှုစီးပွားရေးအချက်အလက်များကို အသေးစိပ်ဖော်ပြထားပြီး အလုပ်အကိုင်၊ လုပ်ငန်း၊ လူမျိုးနှင့် ကိုးကွယ် သည့် ဘာသာ မပါဝင်သေးကြောင်း ဆက်ဆိုသည်။

” ပင်မအစီရင်ခံစာမှာ မပါဝင်သေးတဲ့ အချက် (၄) ချက် ထဲက လူမျိုး နဲ့ ကိုးကွယ်ဘာသာ စာရင်း ကိုတော့ သက် ဆိုင်ရာ ဒေသခံ၊ ခေါင်းဆောင်တွေ နဲ့ ပူးပေါင်းပြီး ပြုစု လုပ်ဆောင်သွားမယ်” ဟု ဦး ၀င်းမြင့် က ပြောသည်။

၂၀၁၄ ခုနှစ် မတ်လ (၂၉) ရက်နေ့မှ ဧပြီလ (၁၀) ရက်နေ့အထိ ပြည်လုံးကျွတ် လူဦးရေ နှင့် အိမ်အကြောင်း အရာ သန်းခေါင်စာရင်းအရ ချင်းပြည်နယ်တွင် လူဦးရေ စုစုပေါင်း ၄၇၈၈၀၁၊ ကျား ၂၂၉၆၀၄ ၊ မ ၂၄၉၁၉၇၊ လူဦးရေ သိပ်သည်းစ တစ်စတုရန်း ကီလိုမီတာလျှင် ၁၃.၃၊ အိမ်ထောင်စု အရေအတွက် ၉၁၁၂၁၊ ခရိုင် ၃၊ မြို့နယ်၊ မြို့နယ်ခွဲ ၁၃၊ ဧရိယ အကျယ်အ၀န်း စတုရန်း ကီလိုမီတာ ၃၆၀၁၈.၉ ရှိသည်ဟု သိရသည်။

Share.

About Author

Leave A Reply

*

code