ပါတီဥကၠဌအဖမ္းခံရေသာ္လည္း ခ်င္းျပည္နယ္ကိုယ္စားလွယ္ေလာင္းမ်ားအေပၚ ႐ိုက္ခတ္မႈမရွိဟုဆို

0

#Unicode

By လားနွန် – နှင်းဆီပါတီခေါ် ညီညွတ်သောဒီမိုကရက်တစ်ပါတီ (UDP) ဥက္ကဌ ဦးကျော်မြင့် အဖမ်းခံရသော်လည်း ချင်းပြည်နယ်အတွင်းရှိ နှင်းဆီပါတီကိုယ်စားလှယ်လောင်းများနှင့် မဲဆွယ်စည်းရုံးရေးလုပ်ငန်းအပေါ် အဟန့် အတားမရှိဘဲ ပါတီဝင်အင်အားတောင်တိုးလာသည်ဟု ချင်းပြည်နယ် ပါတီတာဝန်ခံ ဦးသွမ်ခန်ကပ်ကေ ပြာသည်။

“ အဲဒီကိစ္စနဲ့ပတ်သက်ပြီး ကျနော်တို့အပေါ်ရိုက်ခတ်တာ အဟန့်အတားတွေမရှိပါဘူး၊ သူ့တစ်ဦးတစ်ယောက်ရဲ့ ကိစ္စတွေပဲဖြစ်တော့ ပါတီကိစ္စမဟုတ်တဲ့အတွက်ကြောင့် ကျနော်တို့အနေနဲ့ အဟန့်အတားတာတွေမျိုးမရှိပါဘူး သူ့ကိစ္စကိုတော့ ပါတီဥက္ကကပဲ ဖြေရှင်းပါလိမ့်မယ်၊ ကျနော်တို့ပါတီကိစ္စက အများပိုင်ပါတီဖြစ်နေတဲ့အတွက် ကိ်ုယ့်ရပ်ကွက် ကိုယ့်ဒေသမှာ ကြိုးစားနေကြတဲ့အတွက်ကြောင့် အဟန့်အတားမရှိပဲနဲ့ ပိုတောင်မှ နိုင်ငံရေးစိတ် တက်ကြွပြီးတော့မှ ပါတီအင်အား တိုးလာတာပဲရှိတယ် လျော့တာမရှိဘူး” ဟု ချင်းပြည်နယ်နှင်းဆီပါတီတာဝန်ခံ ဦးသွမ်ခန်ကပ်ကပြောသည်။

UDP ပါတီဥက္ကဌ ဦးကျော်မြင့် (ခေါ်) မိုက်ကယ်ကျော်မြင့် ဟွာဟူသည် ထောင်ပြေးမှုဖြင့် ပြီးခဲ့သည့် စက်တင်ဘာ လ ၂၉ ရက်နေ့က အဖမ်းခံခဲ့ရပြီး ရာဇသတ်ကြီးပုဒ်မ ၂၂၄ ဖြင့် အမှုဖွင့်ခံထားရသူဖြစ်သည်။

ချင်းပြည်နယ်အမျိူးသားလွှတ်တော်အမှတ် (၁၂) မဲဆန္ဒနယ်မြေတွင် နှင်းဆီပါတီကိုယ်စားပြုအနေဖြင့် ဝင်ရောက်ယှ ဉ်ပြိုင်မည့် ဦးကျဲအိုလိန်းကလည်း ပါတီဥက္ကဌအဖမ်းခံရမှုကြောင့် လွှတ်တော်ကိုယ်စားလောင်း တွေအပေါ် ရိုက်ခတ်မှုမရှိကြောင်း ပြောဆိုပါသည်။

“ ကျနော်တို့ပါတီပိုင်းဆိုင်ရာရော၊ ကိုယ်စားလှယ်ပိုင်းမှာဘဲဖြစ်ဖြစ် ထိခိုက်တာ အဟန့်အတားဖြစ်စေတာမျိူး ဘာမှမရှိပါဘူး” ဟု ပြောသည်။

ယခုကဲ့သို့ ပါတီဥက္ကဌအဖမ်းခံရသော်လည်း ပါတီ၏မူဝါဒအတိုင်း ကိုယ့်နည်းကိုယ့်ဟန့်ဖြင့် ပါတီစည်းရုံးရေး များဆက်လက်လုပ်ဆောင်နေသည်ဟု ချင်းပြည်နယ် UDP ပါတီတာဝန်ခံကပြောသည်။

“ ပါတီလုပ်ထုံးလုပ်နည်းအရ ပါတီစည်းရုံးရေးကွင်းဆင်းတာတွေပုံမှန်လုပ်နေပါတယ်၊ ကျနော်တို့ဟာနဲ့ကျနော် တို့ ကိုယ့်ဟာကိုအိတ်စိုက်ပြီးတော့မှ စည်းရုံးကွင်းဆင်းတယ် ဥက္ကဌမရှိရင်လည်း UDP ရဲ့ မူဝါဒအတိုင်းပဲ ကိုယ့်ဒေသ ကိုယ့်နယ်မြေအတွက် ကိုယ်ကျိူးစွန့်ပြီးကွင်းဆင်းနေပါတယ်” ဟု UDP ပါတီတာဝန်ခံ ကပြောသည်။

နှင်းဆီပါတီသည် မြန်မာတစ်နိုင်ငံလုံးတွင် အမျိူးသားဒီမိုကရေစီအဖွဲ့ချူပ် (NLD) ပါတီပြီးရင် ဒုတိယမြောက် မဲဆန္ဒနယ်မြေအများဆုံးဝင်ရောက်ယှဉ်ပြိုင်မည့်ပါတီဖြစ်သည်။

ချင်းပြည်နယ်တွင်လည်း မဲဆန္ဒနယ်မြေ (၃၉) နေရာရှိသည့်အနက် (၃၈) နေရာတွင်ဝင်ရောက်ယှဉ်ပြိုင်မည်ဖြစ်သည်။

#Zawgyi

ပါတီဥကၠဌအဖမ္းခံရေသာ္လည္း ခ်င္းျပည္နယ္ကိုယ္စားလွယ္ေလာင္းမ်ားအေပၚ ႐ိုက္ခတ္မႈမရွိဟု ဆို 

ခိုႏူမ္းသုန္သတင္း၊ ၁၅ ေအာက္တိုဘာ ၂၀၂၀။

By လားႏြန္

ႏွင္းဆီပါတီေခၚ ညီညြတ္ေသာဒီမိုကရက္တစ္ပါတီ(UDP) ဥကၠဌ ဦးေက်ာ္ျမင့္ အဖမ္းခံရေသာ္လည္း ခ်င္းျပည္နယ္အတြင္းရွိ ႏွင္းဆီပါတီကိုယ္စားလွယ္ေလာင္းမ်ားႏွင့္ မဲဆြယ္စည္းရံုးေရးလုပ္ငန္းအေပၚ အဟန္႔ အတားမရွိဘဲ ပါတီ၀င္အင္အားေတာင္တိုးလာသည္ဟု ခ်င္းျပည္နယ္ ပါတီတာ၀န္ခံ ဦးသြမ္ခန္ကပ္ကေ ျပာသည္။ 

“ အဲဒီကိစၥနဲ႔ပတ္သက္ၿပီး က်ေနာ္တို႔အေပၚ႐ိုက္ခတ္တာ အဟန္႔အတားေတြမရွိပါဘူး၊  သူ႔တစ္ဦးတစ္ေယာက္ရဲ႕ ကိစၥေတြပဲျဖစ္ေတာ့ ပါတီကိစၥမဟုတ္တဲ့အတြက္ေၾကာင့္ က်ေနာ္တို႔အေနန႔ဲ အဟန္႔အတားတာေတြမ်ိဳးမရွိပါဘူး  သူ႔ကိစၥကိုေတာ့ ပါတီဥကၠကပဲ ေျဖရွင္းပါလိမ့္မယ္၊ က်ေနာ္တို႔ပါတီကိစၥက အမ်ားပိုင္ပါတီျဖစ္ေနတဲ့အတြက္ ကိ္ုယ့္ရပ္ကြက္ ကိုယ့္ေဒသမွာ ႀကိဳးစားေနၾကတဲ့အတြက္ေၾကာင့္ အဟန္႔အတားမရွိပဲနဲ႔ ပိုေတာင္မွ ႏိုင္ငံေရးစိတ္ တက္ႂကြၿပီးေတာ့မွ ပါတီအင္အား တိုးလာတာပဲရွိတယ္ ေလ်ာ့တာမရွိဘူး” ဟု ခ်င္းျပည္နယ္ႏွင္းဆီ ပါတီတာ ၀န္ခံဦးသြမ္ခန္ကပ္ကေျပာသည္။ 

UDP ပါတီဥကၠဌ ဦးေက်ာ္ျမင့္(ေခၚ) မိုက္ကယ္ေက်ာ္ျမင့္ ဟြာဟူသည္ ေထာင္ေျပးမႈျဖင့္ ၿပီးခဲ့သည့္ စက္တင္ဘာ လ ၂၉ ရက္ေန႔က အဖမ္းခံခဲ့ရၿပီး ရာဇသတ္ႀကီးပုဒ္မ ၂၂၄ ျဖင့္ အမႈဖြင့္ခံထားရသူျဖစ္သည္။ 

ခ်င္းျပည္နယ္အမ်ဴိးသားလႊတ္ေတာ္အမွတ္ (၁၂) မဲဆႏၵနယ္ေျမတြင္ ႏွင္းဆီပါတီကိုယ္စားျပဳအေနျဖင့္ ၀င္ေရာက္ယွ ဥ္ၿပိဳင္မည့္ ဦးက်ဲအိုလိန္းကလည္း ပါတီဥကၠဌအဖမ္းခံရမႈေၾကာင့္ လႊတ္ေတာ္ကိုယ္စားေလာင္း ေတြအေပၚ ႐ိုက္ခတ္မႈမရွိေၾကာင္း ေျပာဆိုပါသည္။

“ က်ေနာ္တို႔ပါတီပိုင္းဆိုင္ရာေရာ၊ ကိုယ္စားလွယ္ပိုင္းမွာဘဲျဖစ္ျဖစ္ ထိခိုက္တာ အဟန္႔အတားျဖစ္ေစတာမ်ဴိး ဘာမွမရွိပါဘူး” ဟု ေျပာသည္။ 

ယခုကဲ့သို႔ ပါတီဥကၠဌအဖမ္းခံရေသာ္လည္း ပါတီ၏မူဝါဒအတိုင္း ကိုယ့္နည္းကိုယ့္ဟန္႔ျဖင့္ ပါတီစည္းရံုးေရး မ်ားဆက္လက္လုပ္ေဆာင္ေနသည္ဟု ခ်င္းျပည္နယ္ UDP ပါတီတာ၀န္ခံကေျပာသည္။ 

“ ပါတီလုပ္ထံုးလုပ္နည္းအရ ပါတီစည္းရံုးေရးကြင္းဆင္းတာေတြပံုမွန္လုပ္ေနပါတယ္၊ က်ေနာ္တို႔ဟာနဲ႔က်ေနာ္ တို႔ ကိုယ့္ဟာကိုအိတ္စိုက္ၿပီးေတာ့မွ စည္းရံုးကြင္းဆင္းတယ္ ဥကၠဌမရွိရင္လည္း UDP ရဲ႕ မူဝါဒအတိုင္းပဲ ကိုယ့္ေဒသ ကိုယ့္နယ္ေျမအတြက္ ကိုယ္က်ဴိးစြန္႔ၿပီးကြင္းဆင္းေနပါတယ္” ဟု UDP ပါတီတာ၀န္ခံ ကေျပာသည္။ 

ႏွင္းဆီပါတီသည္ ျမန္မာတစ္ႏိုင္ငံလံုးတြင္ အမ်ဴိးသားဒီမိုကေရစီအဖြဲ႔ခ်ဴပ္(NLD) ပါတီၿပီးရင္ ဒုတိယေျမာက္ မဲဆႏၵနယ္ေျမအမ်ားဆံုး၀င္ေရာက္ယွဥ္ၿပိဳင္မည့္ပါတီျဖစ္သည္။ 

ခ်င္းျပည္နယ္တြင္လည္း မဲဆႏၵနယ္ေျမ (၃၉) ေနရာရွိသည့္အနက္ (၃၈) ေနရာတြင္၀င္ေရာက္ယွဥ္ၿပိဳင္မည္ျဖစ္သည္။

Share.

About Author

Leave A Reply