တွန်းဇံမြို့နယ်တွင် ဒုရဲအုပ်က တပ်သားကို သေနတ်ဖြင့်ပစ်ခတ်

0

By လားနွန် – ချင်းပြည်နယ်မြောက်ပိုင်း၊ တွန်းဇံမြို့နယ်တွင် တာဝန်ထမ်းဆောင်သည့် ဒု-ရဲအုပ်ဟန်ဝင်းအောင်က သူ့လက်အောက်ငယ်သား ရဲတပ်သားတစ်ဦိးကို သေနတ်ဖြင့်ပစ်ခတ်မှု ပြီးခဲ့သည့် ဒီဇင်ဘာလ ၁၄ ရက်နေ့က ဖြစ်ပွားခဲ့ကြောင်းသိရသည်။

အခင်းဖြစ်စဉ်မှာ ဒီဇင်ဘာလ ၁၄ ရက်နေ့က လုံခြုံရေးဆောင်ရွက်ထားရှိမှု ဇတ်သတ်လေ့ကျင့်ရေးအတွက် သွားရောက်နေစဉ် တွန်းဇံမြို့နယ်၊ ဘပီးအုပ်စု၊ ကျီခါး-ဇမ်ပီးလမ်းခွဲအရောက်တွင် ရဲတပ်သားထန်လျန်းပေါင်ကို ဒုရဲအုပ်ဟန်ဝင်းအောင်က ၎င်းကိုင်ဆောင်သော ခြောက်လုံးပြူးသေနစ်ဖြင့် (၄) ချက်ပစ်ခတ်ခဲ့ပြီး၊ ကျည်ဆံထိမှန်မှုတော့ မရှိခဲ့ကြောင်း သေနတ်ဖြင့်အပစ်ခံရသည့် ရဲတပ်သား ထန်လျန်းပေါင်က ခိုနူမ်းသုန်သတင်းဌာနကိုပြောသည်။

“သူက ဟဲ့ကောင် မင်းဝါးတားတားမလုပ်နဲ့နော်ဆိုပြီး ကျနော်လည်း ဟုတ်ကဲ့ဗိုလ်ကြီးဆိုပြီး အဲဒါလေးခါလောက်ပြောတာ အဲဒါနဲ့ ကျနော်လည်း လေးခါငါးခါလောက်ပေါ့ ဗိုလ်ကြီး ကျနော်ဘာအမှားလုပ်လဲဆိုပြီး ကျနော်လည်း ဗမာစကားသိပ်မကျွမ်းဘူးပေါ့နော် ပြောမှားတာလည်း ရှိရင်ရှိအုံးမယ် ကျနော့်ကို နားလည်ပေးပါ ကျနော်ပြန်ပြောတာနဲ့ မင်းဘာဖြစ်လို့ပြန်ပြောတာလဲ မင်းအရာရှိလား ငါ့အရာရှိလား အဲလိုပြောပြီးတော့ သေနတ်နဲ့ပစ်တာလေ၊ ကျနော့်သူငယ်ချင်းတွေရှိလို့
ဗိုလ်ကြီးနဲ့ ၅ ပေလောက်ပဲကွာတာလေ ဘယ်သူမှမတားရင်တော့ ထိကိုထိမှာ’’ ဟု ရဲတပ်သား ထန်လျန်းပေါင်ကပြောသည်။

ဒု-ရဲအုပ်ဟန်ဝင်းအောင်၏ ပစ်ခတ်မှုကြောင့် တပ်သားထန်လျန်းပေါင်သည် ကျည်ဆံထိမှန်ခြင်းမရှိသော်လည်း ဆိုင်ကယ်ခေါင်းအား ထိမှန်ခဲ့သည်ဟုသိရသည်။

ယင်းကိစ္စနှင့်ပတ်သက်၍ ရဲတပ်သား ထန်လျန်းပေါင်က အများအဖွဲ့အစည်းရှေ့မှောက်တွင် တပ်ဖွဲ့ဝင်တစ်ဦး၏ ဂုဏ်သိက္ခာထိပါးစေရန်နှင့် အသက်အန္တရာယ်သေစေရန် ကြံရွယ်ချက်ဖြင့် ပစ်ခတ်သည့် ဒုရဲအုပ်ဟန်ဝင်းအောင်အား အရေးယူဆောင်ရွက်ပေးရန် တွန်းဇံမြို့ရဲစခန်းသို့ တိုင်ကြားထားသည်ဟု သိရသည်။

အဆိုပါကိစ္စများနှင့်ပတ်သက်ပြီး ခိုနူမ်းသုန်သတင်းဌာနမှ သက်ဆိုင်ရာ တွန်းဇံမြို့ ရဲစခန်မှူး ဒုရဲမှူးစိုးဝင်းအား ဖုန်းဖြင့်ဆက်သွယ်မေးမြန်းသော်လည်း ယင်းကဲ့သို့ဖြစ်စဉ်မျိုး မဖြစ်ခဲ့ကြောင်း ဖြေကြားခဲ့သည်။

(Photos – Phualva Lungtuak Media)

Share.

About Author

Leave A Reply