ကလေးမြို့ လေယဉ်ကွင်းတိုးချဲ့ရန် အိမ်ခြေ ၁၆၅ ခန့် ပြောင်းရွေ့ ခံရ

0

May 16, 2012 by khonumthungburmese

စစ်ကိုင်းတိုင်းဒေသကြီး ကလေးမြို့  အာဏာပိုင်များက လေယဉ်ကွင်းတိုးချဲ့ ရန်ဆိုပြီး ပင်လုံရပ် ကွက် နေ အိမ်ခြေ ၁၆၅ ကို ပြောင်းရွေ့ ပြီး အိမ်ခြေတချို့  တောင်ဖီလာရပ်ကွက်တွင် နေရာပြန်လည် ချထားမှုပြုလုပ်လျက်ရှိသည်။

ဤသို့ ပြန်လည်နေရာချထားမှုပြုလုပ်ရာတွင် ကျေးရွာအုပ်ချုပ်ရေးမှူးများနှင့် ရင်းနှီးသူများသည် ၄င်းတို့ အိမ်နေရာ ပြန်လည်ချထားနိုင်ရေးအတွက် ထောက်ပံ့ကြေးအတော်အသင့် ရရှိကြပြီး သာမန် လူထု များမှာ အနည်းအကျဉ်း သာရရှိ ခဲ့ကြ ကြောင်း သိရသည်။

“သူတို့ အိမ်တွေမဖျက်သိမ်းခင်မှာ ယခင် အိမ်နေရာအကျယ်အ၀န်းကို မတိုင်းတော့ဘဲ အိမ်အခြေအ နေကိုဘဲကြည့်ပြီး ငွေပေးကြတယ်။ အစိုးရက သတ်မှတ်ထားတာကတော့ တအိမ်ထောင် အတွက် အိမ်နေရာကို အလျား ၈၀၊ အနံ ၆၀ ပေ သတ်မှတ်တယ်၊ တကယ်ပေးတဲ့အခါကျတော့ ၆၀-၄၀ ပေ နှုန်းနဲ့ပဲ တိုင်းပေးတယ်၊ ပေ ၄၀ ပြန်နှုတ်တယ်၊ ဒါသူတို့  အတွက် ပေါ့” ဟု ကလေးမြို့  နယ်ခံ တစ်ဦး က ဆိုသည်။

ပြီးတော့ ပင်လုံရပ်ကွက်၌ တစ်အိမ်ထောင်လျှင် အိမ်နေရာ မည်မျှပင်ပိုင်ဆိုင်စေကာမူ တောင်ဖီလာ တွင် အိမ်နေရာ တစ်ခုတည်းသာရရှိကြကြောင်း၊ ၂၀၁၂ ဇန်န၀ါရီလ အထိ အစိုးရက အိမ်နေရာ ဖျက်သိမ်းခံရသည့် အိမ်ခြေပေါင်း ၁၆၅ ခန့် ရှိပြီးဖြစ်ကြောင်း သိရသည်။

အစိုးရက အိမ်နေရာသစ်သတ်မှတ်ပေးထားသည့် တောင်ဖီလာရပ်ကွက်တွင် အိမ်ဖျက်သိမ်းခံခဲ့သည့် လူထုကိုယ်တိုင် ဆောက်လုပ်လျက်ရှိပြီး ကလေးမြို့ လေယဉ်ကွင်းတိုးချဲ့ ရေးလုပ်ငန်းကို ဦးတေဇ ပိုင်သည့် ပုဂံလေကြောင်း ကုမ္ပဏီမှစတင်ပြီး တိုးချဲ့ လုပ်ငန်းကို လုပ်ဆောင်နေပြီဖြစ်ကြောင်း သိရ သည်။

အဖျက်သိမ်းခံခဲ့သည့် အိမ်ခြေ ၁၆၅ ထဲတွင် ချင်းအိမ်ထောင်စု ၁၆၀ ရှိပြီး စစ်ကိုင်းတိုင်း၊ ချင်းရေးရာ ၀န်ကြီး ဦးနိုးထန်ကပ်ထံ ယင်းကိစ္စကို တင်ပြအကြောင်းကြားထားသော်လည်း အာဏာပိုင်များက တစုံတရာ အရေးယူပေးခြင်းမရှိကြောင်း တောင်ဖီလာရပ်ကွက်မှ တာဝန်ရှိတဦးထံမှ သိရှိရသည်။

ယင်းလေယဉ်ကွင်းတိုးချဲ့ ဆောက်လုပ်နိုင်ရန် ပင်လုံရပ်ကွက် အုပ်ချုပ်ရေးမှူး ဦး ပါမန်းက ၂၀၀၉ ခုနှစ်မှစ၍ ဖျက်ဆီးခံမည့် အိမ် များကို ဓါတ်ပုံရိုက်ပြီး မှတ်တမ်းတင်ခဲ့ကြောင်း၊ ၂၀၁၀ခုနှစ် ဇူလိုင် လတွင် ဒေသခံ အာဏာပိုင်များက တောင်ဖီလာ ဖက်သို့  ပြောင်းရွေ့ ရန် အမိန့်  ထုတ်ပြန်ပြီး ပြောင်း ရွေ့ ခိုင်းခြင်းဖြစ်သည်။

Share.

About Author

Comments are closed.