ဒုက္ခရောက်နေသည့် အမျိုးသမီး ဦးဆောင်သော အိမ်ထောင်စုများ ကူညီမည်- UNDP

0

UNDP

သဘာဝဘေးဒါဏ်ကြောင့် ဒုက္ခရောက်နေကြသည့် ဟားခါးမြို့ နယ် ကျေးရွာ (၁၀)ခုရှိ အမျိုးသမီး ဦးဆောင် သော အိမ်ထောင်စုများကို ၄င်းတို့ ဘာဝ ပြန်လည်ထူထောင်နိုင်ရေးအတွက် ၂၀၁၅ ခုနှစ် ဒီဇင်ဘာလ နောက် ဆုံးပတ်မှ စပြီး စတင် ကူ ညီမည်ဖြစ် သည်။ ဟားခါးမြို့ နယ် သဘာဝ ဘေးသင့် ကျေးရွာ တချို့  စောလျင်စွာ ပြန်လည်ထူထောင်နိုင်ရေး အတွက် ၂၀၁၅ ခုနှစ် သြဂုတ်လမှ အကူအညီပေးခဲ့ သည့် အခြေအနေများ ကို မနေ့ က လေ့ လာကြည့်ရှု ရာ တွင် ဟားခါးမြို့  အခြေစိုက် UNDP ရဲ့  Livelihood and Social Cohesion အရာရှိ ဦး တင်ငြိမ်း က အခုလို ပြောဆိုခြင်း ဖြစ်သည်။

 

“ကျတော်တို့  ဟားခါးမြို့ နယ်မှာ ကျေးရွာ (၅) ခုကို ကူညီခဲ့တယ်။ အခုဆိုရင် ကျေးရွာ (၅) ခုထပ်ချဲ့ တော့ ကျေးရွာ (၁၀) ခုဖြစ်သွားပြီ၊ အဲဒီကျေးရွာမှာ ရှိကြတဲ့ အမျိုးသမီး ဦးဆောင်သော အိမ်ထောင်စု အဖွဲ့  ဖွဲ့ စည်း ပြီးတော့ သူတို့ ကိုလည်း ကူညီသွားဖို့  စီစဉ်နေပါတယ်” ဟု ဦးတင်ငြိမ်း ကဆိုသည်။

 

သဘာဝသင့် ကျေးရွာများ၏ ပျက်စီးသွားခဲ့သည့် ရေသွယ်မြောင်းများ ပြင်ဆင်ပေးခြင်း၊ (၄) လမ်းများ ဖောက် လုပ်ပေးခြင်း၊ ၀င်ငွေ ရရှိနိုင်သည့် ၀က်၊ ကြက်များ မွေးမြူနိုင်ရန် အရင်းအနှီး ထုတ်ပေးခြင်း စသည့် လုပ်ငန်း အတွက် အကူအညီ ပေးခြင်းဖြစ်ကြောင်း သိရသည်။

 

ဟားခါးမြို့  UNDP အနေဖြင့် လက်လှမ်းမှီနိုင်သည့် Loklung, Chun Cung, Hriarlawn, Bualtak, Tiphul, Buanlung, Tinam, Cinkhua, Aive နှင့် Rinpi ကျေးရွာများကို ထောက်ပံ့ကူညီခြင်းဖြစ်ကြောင်း သိရသည်။

 

ရွာချင်းဆက်လမ်းနှင့် ပျက်စီးခဲ့သည့် ရေသွယ်မြောင်းများ ပြုပြင်ရာတွင် ကျေးရွာ ပြည်သူလူထုကို တနေ့  ကျပ်ငွေ- ၆၀၀၀/- နှုန်းဖြင့် လုပ်အားခပေးပြီး ယင်းလုပ်ငန်းကို သက်ဆိုင်ရာ ကျေးရွာ စောလျင်စွာ ပြန်လည် ထူထောင်ရေးကော် မီတီ က ဦးဆောင်ကာ အကောင်အထည်ဖေါ်ခြင်းဖြစ်ကြောင်း သိရသည်။

 

ကျေးရွာရှိ အမျိုးသမီး ဦးဆောင်သော အိမ်ထောင်စု အဖွဲ့ အတွက် ကြက် မွေးမြူရေးနှင့် ၀က်မွေးမြူရေး လုပ်ငန်း များကို စတင် ကူညီရန်ရှိကြောင်း UNDP တာဝန်ရှိသူက ဆိုသည်။ “အခုလုပ်ငန်းတွေ ပြန်စစ်ဆေးလေ့လာတဲ့အခါမှာ အား နည်း ချက်တွေရှိတယ်၊ အထူးသဖြင့် မွေးမြူရေး လုပ်ငန်း လေးတွေမှာပေါ့၊ ကျေးရွာတွေကနေ တင်လာတဲ့အခါမှာ ကျတော်တို့ ရုံးမှာ သက်ဆိုင်ရာ မွေးမြူရေး၊ စိုက်ပျိုးရေး ဌာနကနေ တာဝန်ရှိသူတွေနဲ့  ဆွေးနွေးပြီးတော့  သူ တို့ က အကြံပြုတဲ့ အတိုင်း ရွာတွေမှာ ချပြ တယ်” ဟု ဦးတင်ငြိမ်းက ဆိုသည်။

 

သို့ သော် တချို့ နေရာများမှာ သမာရိုးကျ အနေအထားဖြင့်သာ မွေးမြူကြပြီး ရောင်းရမည့် အချိန်နောက်ကျ ကာ မွေးမြူရေး လုပ်ငန်း လုပ်သူများ ၀င်ငွေရရှိမှု နည်းလာမည်ဖြစ်သောကြောင့် UNDP အနေဖြင့် မွေးမြူရေး လုပ်ငန်း
လုပ် သူများ များ ကို သီးသန့်  သင်တန်းများပေးပြီး လုပ်ဆောင်ပေးဖို့ စီစဉ်နေကြောင်း သိရသည်။

 

UNDP အနေဖြင့် ၁၉၉၇ ခုနှစ်က စတင်ကာ ချင်းပြည်နယ် ဟားခါးမြို့ မှာ ရုံးစိုက်ပြီး ပြည်နယ် တိုးတက်ဖွံ့ ဖြိုး ရေးအတွက် လုပ်ငန်းအကောင်အထည် ဖေါ်ဆောင်ရွက်နေသည့် အဖွဲ့ ဖြစ်သည်။ ယခုဆို ရုံးလုပ်သား အရည်အတွက် နည်းပါးသောကြောင့်၎င်း၊ ပြည်နယ်အတွင်း လမ်းပန်းဆက်သွယ်ရေး အခက်အခဲများကြောင့် ၄င်း လုပ်ငန်း နှောက်နှေးမှု ရှိနေသည်ကို တွေ့ ရှိရသည်။

Share.

About Author

Leave A Reply