ချင်းပြည်နယ် ဖွံ့ဖြိုးတိုးတက်မှု မရှိခြင်းမှာ အုပ်ချုပ်ရေး စနစ်ကြောင့်ဖြစ် တယ်လို့ ZCD အတွင်းရေးမှူး ဦး ဂင်ခမ်းလျံ ပြော

0

မြန်မာနိုင်ငံရှိ တိုင်းနှင့်ပြည်နယ်များအထဲမှ အဆင်းရဲဆုံးပြည်နယ်ဖြစ်သည့် ချင်းပြည်နယ် ဖွံ့ဖြိုးတိုးတက် မှုမရှိခြင်းသည် ငြိမ်းချမ်းရေး မရှိလို့ မဟုတ်ဘဲ အုပ်ချုပ်ရေးစနစ်ကြောင့်ဖြစ်ကြောင်း ဇိုမီးဒီမိုကရေစီအဖွဲ့ချုပ် အထွေထွေအတွင်းရေးမှူး ဦး ဂင်ခမ်းလျံ (Gin Kam Lian) က ပြောပါသည်။

အဆိုပါ ကိစ္စကို နေပြည်တော် MICC II တွင် ကျင်းပသော ၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံ တတိယနေ့တွင် ဇိုမီးဒီမိုကရေစီအဖွဲ့ချုပ် အမျိုးသားလွှတ်တော် ကိုယ်စားလှယ် တီးတိန်မြို့မှ ရွေးချယ်ခံရ သော ဦး ဂင်ခမ်းလျံ က  ပြောဆို ခဲ့ ခြင်းဖြစ်သည်။

“ငြိမ်းချမ်းရေးမရှိလို့ မဖွံ့ဖြိုးဘူးလို့ပြောတာ မဟုတ်နိုင်ဘူး၊ ချင်းပြည်နယ်မှာ ခုဆိုရင် ဘာမှ တိုက်ပွဲတွေမ ရှိဘူး ငြိမ်းချမ်းနေတယ်။ ကနေထိ မဖွံ့ဖြိုးတာဟာ အုပ်ချုပ်ရေးစနစ်ကြောင့်ဖြစ်တယ်။ အုပ်ချုပ်တဲ့သူတွေက ကျနော်တို့ ချင်းပြည်နယ်ကို ချန်ထားခဲ့လို့ မဖွံ့ဖြိုးတာပါ” ဟု ၎င်းက ခိုနုမ်းသုန်သတင်းဌာနသို့ ပြောသည်။

လက်ရှိ ချင်းပြည်နယ် ဖွံ့ဖြိုးတိုးတက်ရန်အတွက်ဆိုလျှင် အဓိက နိုင်ငံရေးစနစ်ပြောင်းပြီး ဖက်ဒရယ်ပုံစံ နှင့်သွားပြီးမှ ပြည်နယ် အစိုးရကကို လုပ်ပိုင်ခွင့်ပါဝါပေးထားမှသာ ဖြစ်နိုင်မည်ဖြစ်ကြောင်း  လက်ရှိအခြေအနေ မှာ ဗဟိုကပေးသမျှကိုသာ မှီခိုနေရတယ့် အနေအထားမျိုးဖြစ်နေ၍ ဖွံ့ဖြိုးတိုးတက်မှုမရှိနိုင်ခြင်းဖြစ်ကြောင်း ၎င်းက ဆက်လက်ပြောဆိုသည်။

ယင်းကိစ္စနဲ့ပတ်သက်ပြီး ချင်းအမျိုးသားတပ်ဦး လက်ထောက်အထွေထွေအတွင်းရေးမှူး (၂) ဦးခွာအုပ်လျံ (U Khua Uk Lian) ကလည်း လက်ရှိ ချင်းပြည်နယ်၏ ဖွံ့ဖြိုးရေးလုပ်ငန်းစဉ်များကို ရာခိုင်နှုန်းအားဖြင့် ထူးထူး ထွေထွေပြောစရာမ ရှိကြောင်းအောက် ပါအတိုင်း ပြောဆိုသည်။

“ချင်းပြည်နယ်ရဲ့ ဖွံ့ဖြိုးရေးလုပ်ငန်းက စကိုမစသေးဘူးလို့ ပြောလို့ရပါတယ်။ ၂၀၁၄ ခုနှစ်ကနေ လမ်းဖောက်ပေးတယ်၊ လျှပ်စစ် မီးတွေ နည်းနည်းလုပ်လာတယ်၊ ရာခိုင်နှုန်းအားဖြင့်ပြောမယ်ဆိုရင် ပြောပလောက်တဲ့ အတိုင်းအတာမရှိဘူး၊ ချင်းပြည်နယ် အတွက်တော့ အခုမှ စတယ်လို့ပြောလို့ရတယ် ဒါကြောင့် အတော်ကြာ အချိန်ယူပြီး လုပ်ရမယ့် အနေအထားမှာရှိပါ တယ်” ဟု ခိုနုမ်းသုန်သတင်းဌာနသို့ ပြောသည်။

ချင်းပြည်နယ် ဖွံ့ဖြိုးတိုးတက်လာရန်အတွက်ဆိုလျှင် အဓိကအားဖြင့် အပေါ်ထပ်အဆောက်အဦး၊ လမ်း၊ လျှစ်စစ်မီး၊ ရေ၊ ကျန်းမာရေး၊ ပညာရေး ရှိရန် အဓိကလိုအပ်ကြောင်း၊ ၎င်းအရာများကို အရင်ဆုံးလုပ်မှသာ အလုပ်မျိုးစုံ ဖန်တီးလာနိုင်ပြီး  ချင်းလူမျိုးများ အလုပ်အကိုင်အခွင့်အလမ်းများပေါ်ထွန်းလာနိင်မည်ဟု ယုံကြည်ကြောင်းလည်း ၎င်းက ဆက်လက်ပြောကြာသည်။

Share.

About Author

Leave A Reply

*

code